A SANTAAAAAAAAAAAAAAAAAAAA !!!!

Ghjuvan'Federiccu

Incù quissi versi quenti
E a vodda più tamanta,
Vi lampu l'appuntampenti
Duva cù piacè si canta,
E trà amici é parenti
Si fà festa pà a SANTA !!! cheers

_________________
PERSA A LINGUA , PERSU U POPULU .

Ghjuvan Micheli

Induva sò l’animali
Cantati da Pampasgiolu ?
Oghji a fiera hè carnavali
Ùn hè l’anima di Niolu
Ci ferma a messa nustrali
Ma a Santa pari in dolu

_________________
A raghjoni hè toia... ma a capra hè mea !

http://casa-di-a-memoria.over-blog.com/

MARCU MARIA · GOLU Nombre de messages: 7209 Date d'inscription: 21/10/2004

Hè vera ùn hè più quella
Ch'ellu facia babbone
Ma cantendu e riturnelle
Intriccendu e canzone
Noi sempre lutteremu
Per mantene a passione....

_________________
Un populu,una lingua,un foru !!

Cumpà

Cum'u tempi hè cambiatu
Tutt'u vechju sì ne more

L'aghj'assai'abintatu
Sì ne stringhje lu mio core

Per quessa sò faticatu
Di sente sti spannacore

_________________
http://cumpalliols-in-corsu.over-blog.com

Tandu i figlioli adduniti sott'à listessa bandera cù una vuluntà cumuna
Feranu di stu paese una nazione fiera, ùn ne mancherà manc'unu
È feranu l'avvene.
A. Olmetta

Ghjuvan'Federiccu

I spiriti sò scambiati
A cosa hè più chì vera,
Ma in versi impruvisati
Cantaremu pà issa fiera,
Fendu cumu l'antinnati
A festa é a spartera cheers

_________________
PERSA A LINGUA , PERSU U POPULU .

u ghjancasgiolu · San Petrone Nombre de messages: 22 Date d'inscription: 06/08/2009

Trè ghjorni nanzu a Santa
Cullemu in campu di fiera
A nostra fede hè tamanta
Per u cantu è a biera
Ùn avemu più rispettu
Nè mancu un palmu di nettu
Mr.Red

Ghjuvan'Federiccu

Ne cuddaremu trè ghjorni
O ancu una sittimana,
Ùn ci saranu frastorni
A passioni sarà sana,
E di biera in ogni scorni
Ci sarà una damisgiana drunken

_________________
PERSA A LINGUA , PERSU U POPULU .

MARCU MARIA · GOLU Nombre de messages: 7209 Date d'inscription: 21/10/2004

Lascia corre tù a biera
E un cerca u cunflittu
Un parla di quell'affare
O amicu stati zittu
Chì dopu à dui bichjeri
Tù ùn teni più arrittu !!!

_________________
Un populu,una lingua,un foru !!

cirlinu

s'ell'ùn tene più arrittu
ch'ellu stia puru à pusà
a vi dicu per u scrittu
u tippu ellu sà impennà,
veneri l'aghju misuratu
in venacu à s'ha pruvatu

.

MARCU MARIA · GOLU Nombre de messages: 7209 Date d'inscription: 21/10/2004

S'ellu mette à pusà
Forse ell'hè troppu stancu
A ti dicu car'amicu
Chì à spessu sò à fiancu
Ma chè t'eri in Venacu
Quessa ùn a sapia mancu shaking

_________________
Un populu,una lingua,un foru !!

cirlinu

eiu in venacu so paisanu
lu mio paese hé vicinu
per sustene casgiu casanu
s'hé affaccatu cirlinu
da savaghju era falatu
u pueta inamuratu

MARCU MARIA · GOLU Nombre de messages: 7209 Date d'inscription: 21/10/2004

Vultendu à lu sughjettu
Quellu di a nostra fiera
Ti dumandu cù rispettu
E a brama a più sincera
S'è in st'occasione bella
Ci farè qualchì paghjella ?

_________________
Un populu,una lingua,un foru !!

so

ind'è u ghjurnale d'oghje, aghju vistu sta mane chì i chjam'è rispondi sò prugrammati per u marti 8 di sittembre à 3 ore è mezzu di u doppu meziornu, qual'hè chi ci sarà?

_________________
Hè la lingua materna di le nostre mammone
Chì cuntavanu fole in giru à lu fucone
Chì cuntavanu gioie, chì cuntavanu affanni
In l'unicu parlà di tuttu lu rughjone...

Petra lu pianu

U marti? t'avaranu ancu intaressu à impruvisà quand'e' ci aghju da cuddà...

MARCU MARIA · GOLU Nombre de messages: 7209 Date d'inscription: 21/10/2004

so a écrit:

ind'è u ghjurnale d'oghje, aghju vistu sta mane chì i chjam'è rispondi sò prugrammati per u marti 8 di sittembre à 3 ore è mezzu di u doppu meziornu, qual'hè chi ci sarà?

Certe volte ci vulerebbe à riflette (ne o Dédé Mr. Green

) chì s'elli volenu vede uni pochi di ghjovanni participà (a rileva ch'elli dicenu Question

) ci vulerà à piglià in contu chì ùn simu nancu à a ritirata...

Cù GF ci seremu sabbatu sera à batte tutte e barrache in cerca di qualchì risposta ! A truvacci !!

_________________
Un populu,una lingua,un foru !!