Di leghja qualchì strufati
Hè vera conta é vali,
Ma l'accordi tralasciati
Un sò affari nurmali,
I fatti sò palisati
Avà mi rompi i stifali

Allora ti diceraghju
I to detti ùn sò veri
Ma quantunque sguasseraghju
Aduprendu i mo puteri
Ma tù per u nostru Foru
Un rispetti i to duveri

Allora s'aghju capitu
S'è a mo edea hè vera
Un aghju tantu durmitu
Ma fendu in sta manera
Eiu pensu chì u Pinnutu
T'hà dichjaratu a guerra

Se a guerra mi dichjara
Un truvarà tantu sciali,
A cosa hè più chì chjara
U fattu hè naturali,
A mè rima ùn rispara
Chì li strapparaghju l'ali

Macagna cù vanità
Quissu hè u so talentu,
Ma sappia a virità
A dicu cumu a sentu,
Un avaraghju pietà
Chì faraghju un scumpientu.