Annant'à u foru ùn scala
È mancu ci scrive micca
Ellu face a so strada
chì di a nostra si spicca
Hà fattu cum'è a Zinzala
A Luciartula è Titticca

I so amichi hà lasciatu
In tempi di muntagnera
È u foru tantu amatu
Oghje campa à straziera
Pasturellu scrianzatu
U so nome cumu era?

O pasturè a ghjuventù
Hè lebbia cum'è li venti
Una volta è po più
Faci cum'è tù a senti
Noi stemu à vardà
Di u foru ùn ti scurdà ....quantunque

Hè sempri listessa cosa
Sò trattatu cumu rimigna,
A mè rima hè ascosa
Da issa maladetta guigna,
Ma se vuleti impruvisà
Ritruvemuci in Pigna

u basgiu a tutti vi lampu
chi mi manca a vostra rima
è se un m'affacu tantu
avete tutti a mo stima
è cappiate u pasturellu
ch'ellu hè sempre in alta cima

Vicu chì solu Ghjiseppa
Pò capiscia u pastori,
O la mè cara Ghjisè
Mireti tutti l'onori,
Hè par quissa chì avà
Ti lampu issi dolci fiori

ohimè chi grandu affanu
di micca vedeti sta sera
aghju intesu un dannu
un canti cun vogulera
è eiu chi ti vulia vede
cantà in a citadella

Sò cusì tutte e stelle
U pastore hè una gloria
Correnu tante zitelle
Hà da entre in a storia
Di a puesia corsa
Hè l'avvene è a forza

L'avemu da sminticà
U nostru bravu Pasturellu
S'ellu ùn vole impruvisà
Eiu dicu: ''peghju per ellu"
Ma faccia beccu lascia cascà
Da ùn pigliassi un rastellu !!

Un fà troppu u malignu
Cù issa musa chì si straccia,
Eu socu bè avvezzu
Pà issu genaru di caccia,
E nantu à issu beccu
Ci tengu sempri a faccia !!! :mrgreen:

Po andà duva li pari
Ancu se hè quasgi leccu,
a me pocu m'inporta
Se u foru hè beddu seccu,
Chi avà a sola spiranza
Ti ghjurgu hè " faccia beccu "