a vuciada di u pastore
he sempre parolla forte
chi he manera di discore
in cu le bande accorte
di facciu dunque onore
chi m'apre belle porte

quassu à vede l'altagna
he per me un gran onore
ma a mio persona si lagna
d'un pudecci piu core
fermanu soli i mio sogni
a cunbate i mio dimogni

di la macchja à mezzi fiori
mi nutriscu di veranu
profumatu di tanti odori
da empieghjene un zanu
tandu i sogni so realita
so serenu di tanta felicita

hè una vera maraviglià
di vede stu riacquistu
robba è animali spampiglià
tuttu d'umore cunquistu
l'estru veranincu rinuvela
per sempre a so curbela

Cusì belle e scappate
Per machje, à l'aria pura
E rime sò prufumate
U cantu pigli'à l'altura
Cusì bell'impruvisate
Di pueti d'a natura...

chiama

hè finitu u viaghju
ritornu in u mio paese
prima ch'ellu finisca maghju
da u mio cunfinu aschese
ti mandu centu mille fiori
prufumati di tanti odori

risposta

mille fiori odoranti
lampadi per partanza
incu culori sfarenti
so be di circunstanza
sia in logu aschese
felice in stu paese

u meiu un he paisolu
si chjama a Ghisunaccia
u fattu Corsu cè in dolu
l'invasore ci si caccia
s'ellu si face a bilancia
si pare d'esse in francia