Chjama à chì vole...

Tito

O amicu avà mi scusu
A mio vista hà scruchjata
Mi trovu avà cunfusu
Ci vole à fà richjappata
Un avia fighjat'u so musu
A cosa n'hè palisata

Ghjuvan'Federiccu

Hè vera ai raghjò
A sò vita hè propiu trista ,
Se si contani i difetti
Sarebbi longa a lista,
Chi quandu guardi Marcu Marì
Ne poi perda la vista Shocked

U PASTORI BUNIFAZINCU

_________________
PERSA A LINGUA , PERSU U POPULU .

Tito

Si pò perde anc'a vista
L'anima ne serà culpita
E puru cun la musa artista
A canzona ùn hè finita
A fighjà à Ghjuvan Battista
Si pò perde ancu a vita...

"je meurs"... Mr.Red

Ghjuvan'Federiccu

Si pò perda la vita
Caschendu drintu un fossu ,
Chi di fighjulalu in faccia
Ti ghjurgu eu ùn possu ,
Ch'aghju paura di finiscia
Seccu quantu un ossu What a Face

U PASTORI BUNIFAZINCU

_________________
PERSA A LINGUA , PERSU U POPULU .

Tito

O amicu di terzinu
Ora, mancu eiu ùn possu
Fighjà bè stu magrantinu
Propiu di vestitu rossu
E a fighjallu da vicinu
Mi vene a caca à dossu cyclops

Ghjuvan'Federiccu

Hè vera caru amicu
Anch'eu sò impauritu ,
Chi ùn lu voddu tuccà
Mancu in punta di ditu ,
C'hà vedalu da luntanu
Mi pari tuttu sputritu Mr.Red

U PASTORI BUNIFAZINCU

_________________
PERSA A LINGUA , PERSU U POPULU .

Tito

Ti pare tuttu sputritu
U nostr'amicu MMaria
Soca ell'averà capitu
U sensu di sta puesia
S'è di difetti ùn hè orfanu
Ci teneremu sempre luntanu

MARCU MARIA · GOLU Nombre de messages: 7209 Date d'inscription: 21/10/2004

Parlate di a me faccia
Parlate di u mo musu
Ma vecu lu vostru versu
Cum'ellu hè troppu cunfusu
Eiu pensu di a macagna
Chì n'avete persu l'usu Razz

_________________
Un populu,una lingua,un foru !!

Ghjuvan'Federiccu

Caru amicu lu sgìo
Di cantà ùn se cuscenti ,
Chi noi macagnemu
Eppò cù tanti talenti ,
A colpa ùn hè micca noscia
Se faci scappà a ghjenti Mr.Red

U PASTORI BUNIFAZINCU

_________________
PERSA A LINGUA , PERSU U POPULU .

Tito

A dì chè no' perdimu l'usu
Amicu ùn ci sì chè tù
Sai chì a macagnaccia
A pigliu sempre da l'insù
Basta à fighjà a to faccia
E riparte ancu di più

antonu

Faci scappà a ghjenti
Quandu pidda u so strumentu
E ci sò tanti uruleri
Chì hè un veru scumpientu
Una volta aghju intesu
U lamentu di u denti..

Ghjuvan'Federiccu

Vecu ch'in puesia
Mi piddareti pà mattu ,
Ma mi faci tantu paura
Ancu solu in ritrattu,
Chi a tò faccia ò Sgiò
Pari una tela di Picassò Mr.Red

U PASTORI BUNIFAZINCU

_________________
PERSA A LINGUA , PERSU U POPULU .

antonu

o ma lacheti lu stà
Stu dintistu senza denti
Prestu si farà macinà
Da Francesca è u so talentu
u manghjaremu in farina
In una fetta di pulenda..

Tito

Eccu a bella rifarenza
Ch'ellu face quì Antò
Hà spartuta a so sapienza
Cun Pastò è cun Titò
Parlendu in cunniscenza
Di Battì u pulendò.

MARCU MARIA · GOLU Nombre de messages: 7209 Date d'inscription: 21/10/2004

Avà vecu veramente
L'affare hè capitu bè
Ch`mi vulete attaccà
E macagnà à più pudè
Ma nimu la face solu
E bisogn'à fà in trè !! bom

_________________
Un populu,una lingua,un foru !!