À mè l'Orsu m'hà salutatu
Ch'idd'hè stat'un omu dilettu
Ma lu tintu inamuratu
Ùn cunnosci più u filettu
A so savviezza ci hà purtatu
Ma sà manighjà u stilettu......

O vo amichi, e vo belle e brave zitelle
E tu Elvira cara di lu mo core a l'adisperu,
veranu di ghjuventù, Orsu vi tene caru.
Ma ellu si ne colla e si ne fala in valdi nielli
a buscassi fiuretti, solli, filetta e mele...

A carissima Elvira
A si caccia incù l'Orsu
Ogni rima volta è gira
In stu bellu cantu corsu
Ma quell'anima suspira
S'ellu hè amaru u morsu