Chjama à chì vole...

MARCU MARIA · GOLU Nombre de messages: 7209 Date d'inscription: 21/10/2004

Lampu anch'eiu una chjama
A quellu chì hè sfaccindatu
Sperendu ch'ell'appia a brama
Incu lu cantu impruvisatu
Di risponde à lu dentistu
E di cantà à lu so latu

_________________
Un populu,una lingua,un foru !!

Tito

M'affaccu à u to latu
Incun tamantu rispettu
Postu chì ai chjamatu
E mi piace u prugettu
Avà chì ai lampatu
Fammi sapè u sughjettu!

MARCU MARIA · GOLU Nombre de messages: 7209 Date d'inscription: 21/10/2004

Palesu tamantu sbagliu
Un aghju pinsat'à l'avvene
Ind'è mè c'è tanta ghjente
Chì face lu pass'è vene
Avà e hè ghjuntu unu
Chì u dulor'ùn pò più tene...

_________________
Un populu,una lingua,un foru !!

Tito

Amicu ùn pudie sapè
Ch'era incertu l'avvene
Certe volte chjammi à trè
E hè un quattru chì vene
E quellu chì vene ind'è tè
N'escerà cù cinque pene! Mr.Red

MARCU MARIA · GOLU Nombre de messages: 7209 Date d'inscription: 21/10/2004

N'escerà mai cù a pena
O forse s'ellu hè Mattei
Chì s'ellu s'affacc'appena
Parterà ancu à pedi
I sciabuloni cum'è ellu
Si ne scappanu sei à sei...

_________________
Un populu,una lingua,un foru !!

Tito

Scapperanu sei à sei
Le to rime ùn sò strette
S'i to versi ùn sò mei
U mistieru si rispette
S'elli ùn portanu i sguei
Ne scapperanu sett'à sette

MARCU MARIA · GOLU Nombre de messages: 7209 Date d'inscription: 21/10/2004

A chì s'hè sciappat'un dente
In manghjendu un biscottu
A chì si n'hè rottu d'altri
Pigliendu qualchì cazzottu
Face chì ogni matina
Eiu li cacciu ottu à ottu

_________________
Un populu,una lingua,un foru !!

Tito

Eiu ùn ci capiscu tantu
Sò di e personne nove
Ma quantunque eiu cantu
Seguitendu tutte e mode
E à u dentistu accantu
Caccia denti nov'à nove

O chì gattivu mistieru
Chì v'incolla cum'è pece
Hè difficiule da veru
Ma chì vulete : hè legge
E ghjornu di gran'penseru
Denti cacciati dece à dece

MARCU MARIA · GOLU Nombre de messages: 7209 Date d'inscription: 21/10/2004

Hè vera chì in puesia
U to vers'ùn hè mai strettu
Chì per fà belle canzone
Tù si un veru tipettu
Ma avà cumu cantemu
Chì ai compiu lu sughjettu?

_________________
Un populu,una lingua,un foru !!

Tito

Serà compiu u sughjettu
O amicu ùn la credu
Face un'ora ch'aspettu
E poche rime ci vecu
Allora cun u to vulè
Ne parleremu torna di tè

MARCU MARIA · GOLU Nombre de messages: 7209 Date d'inscription: 21/10/2004

Riparleremu di mè
Eppo di li mo difetti
Parleremu d'i mo versi
Long'ò corti,mai schietti
Ma soca ne vedi d'altri
Tù incu li to spichjetti ?

_________________
Un populu,una lingua,un foru !!

Tito

Eiu in quelli sughjetti
Mai mai ùn mi stroppiu
Sempre cun li versi scelti
Ammazzeraghju u colpu
E ancu senza spechjetti
Difetti ne vecu troppu Mr.Red

Ghjuvan'Federiccu

Avà ne ghjunghju anch'eu
Incù rimi eppò canti,
Pà parlà di Marcu Marì
Incù i versi più tamanti,
Pà dì chi di difetti
Ne hà ancu più che tanti Mr.Red

U PASTORI BUNIFAZINCU

_________________
PERSA A LINGUA , PERSU U POPULU .

Tito

Soca tù ne vedi tanti
E per avà ùn pientu
"Li difetti sò tamanti"
U sughjettu ùn hè spentu
Bisogn'à piglià i guanti
Chì ne vecu più di centu Mr.Red

Ghjuvan'Federiccu

Hè vera ai raghjò
Ogni difettu si scanta ,
Ma ti vurria fà veda
Incù precisioni tamanta,
Chi di difetti Marcu Marì
Ne hà centu quaranta Mr.Red

U PASTORI BUNIFAZINCU

_________________
PERSA A LINGUA , PERSU U POPULU .