o car'amicu stefanu
prufessore venachese
veni è fami una riposta
o criticu u to paese
avà ùn aghju laziu
di ditti chì si francese

veni è fami una rima
cosa chì eiu aspettu
u to scularu di prima
ti trattarà cu rispettu
è mettelu in pappina
quand'ai scegliu u sughjettu

prufissore hà a paura
quand'u vecu eiu ùn coru
ao m'hà veni cù noi
ch'ai trovu un tesoru
paura ùn mi ne faci
cù lu to versu d'oru

per un mumentu sò bravu
m'hà ùn aghju micca pazienza
avà n'aghju una techja
ùn sentu micca resistenza
possu aspettà una serata
n'aspetteraghju micc'una ghjurnata

Di sente 'ssu versu d'oru
Ùn la feremu per avà
Chì lu caru prufessore
Internet in casa, ùn hà
Ti tocca à esse paziente
Venerà à fassi sente

à interesse perchè o si no l'aghju dà fà cappì.

Veradimente si perde u rispettu pè i Maestri..


O Geronimi, u voli fà scappà avà ch'è tù ai riesciutu à fallu ghjunghje?

Hà spiecatu ch'ùn hà u Nettu in casa...venerà quand'ellu pò...

Pazienza o masciu (ma ùn hè micca a to prima qualità s'e capiscu bè )

sentite lu liceanu
o cum'ellu parla bè
a so rima ùn hè nova
ma à mè mi face piacè
ùn mi parlà di puesia
chì ne sò quant'è tè
(forse à pena di più...)

quandu attaccai in puesia
tù ùn era ancu natu
eo battia per ste fiere
po sempre accumpagnatu
è s'intunavanu paghjelle
ancu in u to paese amatu

t'aghju rispostu o pullastrò
ùn la facciu per a Posta
chì à nant'à Internet
eo ne sò ghjuntu à posta
s'ella ti garba un suppu
avanza la to risposta....

o prufessore ti dicu
scrivi bè a puesia
ma si un omu prehistoricu
ùn cunosc' a technulugia
aghju aspettatu trè ghjorni
pè sta scrittura di briagoni

dici chì sò un pullastrò
o caru prufessore
si duru cume un bonbò
credi chì sì una terrore?
o amicu venachese
a risposta?micca ind'è un mese
(fà in furia)

Geronimi arrabbiatu
Senza un'oncia di prudenza
Lampa un versu 'nfiaratu
Contru à l'omu di sapienza
Ma sia un pocu attente
In le note l'ai da sente !

Contru lu to pruffisori
Voli fà la to battaglia,
Attent'a lu so furori
Ancu se ne ai la vaglia,
S'iddu hè cum'u Pastori
Ti lacharà ind'a paglia...

U PASTORI BUNIFAZINCU