Chjama à Titò !

Tito

S'è t'eri in sta serata
Chì ne sintia a festa
Una voce s'hè alzata
Ventulellu in a timpesta...
L'averai rimarcata
Ch'avia ancu a mo cresta...

Hè sicuru cascherà
Un ghjornu un'occasione
Duve puderemu fà
In rime e prisentazione
Ch'ella sippii detta avà
Canterem'in tradizione.

MARCU MARIA · GOLU Nombre de messages: 7209 Date d'inscription: 21/10/2004

Vecu chè t'ai rispostu
A lu t'amicu Cirlinu
Invece nùn si dispostu
A fà sente u to terzinu
Per u 27 in Pigna
Incu Roccu è Carlinu.... silent

_________________
Un populu,una lingua,un foru !!

Cumpà

Oghje ch'aghju l'uccasione
Provu questa discussione
Vi piacenu e serate
Sicuru chì ne parlate
Mà nun basta di parlàne
Ci vol'à urganisàne

_________________
http://cumpalliols-in-corsu.over-blog.com

Tandu i figlioli adduniti sott'à listessa bandera cù una vuluntà cumuna
Feranu di stu paese una nazione fiera, ùn ne mancherà manc'unu
È feranu l'avvene.
A. Olmetta

Tito

pè pudè urganizà
ci serà qualchì occasiò
è u tuttu hè di pruvà
pocu impreme a stagiò
ma locu ci vole à truvà
ùn simu micca tutti sgiò...

Geronimi

avà aghju da dì qualcosa
nant'à u nostr'amicu titò
bellu zitellu forse
ma ùn hè micc'un sgiò
ma o cari amichi
o chì tamantu falzò

MARCU MARIA · GOLU Nombre de messages: 7209 Date d'inscription: 21/10/2004

O chì tamantu falzone
Quessabella chè sicura
Ci vole dà e lezzione
Nat'à a nostra cultura
Ma vultatu in paese
Sempre canta in Francese Mr.Red

_________________
Un populu,una lingua,un foru !!

Tito

Ch'o cantessi in francese
Mancu ch'ella sia detta
Ch'osinnò ghjunghje l'offese
E in capu a saetta
Tandu ùn vale a pena
Di fà sent'a to trumbetta Mr. Green

U pippò per u sgiò!
U pippò per u sgiò!
U pippò per u sgiò!

MARCU MARIA · GOLU Nombre de messages: 7209 Date d'inscription: 21/10/2004

A ti dicu francamente
Tutt'ognunu si rispetta
Ma per piace à la ghjente
Ghjucheraghju di trumbetta
Chì più nimu n'appia à pate
Di sente la to vucietta tongue

_________________
Un populu,una lingua,un foru !!

Tito

Sè tù soni di trumbetta
Incun manera feroce
Fussi per una stundetta
Ne serai quella croce
A ghjente serà custretta
Ci sciapperai e noce... Embarassed

MARCU MARIA · GOLU Nombre de messages: 7209 Date d'inscription: 21/10/2004

Di chjappalli e so noce
Hè un affare chì mi stona
Ascultammi o amicu
Ti n'ampargu una bona
Chì a ghjente sempre scappa
Quand'a to voce risona.... geek

_________________
Un populu,una lingua,un foru !!

Tito

A to rima pare ricca
Ma hè un roncu di vacca
A ti ghjochi à ficca ficca
Ma custì hè tuttu sbacca
A ghjente ùn scappa micca
Cantu è ella affacca... Mr.Red

MARCU MARIA · GOLU Nombre de messages: 7209 Date d'inscription: 21/10/2004

Dici chì a ghente affacca
Ma ne ghjovanni,ne vechji
Chì di sente u to cantu
Tutti ne simu tratechji
E li soli chì ponu stà
Anu i tappi in l'arechjji !!

viking

_________________
Un populu,una lingua,un foru !!

Geronimi

in lu cantu di a puesia
in lu cantu impruvisatu
ancu ch' un tappu in l'arechje
ùn poi esse assicuratu
un ghjorn' aghju fattu la prova
è u tappu s'hè tuvunatu

MARCU MARIA · GOLU Nombre de messages: 7209 Date d'inscription: 21/10/2004

U tappu s'hè tuvunatu
C'è vulsutu u curaghju
Per stà quì accant'à ellu
E ùn parte in viaghju
Chì a so voce,a sai
Pare d'un cane l'abbaghju !!

_________________
Un populu,una lingua,un foru !!

Geronimi

pare d'un cane l'abbaghju
u caru cantu di titò
ùn a so marcu marì
si quindi ai raggiò
ind'una stonda briagina
paria quessu d'una ghjallina