quale ci sarà stasera in Pieve?

(eiu ci saraghju)

Veneraghju cù Francescu Maria da ch'ellu amparessi a paghjella !!

Ci seranu Terrazzoni è Titò dinù per l'apperitivu

Hè vera...

quelli sò ... cumu si dice amuse-gueule in corsu?

Allora, in Pieve, cumu era?

Prima riveneraghju un pocu nantu à a serata di Pigna postu chì ci hè statu una dumanda.
In Pigna, eramu 8 : Roccu Membrini, Ghjuvan Luiggi Villanova, Petru Santucci, Paulu Calzarelli, Ghjuvan Petru Ristori, Stefanu Conca, Ghjuvann Battistu Albertini è eiu. EMu fattu l'apertura cun u Rusignolu. U più ghjovannu cun u più anzianu (postu chì ci hà mancatu u Pasturellu, l'aghju rimpiazzatu). Dopu ogni presentazione era fatta in Chjam'è rispondi da 2 di i nostri (à chì devia prisentà i tuscani, à chì u slamu...). C'era un tavulinu per ogni naziunalità. A u principiu eramu 2 à u tavulinu di i "corsi" po pianu pianu ghjunghjianu l'altri pueti 2 à 2 una volta a presentazione fatta. Versu a fine emu avvicinati tutti i tavulini per fane unu grande è emu impruvisatu tutti inseme, ognunu à a so manera. Un sò sè mi sò spiecatu bè...

Tengu à dì chì sò statu più chè cuntentu di sente à Petru Santucci è Ghjuvan Battì appena di più chè d'abbitudine. Ci simu campati!

In Pieve...
Fà è fà, eramu 5 pueti!
Un ci era a quantità ma ci era a qualità!
Ulivieru Ancey, Ghjuvan Federì, Luiggi Savignoni, Paulu Moracchini è eiu...
A iè, ci era u sgiò ma ùn hà cantatu dunque u contu micca .
Emu cantatu assai ancu s'ellu ci era u rimore venutu da una antra serata (in piazza di a chjesa) cun u Tango Bleu...
C'eranu dinù unepochi di cantadori : Laurelli, Camellu Filippi, Ciosi, Bastianu Agostini... Chì ci anu incantatu cun belle canzone cum'ellu si dice in francese "à la carte"...

Eccu!!

à quandu e prussime serate?

Eiu in Lozzi ùn ci saraghju micca ma aghju u laziu di fà ne una quantunque

"senza cuntà" cum'ellu dice Titò, vale à dì ghjustu per stà à sente chì per u mumentu, ùn mi venenu più e rime, mi manca a pratica...

Ma mi campu sempre stendu à sente à i nostri amici pueti

ùn ci hè nimu chì arrigistra e serate?

Iè aghju da pruvà di buscà l'arregistramentu!
Ma quandu dicu "ùn conta micca" hè ghjustu una macagna!
Perchè chì mi dispiace un pocu ch'ellu cantessi micca mentre ch'ellu hà e pussibilità!
E per a prussima o e prussime, ci hè u Pratu u primu d'aostu...ma per cantà, spergu è VOGLIU chè tù ne fessi almenu una!!

Cum'è tù si gattivu o Titò, ùn pudia cantà chì vulia fà sente i canti à Francescu maria