Ùn ti possu sminticà
Orsinu di lu me cori
Tù mi voli casticà
Cù sti versi di rancori
Ma ti dicu ch'à l'albori
ùN mi pudarè rinicà...

A vichjaia di a bella
L'hani cantat'i pueti
Ma frustati i panella,
Ùn sò più l''ori diletti,
È li rascia a canella...
Tandu si scrivi fuletti

Un ti puderà, di sicuru, mai più rinegà
a u fà di u ghjornu l'innamuratu corsu
e si ne stera sebbiatu sempre a puetà
muscandu, O Elvi, i to cappelli, l'Orsu

capelli, mica cappelli (ghjè tontu l'orsu). Scusate o Madamicella

Muscandu, o Elvì, di quell'orsu u pelu
Tandu ti n'ai 'a pente d'avè lasciatu un fiore
Soca l'amore hè cecu è tù u trovi bellu
Ma ùn ci pò fà nulla per rinfriscà l'odore

A puzza ghjè a meia, di sicuru
ma ghjè un odore chi piace puru
a certe donne dilicate e pure
e ghjova ancu a rinforza l'amuri

U tempu voli passà,
Ma voli stà u pueta
Nimu ùn lu pò ammattà,
Ch'idda corri a muneta........
Ma idd'ùn si farà pacà
Chì di fiora si dissita.......



vidi o Zifrà, u fiori ùn l'aghju lacatu, ...... ma u so melu u si pò manghjà l'ORSU, è quissa ùn la voddu micca

Puzza u pelu ch'ellu perde l'Orsu
O corciu di un Orsacciu corsu
da u so Amore abbandunatu.
Averà da parte st'innamuratu
a fassi frate in qualchi conventu
di Siena, sarzana o Lu Muratu

Ùn puzza micca stu pelu
Ch'idd'hè dulci cum'è suchju
Ma à tutti piaci u melu
Zifranu eppò l'Orsuchju....
Unu mi pari crudelu,
Chì ùn voli spart'u muchju...

Sè tù voli esse apa
Saraghju eiu bufone
Saremu regina è rè
D'un reame di canzone
È per fà ci ride appena
Avaremu u buffone...

U buffonu sarà Serra
È m'aghju da billicà!
Chì ci darà una spera
Pà pudè lu stuzzicà....
Tù Zifranu ùn sè serpa,
Ma iddu ti vorrà ruzzicà

ùn t'inchiità chì ci sò ghjeu

fff ùn semu micca di a listessa sterpa......