Un fiore per Zifranu...

MARCU MARIA · GOLU Nombre de messages: 7209 Date d'inscription: 21/10/2004

A l'amicu muntagnolu
Rè di le nostre cime
Chì ci hà purtatu u dolu
In stu ghjornu di vaghjime
Vogliu rende un'umaggiu
Intrecciendu e mo rime

Hè partutu Zifranu
E a face à corri corri
Ma cosa ne pinseranu
Tutti quelli di u foru
Chì l'amicu cusi amatu
Ci hà sfundatu li cori ?

U so versu era dolce
A so puesia d'amore
Era bellu a so voce
Ci purtava lu calore
Per l'amicu oghje partutu
Vogliu pone quellu fiore....

_________________
Un populu,una lingua,un foru !!

SERRA · Fangu Nombre de messages: 2154 Date d'inscription: 02/02/2008

o marcu marì , he un bellu omagiu chi tu rendi quì à u nostr'amicu pertutu troppu prestu versu d'altri celi .
quantunque pensu chi tu ci piglii à l'avanzu quist'annu , un he ancu u primu novembre no ? What a Face

MARCU MARIA · GOLU Nombre de messages: 7209 Date d'inscription: 21/10/2004

Avà sò muti l'acelli
Eppo mi ritrovu solu
Sò smariti li terzelli
D'i pueta di Niolu
Sperendu di ritruvà
A l'amicu Ghjancasgiolu Mr.Red

_________________
Un populu,una lingua,un foru !!

antonu

S'eddi volini stà muti,
ch'eddi stessini .... muti ..
piccatu ancu par eddi !
Ani da vultà , ùn t'inchità !!!
Prestu u foru l'hà da mancà !
quiddu chì paspa u foru,
Un pò campà senza EDDU..
E po... o Marcu marì,
u Capitanu, u Maestru,
U Criatori, u DIU ... sè tù
è basta ...
ùn ci hè tantu à ziricà.. farao

u ghjancasgiolu · San Petrone Nombre de messages: 22 Date d'inscription: 06/08/2009

MARCU MARIA a écrit:

Avà sò muti l'acelli
Eppo mi ritrovu solu
Sò smariti li terzelli
D'i pueta di Niolu
Sperendu di ritruvà
A l'amicu Ghjancasgiolu Mr.Red

Eiu ti vogliu risponde
Luntanu ùn sò partutu
Battu sempre per 'sse sponde
Ma hè vera mi stò mutu
Passu è facciu a spia
Di stu foru in malavia

À Matteu ùn l'aghju vistu
Nè menu u topu pinnutu
Ma a ti dicu sò tristu
Di sapè ch'ell'hè partutu
Dopu avè spartutu tantu
Di u so core tamantu..... Crying or Very sad

In quant'à u fiore malvu
Hè vera un dice più tantu
Soca vole cresce salvu
Di a loda o di u vantu
Ma s'ella vene di tè
Forse... li farà piacè ?
flower

u ghjancasgiolu · San Petrone Nombre de messages: 22 Date d'inscription: 06/08/2009

MARCU MARIA a écrit:

A l'amicu muntagnolu
Rè di le nostre cime
Chì ci hà purtatu u dolu
In stu ghjornu di vaghjime
Vogliu rende un'umaggiu
Intrecciendu e mo rime

Hè partutu Zifranu
E a face à corri corri
Ma cosa ne pinseranu
Tutti quelli di u foru
Chì l'amicu cusi amatu
Ci hà sfundatu li cori ?

U so versu era dolce
A so puesia d'amore
Era bellu a so voce
Ci purtava lu calore
Per l'amicu oghje partutu
Vogliu pone quellu fiore....

Ordunque tù mi dumandi
D’andà à vede à Zifranu ?
Ma ellu si stà dillandi
E creste è l’altipianu
Pate e vostre macagne
In le so triste muntagne

In ssi prati Muntagnoli
C’à ellu vidinu nasce
Sò zitti i rusignoli
La muvra più nùn ci pasce
Aspettanu chì viranu
Venghi à porghje li a manu

‘Ssi lochi eri biati
Parenu digià d’inguernu
I venti si sò pisati
È prumettenu l’infernu
Mi ci vole u curagiu
Per purtà u to missagiu

Vedi o Marcu Maria
Chì sò un fiore d’onore
Stampu a to puesia
Nant’à un fogliu di culore
È subitu à li portu.
À locc’à dumane, voltu...

rappallinu

Aduprà vogliu a penna
Da scrive u mio pinseru
Sentu dì quind’è culandi
C’u foru hè à l’addisperu
Ma chì sarà ‘ssa cumedia
È tuttu ‘ssu tralaleru ?

’Ci c’à Matteu Mattei
Li taglionu a so scicca
Un certu Marcu Maria
O unu di a so clicca
Li sguassò qualchì missaghju
Quessa ùn si face micca

Averia matteucciu
Persu galloni è onore
Per avè dettu custì
Ciò ch’ell’avia in core
« Nanzu di scrive francese
mi lasciaraghju ancu more »

Quellu avà face u musu
Quand’ùn hè zittu hè mutu
La so rima s’hè siccata
U so versu s’hè taciutu
Pare ch’ellu sia avà
Un veru saccu minutu

L’anu vistu, à sente dì
Vulichjà per Valduniellu
M’anu dettu chì paria
Ligeru cum’un acellu
Eiu ùn ci credu tantu
Chì pesa quant’un vitellu

Piantu quì a mio macagna
È voltu pè e mio sponde
Saccu minutu o Matteu
Ùn sò duv’ellu s’asconde
È ùn lu possu chjamà
C’avà ùn sà più risponde

elvira

Sì tù sapissi ò Mattè
Quant'hè brutta la me sorti.......
Ùn aghju mancu più rè
Ma tù sè sempri u più forti
La me brama sarà par tè:
Senza tè li sciali sò morti.....

francesca

S'ellu hà abbandunatu
Un locu ch'ellu dice caru
È s'ellu ci hà tralasciatu
Per un andatu amaru
S'è PER NUNDA hè partutu
Pocu pocu ci hà tenutu... Shit

_________________
Tibè libaru
http://www.myspace.com/francescamar

Tito

Si ne andatu Matteu
E Zifrà hà seguitatu
Serà forse galateu
O stessu estru umanu
A dicu per contu meu
Mi pare un' affare stranu...

A dimarchja di u locu
Hè fatta nant'a spartera
Per mentene quellu focu
Bisognu à fà girà a sfiera
Pò esse ancu un ghjocu
In una certa manera...

Ci corre quì a macagna
Eppo dinù l'amparera
Da a cità à a campagna
"Cumu hè" è "cumu era"
Oghje u cantu si lagna
Chì si face à strappera...

Ognunu hà a so rasgione
Ognunu hà u so parè
Un pretendu dà lezzione
Tuttu ùn si pò sapè
E puru ogni spiecazione
Hà bisognu d'un perchè...

Eiu sò sempre zitellu
E bramante à tutte l'ore
Un ne sò micca mudellu
Ben ch'o sippiu prufessore
Stu foru hè un gioiellu
D'esseci, mi porghje onore...

In stu locu, ci n'hè certi
Chì vi lampanu i fiori
Rime fatte à cori aperti
Parullucce eppo lori
Tanti piaceri ufferti
Da a ghjente amatori...

Quandu spunta a gattivezza
Certi si mettenu in zerga
La fussi solu una carezza
In mente, gira è trinega...
Ci vole à piglialla listessa
Chì ogni cosa quì si spieca...

Ghjustu sti pochi filari
Cun a rima imbellita
Per dì chì simu tutti pari
Ci vole à tace ogni lita
Vi dumandu avà o cari
Per piacè, fatela finita... I love you

francesca

Ma ùn ci hè statu NUNDA di grave, o Tito : eiu ùn capiscu manc'appena 'ssa partenza.

Aghju cridutu ch'ella fussi una macagna, è avà pare vera, ma PERCHÈ??

Hè libaru d'andassine Mattei, ma ùn capiscu e so ragiò confused

_________________
Tibè libaru
http://www.myspace.com/francescamar

antonu

Bedda puesia , o titu !

Ghjuvan Micheli

Hà tradutu bè Titò
Tuttu lu pinsà ch'e t'aghju
Dunqua u furistu ch'e sò
Poni a penna in calamaghju
Spirendu ch'eddu a lighjissi
'N'Aregna l'amicu ch'e aghju...

_________________
A raghjoni hè toia... ma a capra hè mea !

http://casa-di-a-memoria.over-blog.com/

MARCU MARIA · GOLU Nombre de messages: 7209 Date d'inscription: 21/10/2004

rappallinu a écrit:

Aduprà vogliu a penna
Da scrive u mio pinseru
Sentu dì quind’è culandi
C’u foru hè à l’addisperu
Ma chì sarà ‘ssa cumedia
È tuttu ‘ssu tralaleru ?

’Ci c’à Matteu Mattei
Li taglionu a so scicca
Un certu Marcu Maria
O unu di a so clicca
Li sguassò qualchì missaghju
Quessa ùn si face micca

Averia matteucciu
Persu galloni è onore
Per avè dettu custì
Ciò ch’ell’avia in core
« Nanzu di scrive francese
mi lasciaraghju ancu more »

Quellu avà face u musu
Quand’ùn hè zittu hè mutu
La so rima s’hè siccata
U so versu s’hè taciutu
Pare ch’ellu sia avà
Un veru saccu minutu

L’anu vistu, à sente dì
Vulichjà per Valduniellu
M’anu dettu chì paria
Ligeru cum’un acellu
Eiu ùn ci credu tantu
Chì pesa quant’un vitellu

Piantu quì a mio macagna
È voltu pè e mio sponde
Saccu minutu o Matteu
Ùn sò duv’ellu s’asconde
È ùn lu possu chjamà
C’avà ùn sà più risponde

Ti vogliu fà a risposta
Cù a penna Luccianinca
Per ditti ch'à Olivier
Pueta di prima trinca
Ne eri ne puru oghje
Messagiu ne sguassu micca...

Messagiu ne sguassu micca
Chì u so stilu hè perfettu
Ch'ùn vogliu dichjarà guerra
Aduprendu lu stilettu
Postu ch'à lu me amicu
Li portu tantu rispettu

Li portu tantu rispettu
A l'usu di lu paese
E sempre in ogni locu
Piglieraghju e so diffese
Ma l'averà cridutu
Ch'o difendu u francese ?

Ch'o difendi u francese
Contru a nostra lingua cara ?
Parlendu in 'ssa manera
A mo rima n'hè amara
Chì criendu questu focu
Vuliu accende la fiara !!

Vuliu acende la fiara
D'a nostra bella cultura
Alzalla in ogni locu
Per muntagna ò pianura
E fà ch"ella sia viva
A nostra bella scrittura...

Ordunque finisceraghju
Cù a voce a più dolce
Ch'ella ribombi listessa
Da Aregnu à Pedicroce
Per dumandà à u signore
Ch'ellu ci torni sta croce Mr.Red

_________________
Un populu,una lingua,un foru !!

MARCU MARIA · GOLU Nombre de messages: 7209 Date d'inscription: 21/10/2004

Avà vuleria dì
Ch'ellu hè veru crepacore
Pè l'amicu Ghjuvan Battì
S'è u nostru prufessore
S'hè ammursciatu cusì
Pè una storia di...culore

Ma quì vecu veramente
Chì a so musa si lagna
E si sente un lamentu
Da u mare à la muntagna
Soca ellu ùn hà capitu
Era solu una macagna

_________________
Un populu,una lingua,un foru !!