Metteraghju u mo blog

http://tavanincu.sosblog.fr/

www.linguacorsa.net
lingua reta: a lingua corsa adatta à e nove tecnulugie

intaressu: un glussariu di l'infurmatica, da custruiscia "in cumunità" cù i webmaestri...

so andatu a fà un giru a st'indirizzu ,ma un so pussutu ghjunghje a u glussariu di l'infurmatica.
vi ne facciu cunfessione , quand'aghju lettu "caminu d'acessu" , scritti in francese ,e apreziazioni di taliani nantu a lingua corsa in francese, so statu un pocu cunturbatu .
fate u piace,( cum'ellu disse Minutu:) insignatemi a surtita chi l'entrata nu a so piu.

A storia di Grossu minutu (in frencese ! )

http://www.grossuminutu.com/index.php?m=8

Estrimei, tu chì dai lezziò à nantu à tutti i forum, ci hai da prupona altr'affari ch'è "caminu" è ha'da fà tu un glussariu ! È in più impidisciarè à i taliani di scriva in francesu !!!
Sè cum'è i vechji d'indè noi, disgusti a ghjente di fà... o di parlà !!!

o agnulodimoniu,
'ncu mè si u demoniu !
aprezieghju a to reazzione , ma faci un sbagliu ,un do lezzio a nimmu, dicu u mio parè-e s'ellu ci'ole ch'o curreggi i mio termini fatemi in rimproveri chi ne aghju assai ha amparà(un'he micca una manera di di ,so sinceru)- e so dicu u mio parè un he micca par fammilla vallè ma , a cunfessu, he per cuntrà tutta sta scrittura pensata in francese.
aghjusteraghju chi sti francissisimi i praticheghju anc'eu e quandu aghju u tempu facciu assai currezzione a i mio scritti .
caminu d'accessu he traduzzione di u francese " chemin d'acces"(à pensà ch'elli ci so i "chemins" fatti a lazziu), per traduce in pensentu a u francese averia scrittu :a strada ha piglià , ma s'omu prova a riflette in corsu un c'he piu bisognu di u nome e mi pare ch'ellu si po di: per ghjunghjecci .
eccu a mio manera di pensa, un'he micca detta ch'ella sia quella chi ci'ole e so prontu accettà i rimprovari e e pruposte 'nu u sollu interressu di a LINGUA

in fin di scrittura ,m'aveggu ch'o un avia micca lettu a to ultima infrasata:

Sè cum'è i vechji d'indè noi, disgusti a ghjente di fà... o di parlà !!!

custi l'affare un va piu, un'aghju mai scrittu chi quelli chi un sapianu parlà ne scrive si duvianu sta zitti (tandu ,a so , mi serria cundannatu) .
so andatu nantu a un forru cunsigliatu, e c'averia participatu incu piace chi sugettu m'interressa assai e un' aghju scupertu che cio ch'aghju scrittu.
o agnulodimoniu, postu ch'o so vechju , t'aghj'a di una cosa : di a lingua un si ne lascia omu disgusta da nimu.
a LINGUA, s'omu a rispetta ,he di tutti

Un liticate micca chì spartite e stesse valore è a stessa passione per a nostra terra

"fate u piace,( cum'ellu disse Minutu:) insignatemi a surtita chi l'entrata nu a so piu"
l'hai detta cusì, o mi sbagliu ?
Avariu pussutu rispondati nantu à "chemin d'accès" ma participariu cusì à ssu ghjocu murtali di discursati bizantini: cacci una parudda una sola è tuttu è da ghjittà !
passi u to tempu à dumandà à i corsi di scriva è di parlà corsu, ma cum'è ssi vechji, agna volta chì calcosa ti scumoda, faci falà à dui mani ... AHUUUÙ !
Certi ani fattu u sforzu di TRAVAGLIÀ da escia un glussariu, dumandendu à l'internauti di aiutalli... è tu ùn faci ca criticà... Quissa po, a sogu bè, ùn sarà cusì impurtanti, ma casca cusì, u ghjornu chì t'aghju pinseri da sopr'à u capu è ch'eru ghjuntu quì à sfastidimmi ! (parchì faraò ? È parchì `micca ?!)

Oooooooooooooooooo !!! basta !
avete ragio tutti dui !
Ancu assai chì quellu chi vole pruva di fà quelcosa pè a lingua corsa a u diritu di fà la hè nimu ùn ha u pudere di impedi a a ghjente è so iniziative ! ma a cridica hè lege, è tutt'ognunu a u so pare !
hè impussibilè di cuntenta a tuttu u mondu, ma u megliu (mi pare) hè di sparte è cunniscenze. Hè vera chì un ci vole micca a cira di traduce u francese ma ferma un affare difficiule (per mè, perchè l altri ùn la so !) di pensa in corsu....

o agnulodimoniu,
"fate u piace,( cum'ellu disse Minutu:) insignatemi a surtita chi l'entrata nu a so piu"
l'hai detta cusì, o mi sbagliu ?
ie chi l'aghju detta cusi, ma so statu mal capitu, aghju vulsutu stuzzicà per di ch'ell'un cera statu mezzu ,per me , di ghjunghje a stu glossariu e era una manera di dumandà ajutu -mi truvava a porta chjosa e fecia u parraggone 'ncu Minutu chi un ghjunghjia micca a mette a camicia -
so so statu mal capitu, a palesu he colpa meia e dunque dumandu scuse.
a stu glussariu,un ci so ghjuntu,nu u pudia criticà.
ma si a mio participazione ha da esse pigliata per prutensione, voglia di suttumette e d'imponene he megliu ch'o stia nant'a i lati


o MARCU MARI,
un letecu micca e aprezzieghju i rimprovari, ma custi he so ch'o so chi mi he rimpruveratu , forse chi a mio manera di di e cose un he quella chi ci'ole

Mancu eu, ùn vegu litiga quì... solu una pena 'n capu chì mi hè sbucciata à veda chì à tempu surtitu d'à a scola sogu sempri à mezu à i prufissori, ma bon!
M'avvegu chì a lingua corsa hè diventata u précarré (ùn dicu micca pà te Estrimei) di tre sapientoni, dui linguisti è quatru prufissò, è chì ciò chì si dici nantu à lingua corsa mai si diciarìa nantu à qualunqua altra lingua !
Ognunu si pensa di essa u patron' di a Lingua è a minima iniziativa, s'edda ùn sorta da l'imbutu curtinesu, hè disprizzata.
Torna una volta ùn parlu micca pà a discussioni qui nanzu, chì ùn so eu finalmenti u webmaestru di u Glussariu, ma vurrìu inizià cusì un filu nantu à stu rapportu ch'avemi cù a lingua corsa, ch'è noi scrivimi, di a quali discutimi, pà a quali ci litighemi... ma ch'ùn parlemi più.

iè mi pare ancu a mè chì a lingua corsa ùn hè sola a quelli chì l'ammaestanu in scritura o a l urale, a lingua corsa ùn hè u précarré di nimu, a lingua corsa hè a quelli chì a volenu parla !

Eiu capiscu à agnulodimoniu...à tutti quelli chì facenu u sforzu d'aduprà a lingua ci sò sempre l'"astuti" chì li cascanu addossu : hè què l'attitudine mortifera. U foru ,ai a ragiò o MM, hè un contra - esempiu, incuragimu l'usu di a lingua senza falle falà nantu à i sbagli, punimu e dumande, demu u nostru parè, avanzemu inseme, cù l'aiutu di i nostri prufessori chì ci facenu prufittà di e so riflessione, di a so sapienza vinta à rombu di travaglià ogni ghjornu (ci vole à ramintalla quantunque) è chì ùn si la ghjocanu micca.

Vuleria aghjustà chì ùn hè un peccatu murtale di fà francisisimi nemmancu italianisimi!! Basta dinù e "statule di u Cummandatore" chì senza avè a suluzione e facenu falà per ogni parolla suspetta...Hè cum'è qualchissia ind'una casa in focu, chì pruveria à salvà tutta a mubiglia prima di a ghjente : prima salvemu u più impurtante, dopu avanzendu accunceremu a soma!