Oghje, u 30 d'ottobre di u 2009, lampu ufficialmente una chjama.

Lampu una chjama à tutti quelli di u foru chì tenenu un'bloggu incù "over-blog".
Pensu, per esempiu, à quessi quì :

http://www.avali.over-blog.net/

http://linguacorsa.over-blog.com/

http://u-scoddu.over-blog.com

http://bloggu-corsu.over-blog.com/

Hè nata una cummunità nova, si chjama Adunita di i siti corsi, è sì pò truvà quì : http://www.over-blog.com/com-1125463190/Adunita_di_i_siti_corsi.html

V'invitu tutti è tutti à righjunghjecci.

Sapiate chì facia un’assai longu mumentu chì, assicurendu a publicazione di parechji articuli nant’à lu mio bloggu, vediu sempre l’upzione « creà una cummunità ».

Dapoi un’pezzu, mi diciu ch’o deviu veramente creà una cummunità di blogghi in lingua corsa, non’solu per caminà à un’unione, chì ci manca troppu à noi Corsi quandu ci hè bisognu.

Per quessa, sti pochi ghjorni, aghju pigliatu a decisione di creà un’adunita di i siti è bloghi corsi chì sì puderianu truvà nant’à over-blog (cio chì riprisenta una vera disgrazia per l’altri bloghi corsi ch’ùn sò micca nant’à over-blog, ma ùn possu micca fà tuttu, ne), è di creà una cummunità di bloghi corsi.

Si chjama « Adunita di i siti corsi » (u nome fù prupostu da Ghjuvan Micheli di u Foru Corsu, chì hà, anc’ellu, un bloggu nant’à over-blog, ch’o vi cunsigliu di visità).

Per u mumentu ne so eiu l’administratore, ma quandu seremu parechji nant’à sta cummunità, pensu chì u megliu seria di sparte l’administrazione trà di noi.

Aghju sfinitu a cummunità cume « Unione di siti corsi nant'à u purtellu over-blog. Per parlà di tuttu, di preferenza in lingua nustrale », ma per u mumentu, tuttu hè pruvisoriu, è ne puderemu riparlà, à l’ucasione.

À prestu…

Simu dighjà trè :

http://casa-di-a-memoria.over-blog.com/

http://solechjari.over-blog.org

http://cumpalliols-in-corsu.over-blog.com/


Invitu tutt'u mondu
L'ora hè à l'Unione, o ghjente.
Pigliatene cuscenza.

A ti dicu forse un ghjornu, ci sera un Orsu Orsini over blogghe da adunisce a i vostri.

Ci seranu tutti e mo puesiole e ancu e mo fole più strampalate, insomma u pensà linguisticu, filusoficu e metafisicu di l'Orsu Tonti. Forse per e donne manderaghu ancu e mo fotografie (Orsu arricoglie u mele corsu, Orsu si ne culla in piaghja, Orsu scrive e so mimorie, Orsu si lava i denti, Orsu cu a so mamma Catalina, Orsu a u Catagnonu ecc...)

Grazie moltu per sti cumplimenti, st'incuragimentu, è ste prumesse.
Ma da quì à dì ch'aghju fattu discità e cuscenza, ùn esageremu micca...

Dunque s'è qualchissia cunosce d'altri blogghi in over-blog ch'è quelli ch'aghju citatu, ùn esitiate micca à dàmmi l'addirrizze...

Bella pruvata di muntaghju di sega, ma ùn viaghja micca
À saperaghju propiu eiu chì a mio iniziativa ùn scambierà tant'affare, è chì forse podasse a mio manera di parlà in u mio primu missaghju paria podasse un'pocu troppu esaltata, ma ùn facciu micca què per diventà un'eroe, a sapete propiu, spergu.
D'altronde, aghju scrittu tante cunnerie chì nunda ùn puderia richjappà...