[CUMPA WORLD] Tumbà n'hè micca more

Invité

Ùn vi scherzate micca di mè per piacè. Wink

A lettura di i ducumenti m'hà amparatu chì a cuspirazione di Vituperi hà ramificazione in u mondu sanu.
Allora, iè, aghju da parte da quì à pocu di a Bolduvachia (sappiate puru chì ancu u presidente di a Republica Bolduvaca, Transnep Ciniewvszvik hè implicatu in stu trafficu) ma per andà in Asia, in un'picculu paese in u quale Vituperi si pripara à fà un'colpu di statu.

PAD

in Asia .... bomba ! o Bombay ...

_________________
Una lingua si cheta, un populu si more.

Invité

Ùn sò micca chì per u mumentu, ~~ùn aghju ancu riesciutu à imaginà a seguita~~ ùn aghju ancu finitu di leghje tutti i ducumenti ch'è no avemu arrubatu quallà.

PAD

ODS ùn ai compiu di leghje i documenti ! Cumencia à fà u fretu in Sprodjchì ! Wink

_________________
Una lingua si cheta, un populu si more.

Invité

Eranu in codici sti ducumenti. U tempu di truvà a chjave...

Iè. Aghj'à ripiglià prestu prestu.

Cumpalliols

Orsu Dumenicu Solechjari a écrit:

Eranu in codici sti ducumenti. U tempu di truvà a chjave...

Iè. Aghj'à ripiglià prestu prestu.

Allora ripigli prestu, o sega !

_________________
http://cumpalliols-in-corsu.over-blog.com

Tandu i figlioli adduniti sott'à listessa bandera cù una vuluntà cumuna
Feranu di stu paese una nazione fiera, ùn ne mancherà manc'unu
È feranu l'avvene.
A. Olmetta

Invité

Quantu odiu, quandu narvosità !
Ùn sì micca cuntentu ? Cosa ci possu, eiu ?
Ùn meritu micca di patisce di lu to odiu, o Cumpà, sopra tuttu chì a seguita si pripara prestu prestu.

Invité

Cinquesimu capitulu

Qualche ore dopu, ci ritruviamu, in u stessu lucale di a notte scorsa per pudè studià i ducumenti à u calmu. Dopu d’avecci assicurati ch’è no’n’eramu seguitati da i nostri nemichi, ci ritruviamu tutt’i trè in sta salla moltu bughja chì ci ghjuvava pruvisoriamente di carrughju ghjenerale. Quallà, dopu à avè verificatu incù attenzione ch’è i nostri nemichi ùn avianu micca prufittati di a nostra assenza per investisce u locu, o ancu per piattà monda micrò in u locu, ci stalliamu tranquilamente à i nostri tavuloni di travagliu per studià appena.
I ducumenti, ben’intesi, ùn eranu micca scritti in una lingua faciulmente capisciatoghja. S’assumigliavanu piuttostu à una seguita di lettere, di sciffri è di segni cabalistichi senza nisun’sensu vedebule.
È puru, sti pochi fogli avianu sicuramente un’sensu, è u simplice fattu d’ùn vedellu increscia sempre di più u mio addisperu : non’solu a mio intelligenza naturale ùn bastava micca per discodice sti ducumenti sicuramente moltu impurtante, segnu ch’ùn eru podasse micca cusì intelligente ch’o u cridiu, ma sopra tuttu di pinsà à tutti i piani machiavelichi di Vituperi chì, per colpa meia, mi firmavanu, per u mumentu, scunnisciuti, à mè chì eru quasi u solu à pudè impediscelli. In fattu era propiu quessu u prublemu : Vituperi ci priparava un’culpacciu, ne eramu sicuri, un’culpacciu per a securità di u mondu, eru unu di i soli à pudè impediscellu, ma firmavu intravatu da sti ducumenti ch’ùn riesciu à leghje ! Eramu maladetti !
In fattu, l’affare durò parechji ghjorni. Parechji ghjorni ch’è no sintiamu passà, sempre chjosi in stu locu bughju ch’era a nostra cantina, à fà sempre u stessu travagliu ininiteressante, senza scurdàssi chì u tempu s’era moltu rinfrescatu frà tempu.
Assicuramente, u codici impiegatu da Vituperi è i so sbiri, trà i quali u sinistru Lernazg, era propiu elaburatu per scurasgisce ogni tintativa. Eramu forti, noi altri di u Gruppu E., ma Vituperi era, per u mumentu, ancu più forte ch’è noi !

Ancu di grazia (ùn vi scurdate micca chì sta storia hè propiu murale, è chì, à a fine, u bè deve vince, è u male esse disfattu), incù un’travagliu moltu assiduu, à trè, senza cuntà l’urdinatoriu, è dopu à avè elaburatu un’algoritimu differenziale di cundivisu preferenziale di l’infurmazione frazziunata, chì ci permisse di trasfurmà una seguita senza sensu di caratteri diversi in un’testu intelligibile.
À stu stadu quì, ne pruffitiamu per fàcci una piccula piantata chì u più duru era fattu. Disgraziamente, s’è u più duru era compiu, u più longu firmava à fà, chì ancu s’è no aviamu riesciuti à truvà u codici, i ducumenti custituianu sempre una massa moltu impurtante d’infurmazione ch’ellu ci vulia leghje sane sane. Una massa d’infurmazione degna d’un’dizziunariu tale ch’è u Muntese (versione cumpleta !)

Per ristringhje a nostra lettura, fubbimu ubligati di cunceve, una volta di più, un’altru algoritimu differenziale chì sibulava certe parole precise cunsiderate cume chjave. Fù cusì chì, dopu à trè altri ghjorni di travagliu, riesciimu à estrae tutte l’infurmazione impurtante di i ducumenti, è di fattu, à cunnosce infine i più negri disegni di Vituperi chì ci appariscia avà più machiavelicu ch’è tontu.

In sti ducumenti, parlava di un’pianu in parechje parte chì cumminciava per l’assaltu di un’trenu di l’aiutu internaziunale à i paesi povari, cio chì li avia permessu d’arrubàssi duie centu millione d’euro chì era privisti per parte per pudè cumprà qualche arme nucleare à un’trafficante bolduvaccu d’arme chjamatu Transnep Ciniewvszvik, chì era divintatu u Presidente di a Republica Bolduvaca dopu à esse statu culunellu in l’armata russa, postu chì li avia permessu d’arrubbà una grande quantità d’arme russe fabbricate durante a Guerra Freta.
Sapiamu chì Vituperi avia cumpratu st’arme pochi ghjorni nanzu, è ch’ellu vulia ghjuvàssi per impone a so vulintà à un’picculu paese di u Stremu Uriente chjamatu u Gonong (anzianmente chjamatu a Lornamia, à u tempu duve u Gonong era una culunia uccidentale). Quallà, Vituperi avia per prughjettu di fà un’colpu di statu per divintà dittatore di u Gonong. Incù qualche arme nucleare, Vituperi avia largamente i medii di fà cascà u guvernu di u Gonong. Da quallà, u sò prughjettu seria di dichjarà à tutti i paesi in giru una guerra d’espansione ch’ell’ùn pudia ch’è vince, postu chì alcunu di sti paesi ùn avianu armate moltu equipagiate, è sopra tuttu, ùn avianu micca l’arme nucleare.

U scopu di Vituperi, infine schjaritu, ci appariscia à noi trè cume moltu terrificcante ! Ùn ci era più ch’è noi, è u Gruppu E. per cuntrà sti prughjetti machiavelichi di duminazione !
A salvezza di u mondu era trà i nostri mani !

Invité

È ùn hè micca finitu !

Cumpalliols

Ùn seria micca piuttostu Trànsnep Ciniewviszvik ch'è Transnep Ciniewvszvik ?

_________________
http://cumpalliols-in-corsu.over-blog.com

Tandu i figlioli adduniti sott'à listessa bandera cù una vuluntà cumuna
Feranu di stu paese una nazione fiera, ùn ne mancherà manc'unu
È feranu l'avvene.
A. Olmetta

Invité

M'aghj'à fà u piacè di scrive qualche linee di più :

Cunfruntati à una minaccia tale, ùn pudiamu agisce soli, aviamu bisognu d’aiutu ! Per quessa, a mio prima azzione fù di chjamà à Francesca, a capimachja di u Gruppu E. per cuntàlli tuttu.
Amparaiu assai pochi tempi dopu ch’ella si spicciò di chjamà à l’ONU per infurmàlli d’una minaccia seria di colpu di statu in u Gonong. U guvernu di u Gonong sì spicciò d’infurmà a so armata.

Fù cusì chì, dui ghjorni dopu, allora ch’è no ghjunghjiimu in Ukpank, capitale di u Gonong, truviamu un’paese in statu d’alerta massimale. A seconda parte di a missione cumminciava quì.

PAD

Orsu Dumenicu Solechjari a écrit:

M'aghj'à fà u piacè di scrive qualche linee di più :

A seconda parte di a missione cumminciava quì. [/size]

sò cuntenta di ritruvà ti ODS

_________________
Una lingua si cheta, un populu si more.

Cumpalliols

Mi dumandu cosa ci hà da invintà sta volta.

_________________
http://cumpalliols-in-corsu.over-blog.com

Tandu i figlioli adduniti sott'à listessa bandera cù una vuluntà cumuna
Feranu di stu paese una nazione fiera, ùn ne mancherà manc'unu
È feranu l'avvene.
A. Olmetta

Invité

E mio avvinture inu Gonong sò degne d'esse cuntate...
... disgraziamente, sò ubligatu di fàvvi aspettà una cria.
Spergu chì nimu ùn mi rimpruveràllu.

PAD

Orsu Dumenicu Solechjari a écrit:

E mio avvinture inu Gonong sò degne d'esse cuntate...
... disgraziamente, sò ubligatu di fàvvi aspettà una cria.
Spergu chì nimu ùn mi rimpruveràllu.

_________________
Una lingua si cheta, un populu si more.