u "Pascal " Paoli, una dimarchja sindicale ?

estrimei

mi pensava di vere assai piu mondu per difende i marinari chi un si vullianu micca fà arrubbà u "Pascal" Paoli .
mi pare chi sta rivolta contru a un arrubbeciu publicu , fattu per , d'un cantu ,fà vince nepochi di millioni a un 'amicu di u prima ministru di l'epica(Buttler amicu di Villepin) e regallà tutti i battelli di a sncm (compri 'ncu i solli di a "continuité "-un he micca una folla -) a VEOLIA chi he di sicuru unu di i peghju nemichi chi a Corsica hà , he un attu puliticu prufondu per apre l'occhji di u Populu.
dumane un ci ne serà piu soli per a "continuité", Veolia e Corsica Ferries si puteranu sente per fà i prezzi ch'elli volenu, per l'acqua, l'eletricità , u mulizzu ,l'essenza l'affare serà listessu.
mi dicerete ch'ell'un derrà micca fastiu a i ghjunghjidicci chi serranu cherchi a soli.
ma noi, i nostri figlioli, induve anderemu a sbarcà?

_________________
curegge i mio sbaglii, he fà avanzà a lingua !
curegitemi !

MARCU MARIA · GOLU Nombre de messages: 7209 Date d'inscription: 21/10/2004

Hè vera ùn eramu tanti cù un tempu abbastanza bellu è una ghjurnata induve a maiò parte di a ghjente ùn travaglia...Pulitichi,militanti sindicali è culturali (sunadori,canterini,teatrini), mi pare di vede sempre listessa ghjente quandu ci vò (micca sempre bisogn'à dilla dinù) ma mi pare ghjust'appuntu ch`u...POPULU...si n'infuttia....

_________________
Un populu,una lingua,un foru !!

suttanaccia · San Petrone Nombre de messages: 30 Date d'inscription: 25/07/2009

Hè vera chi si saria aspittatu appena più aghjenti. Ma si pò dì chi no eramu almenu 3 iscritti à u foru ! Ancu si l'aghjenti so d'accunsentu incu i rivindicazioni ch'iddi sighini pilutici sindicali o culturali un facini più u sforzu di movassi. Monda pensan ià i so priurità parsunali. l'intaressi di u populu...

MARCU MARIA · GOLU Nombre de messages: 7209 Date d'inscription: 21/10/2004

Ci aghju vistu dinù Monte Astu è Micheli ma elli ùn scrivenu guasi più quì Shit

_________________
Un populu,una lingua,un foru !!

Matteu Mattei

ùn sò micca sì " u populu si ne infuttia "
ci vole à dì chì sabatu cascava male
eiu saria andatu s'ell'era statu un antru ghjornu...

ma sabatu è dumenica eramu parechji à fà u giru di i cimiterii.

_________________
Ricunnisciutu da l'UNESCO

estrimei

Matteu Mattei a écrit:

ùn sò micca sì " u populu si ne infuttia "
ci vole à dì chì sabatu cascava male....

he capita ch'ell'un si po micca sempre esse dispunibile, eu so a a ritirata ma ci so chi so stanchi di a so settimana e chi hanu u laziu di govesi i so dui ghjorni di pace incu i soi , ma aghju fattu st'articulettu sta mane, a st'ora 79 personne l'hanu lettu , simu 4 a avè datu un avisu.
a mè mi pare chi c'he troppu ghjente chi ,per avè a so pace ,chjovenu l'occhji . a pulitica un he micca che l'affare di i pulitichi, s'omu i lagga fà senza cuntrollu ci mettimu 'nu i guai :
fiighjate Veolia e cum'ella cerca a pigliassi tutti i mercati di l'acqua, avà face paggà ma quand'ella serà sola u vichjeru d'acqua l'avemu da caggà! e tandu l'occhji un ci sera piu bisognu d'aprelli .
tutt'ognunu sà oghje chi i mutori di Lucciana e di u Vaziu so periculosi per a salute, ma s'ellu si lascia fà u danu l'averemu! serrà listessa per l' "inciniratore" chi custi dinnu Veolia aspetta.
arricurdatevi , quelli chi site vecchjotti, Tchernobyl : tandu ci spiegghebbenu chi a fruntiera avia paratu u nullu .stebbemu tutti zitti , nunda un fu fattu : u danu l'avemu. nenzu c'era statu u tigliu di Canari , eppo dopu u tigliu di Bastia......
si po omu sbaglià , ma ci'ole a esse cuscenti chi a vera demucrazia impone a rispunsabilità a tutti !a deleggazione a occhji chjosi he una cundanna assicurata .

_________________
curegge i mio sbaglii, he fà avanzà a lingua !
curegitemi !

MARCU MARIA · GOLU Nombre de messages: 7209 Date d'inscription: 21/10/2004

Matteu Mattei a écrit:

ma sabatu è dumenica eramu parechji à fà u giru di i cimiterii.

Un dicu micca per quelli chì avianu u so da fà, è aghju precisatu ch`manch'eiu ùn sò sempre prisente.Ma quelli chì si n'infuttianu sò tutti i Bastiacci chì facianu e so spese è spassighjavanu in carrughju,è chì fighjulavanu cum'è animali da a so tighjata...

Fattu si stà chì 1000 à 1500 personne per difende una causa ghjusta è un'azzione cusi curagiosa hè pocu. E dopu quantu ci ne seranu chì diceranu chì ci vole à lascià a lotta armata per battesi nant'à u terrenu...

_________________
Un populu,una lingua,un foru !!

suttanaccia · San Petrone Nombre de messages: 30 Date d'inscription: 25/07/2009

MARCU MARIA a écrit:

E dopu quantu ci ne seranu chì diceranu chì ci vole à lascià a lota armata per battesi nant'à u terrenu...

O MM ci n'hè ghjà monda chi a dicini! ma ùn hè micca par quissa ch'iddi venini in carrughju! C n'hè monda dinò chi dicini chi ùn venini micca à i manifistazioni o a riunioni parchi l'unica suluzioni hè a lutta armata... ma iddi ùn facini né l'una né l'altra è si ni stani accantu a u camminu à ascultà a radiu à senta parlà di i manifestazioni è di l'azioni armati...

antonu

Ognunu faci com'eddu pò, quand'eddu pò, ...
...ma hè vera chì l'addunita ùn ci hè micca sempri ....
Monda ghjenti, oghji, ùn fighjulani....
cà u so billicheddu !

u Faiu

Troppu individualisimu in a sucetà corsa ughjinca, è ancu in quella mundiale.
Un sò podasse micca u megliore esempiu à seguità, ma mi pare chì troppu ghjente ùn pensanu più ch'è à elli.
Certe volte, mi face paura di vede cosa diventemu.