U Ritornu d'Orsu Dumenicu Solechjari

Invité

Cari furisti, pensu ch'he venuta l'ora per me di cuntavvi cio chi m'he accadutu durante sta crudell'assenza, tantu per voi chi m'avete credutu mortu, ch'e per me, chi so cascatu in una trappula. Eccu dunque :

Invité

Scusate, o ghjente...
He assai piu longu ch'o l'averiu pinsatu prima.
Ma vi cunteraghju tuttu, a vi ghjurghu.

Invité

Cumpà

Una pagina per ghjornu (è micca tutti i ghjorni).
Scrivi tropp'in furia, o Solechjari.

_________________
http://cumpalliols-in-corsu.over-blog.com

Tandu i figlioli adduniti sott'à listessa bandera cù una vuluntà cumuna
Feranu di stu paese una nazione fiera, ùn ne mancherà manc'unu
È feranu l'avvene.
A. Olmetta

Invité

Bon...
Per a seguita, aghj'a scrive nurmalamente.
E tantu peghju s'o'n'possu scrive l'aletti, un ne metteraghju micca.
A seguita da qui a pocu.
Pacienza.
V'aghj'a cunta e mio avvintura solu per i vostri ochji.

Cumpà

Seria bè di spiazzàlu in "prosa", stu sughjettu.
Ùn hè vera ?

_________________
http://cumpalliols-in-corsu.over-blog.com

Tandu i figlioli adduniti sott'à listessa bandera cù una vuluntà cumuna
Feranu di stu paese una nazione fiera, ùn ne mancherà manc'unu
È feranu l'avvene.
A. Olmetta

Invité

Inno, chi tuttu cio ch'o vi contu he vera.

Dunque aghj'a ripiglia tuttu, dapoi u principiu...

Invité

U RITORNU D'ORSU DUMENICU SOLECHJARI
Cuntatu da ellu stessu, e incu molti ditaglii ma senz'aletti.

Qualche settimane fa, eru eiu, Orsu Dumenicu Solechjari, u piu gran dettettivu privatu di Corsica, occupatu da un'inquiesta moltu impurtante : a ricerca di Ghjacumu-Francescu Ferletti ; un'tipu di u paese di Nivrasi, chi avia smaritu dopu a ave tombu un'certu Pulsametti chi avia furzatu a a so surella. Un'affare classica, in apparenza.
Certe, u cliente chi m'avia sullicitatu, un'ghjovanu chi s'era prisentatu cume chjamendussi Cumpa, mi paria a pinnucia scemu e cumpletamente spaventatu da a smariscione di u so cugnatu. U zitellu (ie, dicu u zitellu, perche he assai piu ghjovanu ch'e me), era cumpletamente spavintatu, da sta smariscione, e dinu da a so scontra incu cio chi mi paria a me, d'esse un tipu appena stortu chi li avia muntatu a sega. Per me, l'affare, era propiu simplice : Ferletti era statu ubligatu, dopu a l'assassiniu di u so nemicu, di piglia a machja per un fassi chjappa. Un'affare classica, cum'eiu ne cunniscia tante.
Ma in fattu, un he micca stata cusi simplice, l'affare, cume vo l'avete sapiutu leghjendu e mio avvinture cuntate da Cumpa. Certe, un so micca sicuru ch'e stu pullendoghju vi l'ebbi cuntatu cusi be ch'e l'averia pussutu fa eiu, ma postu ch'ellu v'ha dighja cuntatu tuttu que, un vi feraghju micca l'affrontu di cuntavvi cio ch'e vo sapete dighja. Seria una pertita di tempu per voi e per me.

Dunque, cume vo a sapete dighja, aghju cunsacratu st'ultimi mesi a st'inquiesta, interrughendu tutti i testimonii pussibile. Fu cusi ch'aghju avutu a cunfirmazione di a versione di Cumpa e ch'aghju amparatu l'esistenza di un'certu Lernazg, chi avia scuntratu a Ferletti durante a so fughjita e chi l'avia probabilmente piattatu in un'locu persu. A mio pista si pianto quandu amparaiu chi Lernazg e Ferletti piglionu, in Puretta, un'avio, per Roma. Dopu, piu nutizie, piu nunda. A mio inquiesta ne firmava custi, senza piu nutizie di nimu e di nunda. Mi mancava a testimunianza d'una certa Veneziana Cinarchesi, chi tutti i testimonii avianu vistu parla incu Lernazg.

Ma l'affare un ci firmonu micca qui.
U 29 di maghju, amparaiu, discitendummi, a ghjunta in Corsica di MAM, chi venia qui per firmacci. Per via di u mio passatu, e sopra tuttu di a mio cundanazione per cuntumacce a vint'anni di prighjo, so statu ubligatu di scappa. Dop'a parechji ghjorni di viaghju a pedi, passendu per a furesta (quand'omu he ricercatu, un si piglia micca a vittura, e un si passa micca per e strade), so ghjuntu in u paese di Zenetaccia-Gurglione, u paese u piu chjucu e u piu persu di Corsica. Talmente chjucu e talmente persu chi quasi nim'un cunnosce a so esistenza. D'altronde, ne so sicuru, un u cunniscite micca, stu paese, nanzu. Pensavu ch'in stu locu persu, nim'un mi ritruvera micca. D'altronde, Zenetaccia-Gurglione si trova assai vicinu di a pieva di Mirvella, e dunque assai vicinu di u locu da u quale venia a mio ultima testimonia a interruga (per u mumentu), chi eiu, ancu in e peghje situazione, pensu sempre a u mio mistieru, chi so un'prufessiunale, eiu.

U paese di Zenetaccia-Gurglione he cumpletamente disertu. Ancu d'estate, un ci he nimu. Un paese ancu piu viotu ch'e Fiuminale. E case so tutte abandunate, e podasse dapoi parechji decine d'annate. Un si vede mancu a strada per ghjunghjecci, chi a machja l'ha manghjata. D'altronde, un he mai statu un'gran'paese, Zenetaccia-Gurglione. A u piu, ci eranu una vintina di case. Ma ancu abandunate, e case tenianu quasi tutte sempre arritte, e avianu quasi tutte un'tettu. Eccu u locu ideale per piattassi.

A furesta era propiu bella, in gira a u paese. L'arburi eranu tamanti, e quessi, un avianu mai brusgiati, a vi dicu eiu. Sta bella furesta propiu densa custituiia una piattatella propiu ideale.
E puru, qualcosa d'indistinctu mi dispiacia.
Ancu in stu locu persu e piattatu, mi paria chi ci era qualcosa ch'un mi cunvenia micca. Puru, un so micca un vigliacciu eiu, ne mancu un'paurone, ma per u colpu, u mio stintu strasurdinariu m'avertia di un'periculu imminente.

E u periculu, cari amichi, era veru.
Soli dui ghjorni dopu a a mio stallazione in una casa diserta di Zenetaccia-Gurglione (m'eru stallatu in una casa ch'un era micca in gattivu statu, incu tutt'i muri e un'tettu), allora ch'andavu in la machja per una girata di ricunniscenza (dumandendummi quantu tempu dinu aviu da sta qui in una situazione simile), vedi un'cignale tamantu a venemmi nantu.
Sapiate chi a me, d'abitudine, un mi facenu micca paura, i cignali (ancu di grazia, chi so dinu un'bellu cacciadoru, eiu), ma qui, per u colpu, un aviu micca fucile eiu (chi quandu so partutu in la machja, un aghju avutu u tempu di pigliane unu), e ch'in piu di que, era un'cignale almenu duie o tre volte piu maio ch'e i cignali nurmali.
E u peghju, era ch'ellu mi venia nantu. Paria arrabiatu, stu cignale ! Arrabiatu da veru.
S'o eru statu qualchissia d'altru ch'e me, averia avutu paura. Ma a me, mi ci vole un pocu di piu, per ave a paura.
Ma ancu senza paura, cosa pudiu fa senza fucile ? Sopra tuttu ch'ellu mi venia nantu, stu cignale.
Eiu, senza nunda per difendemmi, pigliaiu una petra in terra per cummincia a tiralli nantu.
Ma nund'un riescia a arrestallu. Face chi eru, senza difesa, in facci'a un'cignale arrabiatu chi mi venia nantu.
Qualche seconde piu tardi, u cignale, quasi nant'a me, m'inticcio, e eiu, cascaiu in l'incuscenza.

Invité

a seguita

MARCU MARIA · GOLU Nombre de messages: 7209 Date d'inscription: 21/10/2004

_________________
Un populu,una lingua,un foru !!

Invité

Quandu so rivenutu a me, eru chjosu in una cantina scura, mane e pedi intravati. Pudete imaginammi, eiu Solechjari, intavatu mane e pedi ! Un so s'e vo pudete imagina un'affare simile, ma eiu, aghju fattu piu ch'e imagina, l'aghju subita, un'umiliazione simila.

A pezza era grande, i muri eranu in cimentu. Pezza cumpletamente viota, fora di una porta in fondu. Era un'locu cumpletamente impersunale. Almenu, eru sicuru d'un'affare, ghje chi eru prighjuneru, e ch'un eru micca in Zenetaccia-Gurglione, chi ancu s'o'n'aviu micca visitatu tutte e case, eru sicuru ch'un ci ne era manc'una chi pudia prisenta una cantina cusi muderna, cusi impersunale.

Ma u piu chi m'impurtava era di capi u perche di a mio presenza in un'locu simile. Quale he chi m'averia pussutu fa prighjuneru cusi. e sopra tuttu, cum'aviu da fa per scappa di qui per ritruva a mio liberta.
In un'primu tempu, aghju pensatu chi era a pullizza (o a ghjandarmaria) francesa chi m'avia chjappatu. un mi scurdavu micca chi eru un'ricircatu, ch'eru statu cundannatu per cuntumace a vint'anni di prighjone, e chi era ancu a raghjone di a mio scappera (bon, pensu ch'e venuta l'ora di rassicuravvi nant'a me : certe so statu cundannatu a vint'anni di prighjo, ma un aghju mai tombu a nimu). Ma in fattu sta pussibilita un spiegava micca tuttu : prima, un spiegava micca cume averianu fattu per truvammi, eiu chi eru cusi be piattatu in un'locu cusi persu, e dopu, un spiegava micca perche m'averianu messu solu solu in un'locu disertu e straniu. D'altronde, i mio ultimi ricordi eranu chjari : mi so fattu mina da un'cignale (pudete imagina umiliazione simile per un'tarcanu cume me ?), e quandu mi so svegliatu, eru in stu locu qui. Eru sicuru chi qualcosa s'era passatu quandu eru incuscente. Qualchissia m'avia trovu ; que, manc'a dilla ; e stu qualchissia m'avia messu qui. e pudiu ancu di ch'eru firmatu incuscentu assai tempu, chi stu locu era propiu alluntanatu di u paesucciu di Zenetaccia-Gurglione, chi era un'locu mudernu, e chi Zenetaccia era propiu alluntanatu di a mudernita ; dunque avianu avutu u tempu di spiazzammi. D'altronde, stu qualchissia mi vulia male, o sinno un m'averianu micca intravatu mane e pedi. un facianu ch'e qualche minute ch'eru rivenutu a me, e dighja aviu avutu l'uccasione di fa funziunna u mio spiritu di deduzzione ! Va ch'un so micca u piu gran'dettettivu di Corsica per nunda !

Ma in fattu, u piu chi m'impurtava, era di riflette a una manera di fughje di qui, di scappa. un ci era ch'una sola porta, in fondu, i muri, in "beton", mi parianu instrughjibile (podasse incu qualche buttiglie di gaz, ma un ne aviu micca nant'a me). Certe, eru appicatu, ligutatu, per esse piu precisu, ma que un he mai statu un'prublemu per me.

Dunque per ricapitula, diceraghju chi a mio principale sperenza di cappera passava per a porta in fondu. Primu, aviu da rompe e fune chi m'intravavanu (incu un'cultellu ch'o piattavu sott'a la mio camisgia ; un'cultellu moltu chjucu, e specialmente cuncipitu per assumigliassi a un'bottulu di a mio camisgia ; ie, a so chi so un'maccu, eiu !), e dopu aviu da anda studia a porta in fondu qualla per vede cumu fa per sbundalla. S'ellu si svelia troppu difficiule, pudiu strughjella incu una piccula cariga di splusivi, ch'o piattavu in a sola di u mio scarpu di manca. E dopu... e dopu videremu (ie, mi so messu a parla a u futuru allora ch'aghju parlatu fin'a ava a u passatu... e allora, cosa vi po fa ?), ma pudiu cunta nant'a a mio pistola (9 mm), ch'o piattavu in altro (a voi d'imagina induve, chi un aghju micca da cuntavvi tuttu).

Cumminciavu a pruva a staccammi quand'aghju intesu, daret'a a porta, duie voce chi parlavanu inseme. un sentiu manc'una sola parola, ma eru sicuru di un'affare : CUNNISCIU STE VOCE PER AVELLE DIGHJA INTESE NANT'A U FORU CORSU !!
Vulia dunque di un'affare ; he chi quelli chi m'avianu imprighjunatu so nant'a u foru ! Ci so dunque dui personne chi mi volenu u male nant'a u foru !

Un ebbe mancu u tempu di sprufundisce sta riflezzione chi a porta s'apri, e chi e duie personne entronu per piantassi davant'a me...

Invité

a seguita

Blaccu Bloccu

..."duie voce chi parlavanu inseme." ???

Eiu, più va è più so inchietu !

_________________
A diversità faci ricchezza !!

Invité

U piu inchietante, in st'affare, he di sape chi duie personne di stu foru so implicate in a mio smariscione ; chi duie personne di stu foru anu vulsutu fammi smarisce.

Ghjuvan' Filici

Orsu Dumenicu Solechjari a écrit:

U piu inchietante, in st'affare, he di sape chi duie personne di stu foru so implicate in a mio smariscione ; chi duie personne di stu foru anu vulsutu fammi smarisce.

Prisenti ! bounce

_________________
u Capitanu Ghjuvan'Filici, sempri in àndara, sirvitori di u Malignu è di i belli civetti...