U Ritornu d'Orsu Dumenicu Solechjari

a sumenta

Orsu Dumenicu Solechjari a écrit:

[*]Ma quale sera stu furdanu di Sgio Vituperi ?[/list]

ci so i tippi cusi nant'à u foru? l'omi chì hanu abbastanza viziu pè dirige una squadra cume quessa è chì di più piattanu a so identità scratch

circhemu dunque un omu viziosu è dissimulatore...

Invité

Ie chi ci seranu, nant'a stu foru, omi cusi.
A mezu a piu di 500 furisti, ci ne seranu sicuramente unu.

Cumpà

Bon, à ripigli, a storia, o l'aghju da ripiglià eiu ?
O spezia di senz'aletti !

_________________
http://cumpalliols-in-corsu.over-blog.com

Tandu i figlioli adduniti sott'à listessa bandera cù una vuluntà cumuna
Feranu di stu paese una nazione fiera, ùn ne mancherà manc'unu
È feranu l'avvene.
A. Olmetta

Invité

A possu ripiglia, ma mi pari ch'e tu si ben'sicuru.
Cumu ferii per sape ch'un ci sia nunda di cumprumettante nant'a te in a seguita ? Mr.Red

Cumpà

Orsu Dumenicu Solechjari a écrit:

A possu ripiglia, ma mi pari ch'e tu si ben'sicuru.
Cumu ferii per sape ch'un ci sia nunda di cumprumettante nant'a te in a seguita ? Mr.Red

Sicuru chì, dettu cusì...

_________________
http://cumpalliols-in-corsu.over-blog.com

Tandu i figlioli adduniti sott'à listessa bandera cù una vuluntà cumuna
Feranu di stu paese una nazione fiera, ùn ne mancherà manc'unu
È feranu l'avvene.
A. Olmetta

Invité

Dopu a una notte passata in paese d'Ostraghja ospitatu da Sumenta e Blaccu Bloccu (chi era rivenutu senza prublemi di u Stazzu di a Pecura Briagga), aviu decidatu di firma qui almenu dui o tre ghjorni, chi mi paria esse troppu risicatu ch'e di riturna ind'e me, per u mumentu. Fu cusi chi, u lindumane a dece ore, in sta casa imprestata da Sumenta e Blaccu Bloccu, aviu decisu una riunione strasurdinaria per pripara infine a mio risposta. Fora di Sumenta, di Blaccu Bloccu, e di me (ben'intesu), ci eranu dinu Elvira e Eiustessu (u mio infurmatore principale ; un'tipu assai straniu in u quale un aghju tantu cunfidanza, ma postu ch'ell'he sempre statu un'bon'infurmatore...). Per pude impedisce l'arrubezza di u Diamente Vergine, pruprieta di Ghjuvan'Federiccu da Vituperi e i soi durante a Fiera di San Golfachinu.
Fu per quessa chi, qualche ore dopu, principiaiu una piccula inchiesta nant'a stu Ghjuvan'Federiccu. Fu cusi ch'amparaiu chi era bunifazincu, pastore, ch'ellu travagliava certe volte in Savaghju, e ch'ell'aviu compru, pocu nanzu, u piu gran diamente di u mondu : u Diamente Vergine. Un era tantu riccu, Ghjuvan'Federiccu ; micca a bastanza per cumpra un'ghjuvellu cusi, e mi paria chi ci eranu sempre assai bughji in sta storia, ma per ava, u sol'affare ch'ellu ci vuria esse d'avertellu.
Tre ghjorni dopu, a mio inchiesta finita, decidaiu infine d'anda a vede a stu Ghjuvan'Federiccu in u so travagliu in Savaghju per parla un'pocu cun ellu. Quandu ghjunghjii quassu, i patroni m'amparianu chi Ghjuvan'Federiccu era dighja ripartutu in Bunifaziu.
Fu cusi ch'o ripartii versu Bunifaziu a scuntra infine stu mistiriosu citadeddaiu ch'era Ghjuvan'Federiccu.

Ghjuntu ind'e ellu (chi eiu, quandu cercu a qualchissia, u trovu sempre), mi prisentaiu a ellu, e li cuntaiu tuttu, e sopra tuttu u periculu per ellu d'anda solu e senza prutezzione in a Fiera di San Golfachinu.

Ellu, a contu soiu, mi spiego chi stu Diamente, un l'avia micca compru, chi soldi un ne avia tantu, ma ch'ellu l'avia trovu interratu in a rena di a piaghja di Cala Longa (dopu a u passaghju d'un certu Jacques S. in stu locu) e ch'ellu avia l'intenzione di rigalallu a a so imprumissa durante a Fiera di San Golfachinu.
Li dumandaiu s'ellu ne avia parlatu a monda ghjente, e ellu mi rispose chi no, ch'e sole tre o quattru personne a sapianu.

Ghjuvan'Federiccu, essendu un'omu intelligente, piglio a decizione d'aspetta appena nanzu di fa un'rigalu tamantu incu minaccie cusi serie.

Eramu sempre discuttendu inseme chi a porta di a so casa fu sbundata. Ghjuvan'Federiccu e eiu un ebbimu ch'e u tempu di rializa ch'ellu si passava qualcosa chi era dighja troppu tardi.

Sgio Vituperi, accumpagnatu di Ghjuvan'Filici e di tutti l'altri eranu qui.
Eranu tutti armati, eranu sei (Vituperi, Ghjuvan'Filici, Mirvella, Tagliacappu, Mister Palu e Lernazg), e noi un eramu ch'e dui e eru u solu a esse armatu.
Eramu in una trappula
TA TA TA TAM ! [picculu rutulamentu di tamburu per materializa u suspens]

Invité

Eramnu intrappulati ! Vituperi è i so sbiri eranu quì ! Eranu daret’à noi. Eranu armati.
E prime seconde, ùn aghju sapiutu cosa fà... certe, ùn era a prima volta ch’o mi truvavu in una situazione simila, ma, pudete credemmi, he sempre a listess’affare : in i primi tempi, ùn sì sà cosa fà. Dopu, mi vene naturalmente, e cose à fà per salvàssi è cumbatte i mio nemichi, ma in i primi tempi, aghju sempre bisognu di riflette.
Fù Vituperi chì mi escì di e mio riflessione quant’à una scappera, dichjarendu, triunfante, è incù una vera voce di gattivu :
"Quessa à sapiu ! A sapiu propiu chì Solechjari veneria quì per parlà cun Ghjuvan’Federiccu ! A sapiu chì Solechjari, libaru, ampareria a verità prestu prestu nant’à u mio scopu."
Eiu, senza palisà a mio indecizione quant’à u caminu à aduprà per vincelli tutti, dumandaiu, sfidendulu :
"Cosa mi parli di u to scopu ? Si talmente strampalatu ch’ùn ai bisognu di mè per piantàtti ! D’altronde, avà, u ghjuvellu hè in securità."
Vituperi, senza parè palisà nisun’emuzione, mi rispose, arrugante :
"Ch’è tu credi ! Podasse chì, per colpa toia, ùn averaghju micca l’uccazione d’arrubà u Diamente Vergine à a Fiera di San Golfachinu, ma ùn face nunda, chì l’aghj’à arrubà oghje."
Cuntinuendu di sfidàllu, rispose :
"Ùn arrubarete nunda oghje, chì u Diamente Vergine si trova bè piattatu. Si leccu Vituperi !"
"Piant’appena e to cunnerie, chì sò esatammente induve hè piattatu u Diamente Vergine. Si trova in una casciaforte in cantina di sta casa. Ci hè un’codeci di centu sciffri per aprella, ma incù a mio squadra, ti possu dì ch’è no avemu i medii di fàvvi parlà." Rispose Vituperi parudiandu un’vechju filmu.
Sentendu què, mi venì l’inchietutina. Micca per mè, chì eiu, ùn temu a turtura, chì sò ghjà statu turturatu, ma per Ghjuvan’Federiccu, dumandendummi s’ellu puderia resiste à a turtura. Quessa era ancu più veru chì seria sicuramente ellu chì seria turturatu, chì eiu, manc’ùn lu cunnisciu, u codici di a casciaforte.
Ma ùn ebbe tantu u tempu di riflette di più, chì Ghjuvan’Filici pigliò a parolla :
"Pensu ch’ùn averemu micca bisognu di fà usu di a turtura, o Vituperi, chì u mio amicu Tagliacappu hè un’espertu in codici quant’è in chirurgia."
"Videremu." Rispose Vituperi, senza parè ralegràssi di st’infurmazione, parlendu da veru cume s’e sta suluzione li dispiacia.
"È d’elli chì ne femu ?" Dumandò u Cavaglieru di Mirvella, mustrenducci di u dittu, à Ghjuvan’Federiccu è à mè.
"Quandu seraghju in pussessione di u Diamente Vergine, i tumberemu." Rispose, crudellu, Vituperi.
"O Sgiò Vituperi ; s’è vo a permettite, mi piaceria monda di pudè, un’altra volta, interrugà à Solechjari per sapè s’ellu sà qualcosa nant’à Antonu o Matteu Mattei." Dichjarò Ghjuvan’Filici.
Ma a risposta di Vituperi fù senza ambiguutà :
"Innò ! I tumberemu è basta !"

Fù à stu mumentu precisu chì Sumenta entrò in a casa...
Tutti funi surpresi da st’entrata propiu inaspettata. Eiu dinù, mi dumandavu cosa facia quì, chì l’aviu fattu prumette di firmà in paese, luntana di u periculu.
Ma, una volta di più, l’ebbenimenti sì passonu troppu prestu, chì Sumenta ùn ebbi mancu u tempu di fà qualcosa per aiutàcci, Ghjuvan’Federiccu è eiu, chì i sbirri di Vituperi l’avianu dighjà neutralisata è messa accant’à noi, sott’à a minaccia di e so arme, cume noi.
Vituperi, senza lacàssi impressiunà, dichjarò, a voce piena di velenu è d’irunia :
"Vecu chì l’amica di u nostru dettettivu ùn hà pussutu resiste à a tentazione di vene à u succorsu di u so eroe. Ùn face nunda... Ferà una personna di più à tumbà dopu à avè trovu u Diamente Vergine."
Veramente, stu persunnaghju era infamu. Ùn capisciu micca cumu hè chì un’persunnaghju cusì bruttu è cusì caricaturale in a bruttezza ebbi pussutu esse un’nemicu cusì tenace per mè.
Fù à stu mumentu precisu chì Mister Palu dumandò :
"Sò d’accunsentu per tumbàlli quand’averemu truvatu u Diamente Vergine, ma per avà, chì ne femu, d’elli ?"
"Appicatelli tutti incù a funa, è purtatelli tutt’i trè in u granaghju. Dopu, quand’e no averemu truvatu u Diamente Vergine, podasse chì ti laccheraghju ghjucà incù elli."
A voce di Vituperi ùn laca piazza, ne à a cuntestazione, ne à a disubbidienza, è cusì, prestu prestu, fumi intravati mani è pedi è purtati in u granaghju senza pudè truvà l’uccasione di fughje o ancu di sbattessi, chì Mirvella ci avia chluruformatu tutt’i trè !

a sumenta

duie osservazione (faciu anc'eiu u dettettivu postu chì orsu dumè hè u mio eroe... Mr. Green

)

1) "Pensu ch’ùn averemu micca bisognu di fà usu di a turtura, o Vituperi, chì u mio amicu Tagliacappu hè un’espertu in codici quant’è in chirurgia."...tagliacappu hè un "fan" di i sudoku... Rolling Eyes

2) chì baulla sta sumenta!!!!!! tongue

Invité

a sumenta a écrit:

duie osservazione (faciu anc'eiu u dettetivu postu chì orsu dumè hè u mio eroe... Mr. Green

)

1) "Pensu ch’ùn averemu micca bisognu di fà usu di a turtura, o Vituperi, chì u mio amicu Tagliacappu hè un’espertu in codici quant’è in chirurgia."...tagliacappu hè un "fan" di i sudoku... Rolling Eyes

2) chì baulla sta sumenta!!!!!! tongue

"faciu anc'eiu u dettetivu postu chì orsu dumè hè u mio eroe"
Ùn sò micca s'ell'hè vera... Sò solu chì Vituperi l'hà dettu... è postu chì Vituperi merita propiu bè a so casata...

Tagliacappu seria piuttostu espertu in codici per truncà e casciaforte, sopra tuttu una in a quale si trova u Diamente Vergine (2 chilò !)

Ùn hè micca cusì baulla. A storia ùn hè compia...

Invité

Quandu mi svegliaiu, eru effettivamente in u granaghju di a casa di Ghjuvan’Federiccu, appicatu incù funa, mani è pedi ! Accant’à mè, si truvavanu Sumenta è Ghjuvan’Federiccu, in u stessu statu ch’è mè, salvu ch’ell’ùn avianu ancu ripigliatu cunniscenza. A situazione era propiu critica. Vituperi avia da furzà a casciaforte da quì à pocu, è ghjustu dopu, avia l’intenzione di fàcci tumbà da Mister Palu. Ùn deviu micca piglià u tempu di riflette chì podasse ch’ùn l’averiu micca, stu tempu ! Deviu agisce, è prestu !
Di colpu, incù u mio bottulu-cultellu di a mio camisgia, mi staccaiu prestu e mani. Pò, dopu à avè liberatu e mio mani, staccaiu i mio pedi per liberàmmi cumplettamente (iè, à socu, aghju dighjà fattu cusì l’ultima volta... è allora ?), è po, m’alzaiu.
Dopu à avè liberatu dinù à Sumenta è a Ghjuvan’Federiccu, li svegliaiu dopu à parechji sforzi.
Ùn aviu micca pianu per a scappera, ma prima, vuliu avè una piccula cunversazione incù Sumenta. Prestu li dumandaiu :
"Cumu hè ch’è tù fussi quì ?"
"Ùn vuliu micca laccàtti solu in facci’à u periculu." Rispose Sumenta.
"Si venuta sola ?" Li dumandaiu un’altra volta.
"Innò. Ci sò Elvira è Blaccu Bloccu in a vittura. Mai ùn averiu fattu a tuntia di vene sola sola quì." Mi spiegò Sumanta.
Rifflettendu in furia à st’infurmazione, mi dumandaiu s’è Elvira è Blaccu Bloccu eranu stati dinù neutralisati da Vituperi, ma mi dì ch’ùn era sicuramente micca u casu, postu chì sinnò, serianu sicuramente prighjuneri cun’noi altri (ch’ùn pensu micca chì Vituperi ebbe fattu dui gruppi di prighjuneri). Dunque vulia dì chì aviamu un’attù ch’è i nostri nemichi ùn cunniscianu micca. Ci vulia prufitàne. Dopu à sta piccula riflezzione, annunciò, parlendu à Sumenta :
"Car’amica, averaghju bisognu ch’è tù fessi esatamente cio ch’o t’aghju dà dì prestu."
"Iè ?"
"Emu da sorte da quì. S’ell’ùn ci hè nimu, vogliu ch’è tù corsi, incù Ghjuvan’Federiccu, fin’à a vittura. Eiu firmu quì per un’mumentu. Vogliu smascherà à Vituperi, è salvà u Diamente Vergine."
Ma Sumenta ùn era d’accunsentu cun’mè :
"Innò ! Ùn possu fughje da quì lachendutti quì in pienu periculu."
Ben’intesu, capisciu u so parè. Ma di sicuru ùn pudiu micca accità un’tale sacrifiziu, è per quessa, li rispundì :
"Innò, dolce fiore... eiu sò abituatu à stu ghjennaru di situazione. Tù sì propia nucente in st’affare, è u peghju chì puderia accade seria ch’elli ti fessinu male. Tù poi fughje senza penseri. M’occupu di tuttu."
Sumenta ùn rispose nunda, cunvinta (o parendu cunvinta) da i mio argumenti. Di colpu m’avvicinaiu di a porte, è dumandaiu à Ghjuvan’Federiccu, scherzendu :
"Ùn ti dispiaceria micca troppu, s’o sò occupatu di sbundà a to porta per esceci di quì ?"
"Vai puru..." Mi rispose Ghjuvan’Federiccu di a stessa manera.
Di colpu, pigliaiu a mio fulata, è pò sbundaiu a porta chì schjattò fendu un’bellu rimore. Duie seconde dopu, Lernazg era quì. Dui colpi in lochi ben’scelti, è l’aviu neutralizatu è abbaluticatu. Pocu dopu, Mister Palu entrò in u granaghju. Incù Sumenta, u neutralisaiu di listessa manera, senza nisun’prublemu. Dopu, fù u duttore Tagliacappu chì fù abbaluticatu.

Dopu à avè appicatu i trè furdani d’una manera sicura incù l’aiuta di Sumenta è di Ghjuvan’Federiccu, pigliò è trè pistole di i furdani (una per furdanu, ben’intesu) è li spartì trà noi dopu à avè verificatu ch’ell’eranu incaricate. Un’ultima volta, annunciaiu :
"Site ben’armati per resiste à tutti quelli chì puderianu attacàssi à voi. Andate puru in a vittura, è sopra tuttu, ùn vi rigirate micca. Eiu aghj’à andà in cantina à vede a casciaforte."
Allora chì Sumenta è Ghjuvan’Federiccu si n’andavanu fora di a casa versu à a vittura, firmaiu qualchi tempi à fighjàlli, per assicuràmmi ch’ell’ùn risichianu nunda. Pò, dopu à avè acquistu a certitudina ch’elli eranu in securità, fallò cume previstu in cantina senza scuntrà à nimu."

Ghjuntu daret’à a porta di a cantina di a casa, firmaiu qualchi tempu à stà à sente cio chì sì passava daretu. Visibilmente, ùn eranu ch’è dui : Vituperi è Ghjuvan’Filici. Nisun’traccia di Mirvella.
"À mumenti pensu chì averemu u codeci per apre sta maladetta casciaforte." Annunciò Ghjuvan’Filici.
"Sarebbe ora." Rispose Vituperi.
"Ùn t’annerbi micca chì sinnò, mi scuncentri in a mio riflezzione." Rispose Ghjuvan’Filici.
Vituperi ùn rispose nunda, mà dichjarò, cume parlendu solu :
"Da quì à un’mumentu, u Diamente Vergine serà meiu ! U taglieraghju in pezzucci, ch’o puderiu rivende caru caru ! Cusì, averaghju almenu parechji millioni per cummincià u mio pianu infirnale... È CUSI PUDERAGHJU DIVINTÀ U MAESTRU DI U MONDU ! HA HA HA HA HA."
Tanta megalumania facia fretu in u spinu. Vituperi ùn era solu un’arrubatore, vulia dinù u putere assolutu. Era ancu più periculosu è più scemu ch’o cridiu. Era ora per mè, d’entrà in cantina, per luttà infine contr’à ellu.
D’un colpu, sbundaiu a porta di a cantina, a mio pistola davanti, ma Ghjuvan’Filici, più prestu ch’è mè, mi minaciava dighjà cù a so propia pistola. A situazione paria tuppata.
Vituperi, arrabiatu, cummandò :
"TOMBÀLLU !"
Ma in fattu, Ghjuvan’Filici girò u so bracciu, è puntò a so arma versu Vituperi, minacciendulu direttamente, è dicendu :
"S’o ne devu tumbà ch’è unu, serà tù. Avà, aghju capitu quale tù sì, è sì leccu Vituperi."

Invité

À seguità (ma per avà, bona sera, è à dumane). salut

Blaccu Bloccu

C'hè qualcosa ch'ùn va micca ODS...Eiu incù Elvira 'na vittura aspittendu tantu tempu...Ti tocca à scriva qualcosa qui, no?

compress

_________________
A diversità faci ricchezza !!

Invité

Blaccu Bloccu a écrit:

C'hè qualcosa ch'ùn va micca ODS...Eiu incù Elvira 'na vittura aspittendu tantu tempu...Ti tocca à scriva qualcosa qui, no?

compress

Ùn v'inchietate ch'ùn v'aghju micca fattu vene per nunda. Mr.Red

Invité

Orsu Dumenicu Solechjari a écrit:

Ma in fattu, Ghjuvan’Filici girò u so bracciu, è puntò a so arma versu Vituperi, minacciendulu direttamente, è dicendu :
"S’o ne devu tumbà ch’è unu, serà tù. Avà, aghju capitu quale tù sì, è sì leccu Vituperi."

Nanzu di scrive a seguita, vi dumandu un'picculu sforzu d'imaginazione per risponde à sta questione :
Cumu hè chì Ghjuvan'Filici si rigira contr'à Vituperi ? Ne avete a spiegazione ?

Invité

Aiò, per piacè... fate un'picculu sforzu d'imaginazione per pruvà à induvinà a raghjò di u straniu rigiru di Ghjuvan'Filici contr'à Vituperi ?
Ch'o pudessu mettevvi a seguita...