U Ritornu d'Orsu Dumenicu Solechjari

Ghjuvan' Filici

U palu !!! U palu pà Solechjari !!!!

Mr. Green

_________________
u Capitanu Ghjuvan'Filici, sempri in àndara, sirvitori di u Malignu è di i belli civetti...

Invité

Attenti a voi chi un'aghju ancu svilatu l'identita di e duie personne.
Ma ha da vene...

Invité

Un ci he bisognu di raminta e mio ultime passate, chi eiu, un so micca un'pappagallu.
E duie personne entronu per a porta, in a pezza. Eranu dui, e, ne eru sicuru, eranu dighja venuti in u foru. Unu era un tippu grande, magru, biancu biancu, in custume di qualita, incu spechjetti negri, e sopra tuttu, una manera caracteristica d'accentua a lettera "s".
L'altru era menu identifichevule, chi piattava a so faccia incu un'elmu di moto. Un si sapia mancu s'ell'era un'omu o una donna ! In piu di que, u so elmu sfurmava a so voce a tal'puntu chi facia una voca cumpletamente artificiale ! Da veru, pinsavu chi quessu qui, vulia firma scunniscitu. Ma era di u foru, que, ne eru sicuru, chi prima di entra a vedemmi, un purtava micca u so elmu, postu chi a so voce era allora piu distinta (e dunque piu identifichevula), ancu daretu a porta. Ma per ava, si piattava daret'a u so elmu, per esse sicuru d'un esse ricunnisciutu da me. Vulia podasse di chi avianu l'intenzione di lacammi in vita, postu ch'un vulia esse ricunnisciutu (e di colpu, impedi ogn'identificazione). Ma allora, perche m'avianu chjappatu.
Un ebbe avutu u tempu di sprufundisce sta riflezzione chi i dui banditi (possu parla di banditi, no ?) ricummincionu a parla inseme. U primu fu quellu cu i spechjetti neri :
"Era ellu ch'ellu ci vuria chjappa ? un mi ssssssso micca sssssssbagliatu, almenu ?"
"No, o Lernazg, ghje ellu." Rispose l'omu cu l'elmu di moto, a voce sfurmata.
Prima indicazione per u dettettivu ch'o eru : u primu si chjamava Lernazg. U famosu Lernazg implicatu in l'affare Ferletti chi avia fattu paura a Cumpa. Vulia dunque di ch'ellu avia capitu ch'o aviu qualcosa nant'a ellu. Vulia dunque di ch'un m'eru sbagliatu in e mio deduzione. Vulia di dinu chi era quellu chi si piattava a faccia chi avia cumandatu u mio rapimentu e chi era l'altru, Lernazg, chi l'avia esecutatu.
Dunque, vulia di ch'un era micca Lernazg chi m'avia fattu smarisce per impediscemmi d'inchiesta nant'a ellu, ma qualchissia d'altru, chi avia assai paura di me per piattassi a faccia, e ch'o frasturnavu monda.
Ma un ebbi u tempu di cuntinua sta riflezzione, chi Lernazg dumando :
"E chi n'avemu da fa di ellu, o SSSSSSSgio Vituperi ?"
Interessente ! L'altru si chjama "Sgio Vituperi". Ma postu ch'un ci he nimu chi si chjama cusi nant'a u foru, possu sottupone chi he un'cugnome per, una volta di piu, un fassi riccunosce da me.
"He propiu periculosu ! Risicheghja di scopre qualcosa di moltu cumprumettante nant'a me. Ne sa dighja troppu... ancu s'e per ava, un ha sicuramente capitu nunda." Rispose u dettu Vituperi.
"E dunque ? Chi n'emu da fa ?" Dumando un'altra volta Lernazg.
Vituperi rispose :
"U manteneremu prighjuneru qui fin'a a Fiera di San Golfachinu, in paese d'Ostraghja, e dopu..."
Un cumpio mai a so frasa. Solu una risa gattiva gattiva succedendu a a so dichjarazione, mi laco augura ch'ell'un avianu micca l'intenzione d'esse bravi incu me.
Feci mentalmente u calculu. A Fiera di San Golfachinu si passa u 24 di lugliu. Eramu podasse i primi ghjorni di u mese di ghjunghju (dicu "podasse" chi un possu cunfirma incu certitudine u numaru di ghjorni duve so statu incuscentu)... vole dunque di ch'aghju piu d'un mese, quasi dui, per fughje di qui d'una qualunqua manera. Dopu, podasse chi avianu a tumbammi. Aviu dunque l'UBLIGAZIONE di fughje di qui (ma, cume l'avete propiu induvinatu, aghju riesciutu a mio scappera, postu chi so qui per parlanevvi).
Lernazg ripiglio a parolla :
"Aghju capitu. Firmera qui fin'a a Fiera... e ava, chi ne femu ?"
U mistiriosu Vituperi ebbi una risa gattiva e rispose :
"Ava, ci vole a fa crede a a so morte. Per quessa, aghju da chjama a Ghjuvan'Filici chi l'ha da annuncia a tutt'u foru corsu. D'altronde, sta nutizia un seria micca falsa, sol'un pocu... anticipata..."
E i dui malfatori schjattonu di risa.

Po, Lernazg s'addirrizzo per a prima volta a me :
"Da qui a qualche ore, ti feraghju purta un'pane e una buttiglia d'acque... Per ava, devi firma in vita."
E i dui malfatori si n'andonu, lacandummi solu incu e mio riflezzione.

Aviu in testa parechje quistione ; perche m'avianu fattu smarisce ? Perche mantenemmi prighjuneru fin'a a Fiera di San Golfachinu ? Cosa si devia passa in sta fiera ? Cosa vulianu fa di me ?
E sopra tuttu :
QUALE HE U FURISTU CHI SI PIATTA SOTT'A U CUGNOME DI SGIO VITUPERI ?

Piu ch'e mai, deviu scappa.

Invité

A seguita

Invité

Dopu a partenza di i dui banditi, firmaiu solu, ben'decisu a fughje di qui. Ma prima, vuliu sopra tuttu piglia u tempu di una riflezzione chjara e linda, per fa u puntu nant'a tuttu cio ch'aviu amparatu in pocu tempu, per infine, truva un'oppurtunita per fughje di qui.
Ma in fattu, un ebbe avutu u tempu di riflette, chi mancu vinti minute dopu, a porta di u fondu s'apri un'altra volta, per fa entre un'terzu "visitore" chi s'assumigliava monda a una spezia di marinaru di a vechja ghjenerazione (ancu s'ell'un era micca tantu vechju) chi si pianto davant'a me, fieru fieru, e m'interpello cu ste parolle :
"Orsu Dumenicu Solechjari ! Infine ti tengu in u me puteri !"
U tipu mi paria assai piu periculosu che stu tontu di Lernazg. Podasse forse era ancu piu periculosu ch'e u sgio Vituperi, ma per ava, un ne eru sicuru. Ancu a so manera di piantassi davant'a me era una manera di sfidammi. Di colpu, eiu, per struncata, rispose :
"un prisumi di nunda !"
L'altru si misse a ride e po aghjunsi :
"e cosa poi fa ava ? Si intravatu e prighjuneru ?"
Senza lacammi impauri, li dumando :
"Quale si, tu ?"
L'altru mi rispose :
"So u Capitanu Ghjuvan'Filici. Aghju qualchi interessi nant'a a to smariscione. Per quessa, m'aghju da occupa di te fin'a u 24 di lugliu..."
"Ie, a socu dighja. Sera a Fiera di San'Golfachinu..." Interrompillu.
U fattu di taglialli a parolla era, per me, una manera di pude stabiliscellu, forse d'annerballu, e cusi di falli di piu ch'ellu ne vulia di. In fattu, un viaghjo, e l'altru, senza annarbassi, mi spiego :
"Cio chi t'accadera dop'a u 24 di lugliu un m'interessa micca. U piu impurtante he di sape chi oghje, e fin'a u 24 di lugliu, seraghju eiu chi ti surveglieraghju. Capisci ?"
un rispundi nunda. U Capitanu ripiglio a parolla :
"M'intaressu dinu a un'amicu toiu. Un'certu Antonu."
Audendu stu nome, frizzinaiu. Antonu era u nome di u mio maestru. Quellu chi m'avia amparatu u mistieru di dettettivu. Quellu chi avia disciuplicatu tant'inchieste, e chi avia cumpiitu a so carriera maritendussi incu a bella Diana Dilalba. Cumminciavu a teme per ellu. Ghjuvan'Filici cuntinuo :
"Sapii chi Antonu tene in a so pussezzione monda ducumenti nant'a me. Ellu, e dinu u so amicu Matteu Mattei. Aghju pruvatu di neutralizalli grazi'a un'certu Mister Palu, ma un aghju piu avutu nutizie. Per quessa, aghju pruffittatu di u fattu chi un'certu Sgio Vituperi abbia vulsutu sbarrazzassi di te per pude interrugatti cuncernendu Antonu. Sapii dinu ch'un so micca eiu chi vogliu a to morte ; he u Sgio Vituperi. Eiu, vuleriu solu sape induve si trova Antonu ?"
Una volta di piu, scegli d'un risponde nunda. Prima per un passa micca per un'vigliacciu, e dopu perch'un aviu manc'una sol'idea di u locu induve si pudiu truva Antonu. Mancu s'o abbia sappiutu un averebbe dettu nunda, chi eiu... acqua in bocca.
Ghjuvan'Filici dichjaro :
"Mi ne dubbitavu. Tu un si micca di quelli chi zigulanu. D'una certa manera, si un'omu d'onore, e mi face piace. Ma... avemu i mezzi per fatti parla."
Si pianto una cria di parla, cume per appughja u colpu, e cuntinuo :
"Aghj'a chjama qualch'amichi mei, e si videra s'e tu'n'ti metti micca a canta."
E tantu si piglio una risa gattiva gattiva.

Invité

A seguita

Invité

U Capitanu mino allora e so mane, e entronu in a pezza tre persunnaghji. U primu era, per ripiglia una definizione ch'un he micca veramente di me, un persunaghju un pocu stranu, cu una pirrucca di u XVIIIu ; i dui altri parianu appinuccia piu nurmali. U Capitanu li prisenti :
"Eccu u Cavaglieru Diotaiutu di Mirvella, accumpagnatu da u Duttore Tagliacappu e di Mister Palu. Ste ghjente qui sanu cumu fa per fa parla a ghjente. e poi ringrazia a Diu ch'un abbia avutu u tempu di cuntatta a u Boia o u Castratore ! Sti dui qui, veneranu dopu ! e podasse chi averemu dinu a Lernazg..."
A stu mumentu precisu, u Duttore Tagliacappu li taglio a parolla, ridendu :
"Stu scemu chi si piglia per satanassu ?! E chi n'avemu a fa, d'un tontu cusi ?"
"He sicuramente un'scemu irricuperevule, ma per fa parla a ghjente, he un'tarcanu anc'ellu." Rispose u Capitanu.
"Bon. Chi femu, ava ?" Dumando Mister Palu.
"Ava, abbalutichemulu, per pudellu traspurta faciulmente in a mio nichjula. Per ava, un vole parla. Ma attenti chi da qui a pocu, quand'ell'avera fattu cunniscenza incu e nostre metode per fa parla a ghjente, vidarete ch'ellu sera prontu a cuntavvi n'importa che." Spiego u Capitanu.
Tandu si lamponu tutti nant'a me, per intravammi piu ch'eru dighja intravatu. Solu u Cavaglieru firmava luntanu, viutendu u cuntegnu d'un batrettu nant'a u so mandile. Po, s'avvicino di me incu u so mandile chi sintia l'ether ancu da luntanu e u mi misse sott'a u nasu.

Dopu... dopu, aghju naturalmente persu cunniscenza.

Invité

A seguita

un v'inchietate micca. aghju riesciutu a scappa ossino un serebbe micca qui oghje per cuntavillu.

eiuSTeSSu [FLMM]

Orsu Dumenicu Solechjari a écrit:

A seguita

un v'inchietate micca. aghju riesciutu a scappa ossino un serebbe micca qui oghje per cuntavillu.

Và bè semu salvi monkey

_________________

http://www.paese-di-marignana.fr
http://lingua.corsa.free.fr
http://langue.corse.free.fr
http://corsu.dall.italiano.free.fr

Invité

eiuSTeSSu a écrit:

Orsu Dumenicu Solechjari a écrit:

A seguita

un v'inchietate micca. aghju riesciutu a scappa ossino un serebbe micca qui oghje per cuntavillu.

Va be semu salvi monkey

Certe, o Testessu.
Ma ancu tu, ai un'rollu in st'affare.
Un ti scurda micca ch'e tu si u mio infurmatore principalu. Mr.Red

(mi pare chi Cumpa l'ha dighja dettu).

Matteu Mattei

Orsu Dumenicu Stinticatu Mr.Red

Invité

Matteu Mattei a écrit:

Orsu Dumenicu Stinticatu Mr.Red

Un ti scherza micca troppu, ch'e era per te (e dinu per Antonu), chi so firmatu acqua in bocca. cheese

eiuSTeSSu [FLMM]

Orsu Dumenicu Starminatu blackeye

_________________

http://www.paese-di-marignana.fr
http://lingua.corsa.free.fr
http://langue.corse.free.fr
http://corsu.dall.italiano.free.fr

elvira

Orsudumè stintinatu? affraid