A mi pinsava... par quessa ch'e' vulia pricisalla... (da ùn cunfonde incù u fattu di vangà, s'ella affacche à titic ùn si sà mai)

I taliani dicenu « tira fora l’assu », si dice in corsu ?

Parlendu di carti, oghji, carrò rimpiazza "dannaru" !

Par piglià una carta, aghju sempri intesu "zappa !".

"tira fora l’assu" : in chì sensu ?

eo aghju sempre dettu" tirà una carta nu u mazzulu"
cum'ellu l'hà detta GM e carrò so i "dannari" e e cori so e "coppe" , quandu e carti si seguitanu certi a chjamavanu a "sequenza" e quandu un so micca state mischiate e chi i colori si ritrovanu tutti inseme si dice ch'elle so "amerzate" . à rami a prima carta ch'omu volta he a "gira".
à parte quessa à a cuntrata so u più forte , parlà à me di e carti he quante vulè amparà l'ave maria à u vescu

Dicu sempre :
Mi sò scurdatu di e chiave di casa nant’à vittura
Pè nentru, si deve di :
Mi sò scurdatu di e chiave di casa indè a vittura
Hè un sbagliu o no ?
Face chì in francese, cumu in corsu dicu sempre : sur la voiture

Listessa cosa pè :
« fa l’essenza » pè a vittura f
« mette l’essenza » indè a vittura
Dicu sempre « faire de l’essence »

Cumu si deve di in corsu ?

DICIARIA EIU :
- ' IN VITTURA ..
- FÀ L'ESSENZA , METTA L'ESSENZA ( hè listessa ..)

O Micca sò, ùn ti sciappa tantu u capu !

à ùn micca cunfonda cù : ind'a vittura (di fatti in la vittura, u "l" essendu forti !).
Dunqua, mi socu scurdatu di i chjavi di casa ind'a vittura.

E manere di dì "in + articulu" sò parechje sicondu i lochi :

- in la* (vene male à prununcià -l- dopu -n-, si face l'assimilazione : si prununcia illa, è in locu si prununcia illocu)
- ind'a (forse forse in la -> in da : a raghjone pò esse listessa, vene male à prununcià -l- dopu -n-, dunque si faria una -d- da incalcà ? In locu di prununcia indocu).
- in a : nulla di spiziale, l'articulu ùn cambia micca.

L'altre e cunnoscu menu, ma aghju vistu dinó:

- indè a
- indù a
- innù a (sicuramente a listessa cà prima, ma "snasalizata" : - -nd- -> -nn-)
- nù a ( o 'nnù a ? Sicuramente a listessa cà prima ma cù l'aferesi).

* Quessa si dice indè mè. Da nutà chì davant'à l', dicemu indì : indì l'acqua.