Eccu un sughjettu und'è vo pudarete aghjustà i francisimi o i talianisimi (lissicali) chì vo sintite intorn'à voi (o ancu quelli chì vo lighjite).

Ci hè 6 catigurie :

- francisimi accitevuli
- francisimi inaccittevuli
- talianisimi accittevuli
- talianisimi inaccittevuli
- invinzione corse accittevule
- invinzione corse inaccittevule

Ogni volta pruvate à mette a parolla corsa chì currisponde sicondu voi (ancu puru ch'ella sia d'un usu lucale assai o pocu sparta oramai)

========== francisimi accittevuli

- favurizà = favurisce

- a buatta = a scàtula
NB : buatta saria ghjunta in Corsica par via di u talianu assai tempu fà

- arranghjà, arrangià = accuncià ; assistà (sicondu u cuntestu)

- ranghjà, rangià = virsià; allucà, allatà; accuncià, assistà (sicondu u cuntestu)

- u stilò = ? (a penna, ma hà un sensu menu ginerale)

- in pana, in panna = ? scundisata, rotta
- l'abruttitu = ?

- u conu = ? u puzzicosu, u puzzicone

- a fiscia = ?

- amusassi = divertesi, scialallasi (scialassila)

- u camiò = ? u vitturone ?

- tuttaffattu = affattu (ind'una frasa affirmativa)

- vene di par dì "venir de" (tempu) = usu di appena, avà, avalella, amparavà (in par avà), è di tutte e cumbinazione (avà avà, appena avà, ...)
NB : usu vinutu da u francese par via di u talianu assai tempu fà.

- d'altri = altri
NB: u " d' " hè sputicu francese, ma vene accittevule sicondu mè postu ch'ellu hè oramai spartu assai

- sfassà = squassà, squassà

- a vitezza = ? a velucità, a listrezza

- u tornu : a tacca

- u merri, u merre, u merru : ?

- aghjustà = aghjunghje

- u tunnellu = ?

- u lindumane : u ghjornu dopu, l'indumane

- a simana = a sittimana, l'ètima

- u ripastu = u pastu

- piacente = piacevule, gradevule

- strangeru = stranieru

- brancà = ?

- a classa = a scola

- a duscia = ? a duccia (it.)
NB : "duccia" hè un italianisimu ... ma "douche" dinò postu chì a parolla francese vene da u talianu.

- a mascina = ? a macchina (it.)

- à u bordu di, in bor'di = à u tagliu di, in tagliu di, in cenna di

- l'attù = ?

-a meria, a merria, a mirria = a casa cummuna.

- u cuaffore = ? u pittinatore

- prugrissà = prugridisce





========== francisimi inaccittevuli

- clacsunà, classunà = trumbittà, trumbà, curnà

- arrusà = inacquà, annacquà

- l'allumette = i fulminanti, i fulminenti

- surtuttu = soprattuttu, masimu

-"euro" (prununcia francese) = aurò, eurò

- lasciu = vigliaccu

- diffusà = diffonde

- u bulansgeru = u panatteru

- u teleffonu = u teléfonu (tele-fonu)

- "pare" cù u significatu di "il paraît" = si dice, dicenu

- (imparà,amparà, sapè) par core, per core = (imparà, amparà, sapè) à mimoria, à mente

- pendente chì = mentre chì, o durante (sicondu u cuntestu)

- e larme = e làcrime

- "campà" cù u significatu di "habiter" = stà. es. : "elle vit à Paris" = "stà in Parigi", è micca "campa in Parigi".

- "annata" (senza u sensu di durata o agricolu) = annu. es. : "la première année" = "u prima annu", è micca "a prima annata"

- in tren' di = in traccia di, in attu di

- l'ecchippa = a squadra, a squatra

- malorosamente è orosamente = sfurtunatamente è furtunatamente, par isfurtunatu è par furtuna, par disgrazia, disgraziatamente, disgraziosamente è ancu di grazia, anc'assai, a campa

- furzamente = par forza, di nicissità, furzatamente*

- evaluà = valutà

- a vesta = a curetta

- a roba = u vistitu

- vulintariamente = di (me/to/so/...) vulintà, vulintariosamente*

- a invidia = a voglia, a brama
NB = impiegatu cù u significatu sbagliatu

- a taglia = a vita

- e voce = i voti
NB : impiegata cù un significatu sbagliatu

- a mascin'à lavà = u lavapanni

- a cuppa (di i capelli) = u tagliu (di i capelli)

- culurià = culurisce

- fà a coda = fà a fila

- diburdà = svarsà



========== talianisimi accittevuli

- l'appuntamentu = u ritrovu

- u prisepiu, u presepiu = ?

- u quaternu, u quadernu = ? (u paginariu, u caè, u caiè pare ch'ella sia a parolla usata innanzu)

- a scheda = a fiscia

- a tappa = ? l'étape




========== talianisimi inaccittevuli



==========invinzione corse accittevule

- a capiscitura = a cumprinsione





==========invinzione corse inaccittevule

- u schèleru = l'attintatu

Eccu a mò pauraccia.... traduce bestialmente è parole senza falla apposta ! u frencese hè tantu presente in dè u mo cerbellinu chì fatalmente accade più di una volta !

(per "DANS" aghju messu "in dè", hè currettu ???

a l'ingrossu so d'accordu cun te ma pensu per esempiu che scondisu ha piuttostu u sensu di rottu e sprime male l'idea di"panna". a "buatta" ancu s'ell'he disgraziosamente a parolla a piu sparta mi pare pocu accittevule i vecchji parlavanu di scatule o ancu di canelli per "e buatte di cunsersa". e parlà d'una zitella occhji "bleu" serà accittevule ? !!

In traccia di, vene d'u francese què ? nò ? °°
Aviu dumandatu à u mo prufissori, m'hà dettu ch'ùn esistia micca sta parodda..

Aviu trovu un'antra nant'à un dizziunariu..

In attu di

Face parechje volte chì sentu:
"Sciacchì volta" per "chaque fois"....
Pensu chì ùn hè tantu accettevule, nò?

E ecchippa o squadra?