e vera chì s ellu si riflette, se a lingua corsa ùn a da esse parlata chè da quelli chì l amestreghjanu propriu bè, allora si, chì tandu un fermera piu tante ghjente pè parla u corsu. D un altra parte, si ognunu parla a modu soiu a da esse un veru scempiu... allora cumè fà ? cosa hè a soluzione ? imbèè ? si unu a sa ch'ella a dica

Ci vurria ch'ugnunu parlessi com'edda li pari chì, s'edda ci hè una loghjica, tuttu u mondu pò capiscia. U prublema chì t'ani certi, hè ch'ùn ci hè reguli ind'i so detti o scritti. Ùn ci hè da vargugnà si d'ùn amaistrà a lingua, hè parlendu ch'edda s'ampara, ma quandu ùn si parla di manera capiscitoghja, mi pari ch'ùn si devi essa ascultatu annant'à l'ondi di u sirviziu publicu da assai ghjenti. È po, ùn ci ni sarà unu più garbatu cà certi ch'ùn si senti cà eddi ?
Di più, ci hè una moda avà, hè d'invintà paroddi novi da rimpiazzà paroddi chì asistini dipoi u sempri, è si faci ancu da i ghjurnalisti francesi ! Quì, ùn hè mancu a cumpitenza chì hè missa in piazza, hè u spiritu soiu !
Avà, par ciò chì tocca à i sbaglii di prununcia, chì quiddu ch'ùn hà mai fattu sbaglii mi lampi a prima panca…

mi ripeteraghju per esse chjaru ch'un s'asgisce manc'appena per me di criticà quelli chi in perioda d'amparera di a lingua ferebbinu qualchi sbagliu , d'altronde quale he chi si po vantà d'un fàne mai ,ma per risponde à francesca credu chi quandu he cunfidatu à un giurnalistu a risponsabilità di presentà un nutiziale in lingua corsa he chi ammaestreghja digià sta lingua . un s'asgisce di fà peura à nisunu ma se rcfm o france 3 un ghjunghjenu à recrutà cinque o sei giurnalisti parlendu un corsu à pocu pressu currettu ( e quandu dicu currettu un vogliu micca dì un corsu accademicu ma parlu di lingua corrente e senza pretenzione ) allora lascemu corre u pesciu e raggionemu puru d'altri affari chi tandu un vecu micca cio chi no pretendimu di salvà . micca per vantàlu ch'he u mio paisanu ma u solu nant'à fr. 3 à parlà a lingua naturale he petru ghjuvanni luccioni e se no c'aghjustemu à leca face bellu pocu , nant'à rcfm i cercu sempre .

ci sò i ghjurnalisti chì ùn facini alcun forzi di poi tanti anni...hè sempri listessa cosa..
Allora, avà basta !

Megliu à ùn dà nomi, quantunque...hè terribule di lampà à qualchissia à a risa publica!!

Certa ch'un ghjurnalistu hà una rispunsabilità quand'ellu adopra u corsu è ch'ellu deve esse rigurosu, ma di e volte ciò chè no chjamemu "sbagli" sò scelte ch'ùn sò e nostre, è nimu pò pratende avè a verità.

Dopu, un ghjurnalistu ùn hà centu ore per fà u so testu, u deve accuncià in pocu pocu tempu è ùn hà sempre u tempu di riflette à a parolla ch'ellu hà da aduprà. Ci vene faciule à noi di indittà e so sgalabbatezze, stallati chè no simu in i nostri futtogli, è senza sapè di e volte chì suluzione averiamu trovu : ùn ci scurdemu chì assai cose fermanu à inventà o à stabbilizà!!

Quale di voi averia u curagiu di parlà in corsu à a televisione è à a radiu?
Ci sò forse altri ghjurnalisti capaci di parlà corsu à a televisione o à a radiu, ma sapendu chì NUNDA LI SERÀ PARDUNATU, ùn la si provanu! Eccu u risultatu...

Eiu ciò chè pensu, hè ch'ùn avemu tempu à perde à ghjudicà à l'altri, ancu cù a ragiò, ma avemu à fà i nostri propii sforzi per prugressà, è forse à aiutà à quelli chì volenu prugressà anch'elli.

o francè s'elli avianu avutu a voglia di prugessà , di poi tant'anni l'averebbinu digià fatta , invece di quessa ogni giurnale mi pare una regressione pè a lingua . e po s'elli volenu prugressà aghju una soluzione per elli : ch'elli venghinu nant'à u foru !!!

Eiu saria per ingagià à Antonu

u corsu u parla bè eppo hà u veru fisicu per passà à u postu...

In ogni modu t'hà A VOCE!