Ti ringraziu pà u to parè o Pumataghja, è sia a benvinuta quì ! Hai un livellu chì mi pare bonu bonu, è sarà a prima o a siconda volta ch'e' vecu un istranieru ch'hà amparatu è chì cunnosce u corsu (à parte i Taliani) ! Cumu hè ch'ellu t'hè vinutu st'interessu quì ?

Ci hè una sizzione prisintazione in Discussione Ginerale, ùn esità scrive !

Ti sbrogli propiu bè in lingua nustrale ! Ma ciò chì mi stupisce u più ghjè st'iniziativa d'andà à amparà da per tè una lingua "straniera" è in piu "minurata". Bellu "sforzu". Si tutti i Corsi ne fessinu altrettantu seriamu franchi pensu...[/quote]

à ringraziatti... à l'iniziu vulia amparallu pè pudè capì e canzone è e poesie corse. Sò stata à sente parechi cuncerti di musica corsa quì in Olanda, è ùn suppurtava ch'è ùn capia nunda... U più hè a scunsunatura, ma m'avvezzu, pianu pianu. Avà sò capace di capì più chì a metà di un testu ascoltendu, postu ch'ellu ùn ci sianu parolle menu usate. Leghje, po, leghju à più pudè...
Parlava dighjà un suppulu di talianu, ma ùn sò chì hè, u corsu "casca à tappu". Hè cumu u cunniscia ghjà... Soca sò nata corsa ind'è un corpu olandese??? Saria pussibule???
Ma avà vurria ancu parlà... ma cumu, incù quale? À volte mi sentu cum'è Manuel di Fawlty Towers, "I speak English very well, I learned from book..."

È ci hè un antru prublema: mi sò intimurita: mi sò lampata nant'à stu foru senza cunnoscene e regole, e cunvinzioni, e burle è e leie tra e persone chì ci scrivenu… Sò una corcia pumatahghja capellibionda, sò… Ghjè cum’è truvassi in un mondu scunnisciutu, nant’à un antra pianeta, in u bughju…

O Pumatà,
avà chè tù e capisci, ti piacenu sempre e canzone corse ? :

aghju compru qualchi ghjorni fà "les memoires " di Sebastien Costa grand chancelier di theodore de neuhoff

l'avete capitu costa dice quà tutta a so vita, tutta a storia di u nostru paese, tutte l'astuzie di i ginuvesi per ripliglià a corsica .. s'imparannu millaie di cose chi faranu u piacè di i passiunati di storia nostra ..

les memoires so in due libri è u prezzu hèdi 50 euro a pocu pressu =)

D'apress'à sta discrizzione, pare un'libru interessante.