vuleria chi sta pagina un fussi aduprata che per chi so chi tocca a st'emmissione-parulle,pruposte , cuntrasti , dumande , critiche, cumplimenti....-

si pochi di tempi si cuntrasta per a parulla chi currisponde a u francese "trottoir ".
quand'era chjuggu , in Corti, diciamu u truttò; he capita chi sta parulla he un francissisimu e un cunvene. u tighjatu , a mè, mi paria ch'ell'andessi, ma mi pare chi nepochi un sò micca cunvinti.
se vo cuniscite una parulla corsa chi he aduprata 'nu i vostri lochi, fate e vostre pruposte .
di listessa manera per traduce a parulla francese "environnement", un amicu a dettu chi a parulla "ambiente " un li garbava, sò d'accunsentu 'ncu ellu , chi n'he pensate .

eiu à st'emmissione,mi campu,quant'elli ne sani.
ma ù mio preferitu,hè unu di castineta,andrià,credu ch'ellu sì chjama.
ellu si,chì dice sempre ciò chì ci vole à dì

'ndria di Castineta, he fattu a estri e ha sempre qualcosa a di.
ti ringraziu pe' i to cumplimenti!

Bella emissione, ma hè quantunque troppu girata UNICAMENTE versu e vechje parolle , ancu s'ella hè passiunante, ci vuleria dinù altri sugetti, chì ne sò, parlà d' Internet, di fatti di sucetà, di litteratura, sente più spessu sculari, giovani, infine a vita d'oghje in tutti i so aspetti...Ci vole à allargà u chjerchju!

o Francè ,
l'emmissione he fatta cum'elli a volenu quelli chi chjamanu. oghje , per u piu so ghjente anziana. perch'elle ci sianu dumande nant'a l'infurmatica , ci 'ole ch'ella ci sia ghjente avvezza a l'infurmatica chi participeghja .
a pulitica , nu a so definizione sputica , he difficile a trattà chi c'he troppu ghjente chi hanu a paura chi i " naziunalista " piglinu pussessu di l'emmissione, ma qualchi volta (cumu a facciu) si pò "sorte di u summinatu".

he vera ch'ellu ci vole a allergà u chjerchju


o ghjente,
pruvate a dà capu a e mio dumande(fatte a u principiu di sta pagina )

Indè mè, trottoir ùn ci ne hè (face avanzà u dibattitu què ), ma à mè "tighjata" mi cunvene. "Marchjapedi" (chì si sumiglia à u talianu "marciapiedi") hè abbastanza chjaru è mi cunvene dinò. Eiu aghjustariu "a (in)chjappillata", ma ùn pò andà cà s'elle ci sò e chjappelle di sicuru.

Ma quand'e' parlu dicu u trottoir quantunque.

pè i nostri paesi un pudianu chjamà qualcosa ch'un esistia , forse nu e cità esistia una parola allora in tantu perchè micca marchjapedi cume in talianu (e in purtivecchjacciu ) . "tighjata" impieca ch'ellu sia cupertu à teghje e ha un sensu piu generale , un designeghja micca di manera sputica u "trottoir".

Marchjapedi mi faci pinsà à "u gradu" o u "gradeddu" chì sirvia par cuddà ind'i vitturi. Quì si senti "i chjappeddi" o "u trottoir" !
Basta ch a ghjenti d'ogni lochi si capischini.

oghje, anu parlatu torna di u "trottoir"
è comu l'hà ditta,marià leandri,si dice "marchjapedi" è femula finita avali.
una donna di tonu,

Longa vita à stu sugettu !! m'hà datu u laziu di rimette mi à stà à sente à l'emissione. Chjamà, ùn chjamu micca chì ùn vecu ciò ch'o puderebbe amparà à l'altri. E postu chè e dumande sò poche ind'è l'emissione ...!
Quandu cunnoscu una parolla, mi dicu sempre ...era ora !!

petrucciu,hà à ragione, noi altri i pui ghjovani,stemu à sente;
parchi sò i maiò chì facciani u piu prò.
è amparemu tutti i ghjorni.

o Petru, o so Stefanu so ,
fate un sbagliu majò ! un 'nterressu di st'emissione he chi ognunu dica a soia:quellu chi sa e quellu chi un sà, e si pò parlà di tuttu so chi tocca a a nostra lingua.
eu so di quelli ch'omu chjama vecchji (ancu so mi pigliu per u sicastrone) e n'ampargu tutti i ghjorni , e spessu da i piu ghjovani; e pò un vi scurdate ci'ole a fà avanzà a nostra lingua e s'ella ha bisognu di e so radiche, ha dinu bisognu di e so foglie.
per contu meiu a piu bella parulla ch'he stata data per di so ch'elli chjamanu i francese "trottoir " he quella di Vittore, ma m'he scruchjata

Vogliu rammintà custì chì RCFM ùn esiste più chì si chjama Radio Bleue Frequenza Mora tandu manu manu l'amministrazione radiofonicu di France Bleue si ripiglia tutte e piccule radiu regiunale.

Basta chì i Corsi critichessinu a sola emissione in corsu di a ghjurnata, frà altre, è tandu à issa manera a ci cacceranu.

Hè megliu à stà à sente è à chjamà. Eo participeghju quand'ell'hè pussibbule chjamendu dendu u mo avisu, da scrittore o allora da insignante cù i mo elevi. Hè un veru incantu !!!

Quant'ella hè criticata sta lingua corsa...

Eo l'insegnu ogni ghjornu è mi campu !!!