i foli di ziu Antonu...

Ghjuvan Micheli

Una bona lizzioni par quiddi chì si ni ridini di i so vechji ! Wink

_________________
A raghjoni hè toia... ma a capra hè mea !

http://casa-di-a-memoria.over-blog.com/

sò stefanu sò

forsa, ci hè sempre un ragionamentu nant'à sti foli.....
è ciò chì mi face u piu prò, ghjè u vucabulariu....u parlatu.

antonu

à ringrazià ti, o stè , u me amicacciu fidu !

à ringrazià à tè dinò, u me amicu pueta ghjuvan micheli,
sempri prontu à dà u so parè ..
cussì ...d'una mare semplici, senza critica mal ditta,
d'una manera naturali..
chì piaceri a ghjenti cussì !

Tito

Ci serrebb'ancu rimorsu
Di ritene e so parte
A dice u veru corsu
"A vita chjama à sparte"
Un deve esse un sforzu
Pè sparte cor'è cuverte...

antonu

15. A nipote di u prete

Un prete in Calacucia avia una nipote,
ma bella , più chè bella...
è ellu, u curatu, a curava à picciolu ...
Quantu ci ne era giuvanotti
chì l'andavanu à daretu à quella zitella !!!
Ma cù ella, ci era sempre à latu una vechja serva ...
chì guardava...
Ella durmia in una stanza di u presbiteriu,
à u pianu supranu..
ma pEr ghjunghje ci, ci vulia à passà
per l' appartamenti di u nostru curatu...
Ma a giuvanotta, pocu si primurava di i giuvanotti !
Ella, per avà, ùn pensava ancu à l'amore
Era sempre zitella.. in l'età pedigialla ...

da seguità..

antonu

....Ma u ziu, u nostru prete, ellu scimia à pensà
chì qualchì pullastrone li pudia parlà ...
a pudia tuccà, basgià la , stringhje si la in pettu
è forse, ancu furzà la, in ste strette di u paese..
A guaitava, a seguitava, a pustiava ogni ghjornu...
... quand'ella andava à a funtana, à l'attrachjata ..;
Di notte , sentia sempre viaghjà in a pedagnola
chì và versu u presbiteriu !
E si discitava, di notte, stridendu com'un persu..
curria à vede fora,... sì ùn ci era nimu...in u bughjacone,
in u fretu .. è ancu sottu à l'acqua di e grundaghje..
Entria ancu in a so camera, per vede s'ella durmia.... !

da seguità..

Tito

Un era micca piuttostu un taliban stu prete?! scratch

sò stefanu sò

hà da finisce religiosa sta giuvanotta.... smurfin

Tito

Osinnò hà da finisce in qualchì storia di Lexington Castelli..`. pig

sò stefanu sò

iè, aspittemu a seguita,.....ma ai fattu un bellu paragonu pig

,

Tito

Aghju disgià qualchì idea di disegnu... What a Face

antonu

... In l'ortu di u presbiteriu,
ci era una fica magnifica, alta è chì sparghjia
e so fronde larghe,
è i so fichi eranu squisiti..
U prete i cuglia
è i facia ancu siccà nant'à un tavulacciu...
Era ingordu u prete !
si trimbaia di fichi, venutu settembre..
è per ottobre, era liccataghju
di i boni fichi secchi !

Da seguità..

antonu

Ma u so vicinante ùn era tantu cuntentu
chì sta fica tuccava u so ortu !
è cù l'ombra ch'ella facia ...
i so pustimi: pomi d'oru, zucchine, cipolle, ravanette,
fasgiulini... si muriani !
Ma quellu prete ùn lu stava mancu à sente !
" O sgiò curà, vi ci vole à taglià a vosta fica !
à penucia, sì !
ch'elli creschinu i mo legumi ! "
U prete : " Ma mai, giammai !
ùn tagliaraghju mai.. a mo fica cusì cara !"

da seguità !

antonu

.... Allora , tandu, u vicinu andeti à arrutà a so piola !
Ne avia una techja di vede si risponde cusì !
... E affaccò u so nipote , chì li disse:
" Lasciate mi fà, o zì !
A fica, ghjè ellu chì l'hà da taglià, da solu ..
è in furia in furia
viderete !"
A dumenica dopu, u giuvanottu misse
u so più bellu pantalone, una camisgia bianca,
i so scarpi fini... è andò à cunfessa...
par purgà i so peccati !
In u cunfessiunale,
u prete à chjuchjù è belbellinu,
disse: " ti stò à sente, qualessu hè u to peccatu grossu ?"

da seguità !

antonu

... " Sapete , o sgiò curà !
Tutte e notte vò à truvà una giuvanotta !
è entru in la so stanza ..
Collu nant'à una fica,
chì ghjè a più grande di u paese
è mi chjingu in u so lettu !
... Tandu, u prete, inalteriatu,
scimatulitu ..
corse sin'à u presbiteriu !
Pigliò una piola ...
è lampò in pianu quella fica ...
maladetta !

FINE