quandu mi mettu à leghje....a to fola, sentu a to voce..
chì canta...."cuddiddora"

è a donna si n'andaia...caminaia,caminaia
chì a zittidduchja aspittaia......
a so cara.. cara.. cara mamma.......

... li pacia à scompia l'animali cussì par u piaceri !
E po si hè maritata cù un pastori, bravu ma bravu...
è da stu ghjornu, l'hà sempri supranatu, u tintu..
Eddu era timicu, longu longu com'è a fami...
Davant'à Baldedda, facia i so ochji di capra morta....
Simuneddu bistracciaia senza lagnà si..
Ghjuntu in casa , si manghjiaia a so supparedda,
è si chjinaia senza dì nunda !
A mani, s'arrizzaia in freccia !
da suvità...

... Una notti si discitò in sudori..
Si ni era avvistu chì a moglia ùn ci era più in u lettu..
Andeti à veda in u caseddu vicinu ..ma nimu..
Più dopu, in a matinata, affaccò Baldedda ..
Era scialbida, l'ochji sciuppati, paria una spirdata..
Li chersi " duva era, o surè ?"
Edda : " indocu ! è po ch'è tù ùn mi dumandi mai più
duva vocu ! Ai capitu ! "
E si ni scatulì edda, cù a so musetta, è a so zucca !
Paria ch'edda dicissi : ' Mi sfilungu, mi sfilungu '..

da suvità..

.. Avali, avia capitu, a mudderi era una streia ..
Baldedda hà li a spiicata :
"Nanzi u nosciu matrimoniu, una boci m'hà chjamatu..
sò sciuta di casa, ci erani un omu è una donna ...
m'ani circundata..
una dunnona negra m'hà purtatu cun edda !
eiu, era nata par campà cussì !
par i caccighjati, di notti..
E facciu à tomba tomba, matazzeghju, sbrusgiuleghju,
frastaglieghju tuttu, animali è ghjenti...
E sentu st'uruli tamantoni, chì ghjacciani u paesi !
Socu oghji una streia, di quiddi maiori..
cattiva, pessima,
ma rispittata da tutti i strigareddi..

da suvità..

.. ci hè una forza forti chì mi porta à andà,
vurria ricusà ma hè più forti chè mè stessu ..
aghju troppu u piaceri di scucculà...
di compia ghjenti è animali..
Intrappuleghju a ghjenti, certi scappani,
ma i mi piddu più dopu !
ci venini o ci vinarani tutti quanti !
Tù, lu me frateddu, saria dighjà leccu s'è ùn ci era eiu.."
..Eddu u maritu ùn pudia chè abbunà...
era bravu, era monda bravu,
ùn era micca un biccateddu ma era bravu..
Una mani, affaccheti Baldedda .. paria un cironu...
avia una crela orrenda, a santavuglia stessu..
Dissi :
" aghju u fretu, sò ghjilata, ùn aghju più sangui in i veni !
sta notti n'aghjiu strippatu deci,
o li stridi, o li brioni...
ti possu dà i casati è i numignuli di sta ghjenti paisana
Ani da mora tutti ..."

da suvità+...

... Era spavintatu u pastori, spapersu,..
a vurria lascià sta dunnaccia
a ghjenti a li dicia..
ma eddu a tinia contu, monda contu..
era a so moglia .. a so suredda !
dicia eddu : " A mè , mi cunnosci,
senti tuttu, hè antivista sì !
Ci hè piuttostu da lagnà la ..
hè a vittima di forzi infirnali,
quandu voddu tena la in casa ,
pari ch'edda sia pronta
à achjimpà si à mè .. u so frateddu !

Durò stu martiriu deci anni..
E po un ghjornu Baldedda ùn riintrò micca ..
Ani chjamatu a so famidda ..
l'ani cerca monda ...
E po l'ani scatulita in u vangaronu,
com'è una capra vechja cascata in un missoghju..
Era morta.. a so faccia era aggrinzita ,
paria una vechja...
ma firita , ùn avia micca..
Forsa sarani stati i so cumpagni di a notti !!!
Ma ùn si hè mai sapiutu
com'edda era morta...
Baldedda ..
FINI...

24. U salvaticu di Vivariu

In a furesta di Vizzavona... in l'annati 1800...
Una volta, un zitellu di u paese di Vivariu, chì i so genitori
l'avianu stridatu, si ni scappò in sta furesta ...
Tandu, i zitelli, era indipendenti assai ,
Figlioli in i famigli, à spessu, ci ne era dece è più..
Allora, à cunverta à tutti, ùn era faciule ....
Tandu, i zitelli ùn aviani paura di nunda ,
nè di i topi, di i serpi, o di i ragni ...
com'è certi zitelli avà...

da seguità..

... i parenti eranu incheti .. u zitelliu s'era persu..
Un vultava più in casa !
s' era passatu calcosa !
Ellu cunniscia soca i pianti, i baghi da nutrisce si..
Sapia piscà in u guaglinu a pescia o l 'anguilla...
Si dissitava à l 'acqua di " a Funtana Bullita ",
tepida l'inguerna è fresca fresca d'estate ...
Dicenu ch'ella ci saria sempre avà..
st 'acqua meravigliosa ..
sempri da ottu à dece gradi..
d'inguernu com'è d'estate...
Stu zitellu, l'anu chjamatu " u Mowgli corsu " !
quandu l'anu ritrovu,
ùn sapia mancu parlà, avia digià vint'anni..

da seguità..

25. Vannina d'Ornanu..

Aostu 1563:
Vannina hè intarrata in Marseglia
Hè u so sposu, Sampieru Corsu, chì cunduci u stolu funerali..
Hè eddu chì l'hà tomba !
Era dighjà prumessa ad eddu
chì ùn avia chè cinqu' anni !
E Sampieru avia trent'anni di più cà edda !
Cusì u tinenti di Bastelica ( era natu in 1498)
pudia entra in una famidda nobili, l 'Ornanu..
St'omu era famosu par i so sprosgi
à cantu à i Medicis di Firenze
è dopu u rè di Francia Henri II...
Hà cunnisciutu ancu l'impiratori Charles Quint
è i più gran ' scrivani di l'epica, Rabelais, Du Bellay..

da suvità...

(Ghju)vannina d'Urnanu ùn era sola a figliola di u signori d'Urnanu, era soprattuttu a purfigliola di Ghjuvanpaulu da Leca, ultimu risistenti putenti à i ghjinuvesi è ultimu conti di Corsica.

Cù i d'Urnanu (Cinarchesi à favori di i Ghjinuvesi) è i da Leca (contru), Samperu intria da veru in sta famiglia è fù cusì chì a ghjenti u suvitò. Da spiicà stu matrimoniu, pricisu chì a mamma di Samperu era dinò isciuta di sta nobili famiglia.

si pudaria chjamà : i raconti di ziu antonu..

.. Samperu si maritarà di ghjunghju 1545 cù Vannina ,
edda avia 18 anni,
eddu 47 anni..
Ci hè monda sfarenza d'età trà eddi,
ma à l'epica era cussì !
si facia... era una unioni arranghjata ..
A l'iniziu, edda hè inamurata , aspetta ch'eddu volti
da i so battagli.. ma dopu scambiarà a cosa ..
Nascini quattru ziteddi :
Alfonsu, Anton 'francescu,
Franchetta è Alfunsina..
( sti dui femini sarani un misteru..
Nè Samperu , nè Vannina ni riparlarani ..
da suvità..