i foli di ziu Antonu...

antonu

.... u rè Charles X feci à Vannina un beddu rigalu :
un palazzu, " La résidence du Roi à Marseille "
duva sò ghjunti à campà nanzi,
u Papa Clemente VII, Renè, comte di Provence,
rè di Napuli..
U fattu di campà in Marseglia a faci sorta à pena ,
E si senti un' altra.. più libara ... da u sguardu corsu ..
A l'epica, Samperu cerca aiutu, avvicinendu si da i Turchi..
par pudè scaccià i Genuvesi da A Corsica
Avà,Vannina hà trenta cinqui anni, hè cambiata monda ..

da suvità..

antonu

... Dicini ch'edda ùn voli più rientra in Corsica ,
certi dicini ch'edda hà un amanti..
U fattu si stà ch'edda voli andà in Genuva,
par fà A paci, par Samperu,
Dicini chì Samperu batti cù i Musulmani..
Quissa li piaci pocu è micca ad edda !
edda chì hè cristiana..
Eddu, avà, hè vechju, malatu, ma ùn la pò pata
chì Vannina andessi à veda i Ghjenuvesi..
Edda ùn stà à senta
è vendi a so mubiglia, i so stuvigli,
i so pitturi...
Eddu a sà ... ma parti pà Costantinople..
ma invia u so legatu
Antone di San' Fiurenzu ..
par fà piantà à Vannina..
Vannina scappa in Genuva cù unu di so fiddoli..
L' arrestani è a mettini in prighjò in Marseglia ...
è dopu in Aix..
Ma Samperu affacca, ma ùn la voli tumbà subbitu..
forsa a teni sempri cara...
Ma dopu, edda dumanda d'essa tomba da i so mani.;
E tumbarà ancu i servi di a so moglia..
Dicini chì Vannina vulia dà à Genuva certi ducumenti secreti..
... chì risicaiani di distabilizà a Corti Riali Francesa ...
Vannina saria stata a vittima d 'un crimini
di ghjelusia, d'onori o di raghjoni di Statu ?
..In tantu chì Samperu si ni vulteti à A Corti Riali di Francia ..

FINI..

elvira

buuuh ma Sampieru ùn era micca stu corimozzu ch'iddi ci contanu i "libri" allora!!!! Surprised

a so moglia a vulia bè iddu, ma a so patria ancu di più.....lu sinnatu Smile

antonu

Marco Biancarelli in a so " Cuntroversa di U Valdinieddu" a ci conta bè !
ci voli à leghja la ! hè una maravidda !

antonu

eccu ghjulia ! leghji puri !

antonu

.... Dopu Samperu si farà stirpà in Cavru,
da i trè cugini di Vannina...
in 1567,
avia dighjà 70 anni ...
... Dicini chì saria statu traditu da u certu Vittulu ..
ùn ci pudia sbuccà contr 'à trè omini ghjovani !
... dopu, l'ani taddatu à pezzi, è si dici ancu
ch'eddi si ni sariani nutriti par piddà si a so forza ...
Ani missu u so capu nant'à una asta di farru ,
à a porta di a cità d'Aiacciu..
Samperu hè mortu guasgi vicinu
à u locu ind'eddu era natu..
A so chjecca hè stata sposta ind'è a ghjesgia di Cavru..
Ma sta chjecca hè smarita ..
ani contu chì l'avariani lacata in una vadina..
si facia cussì quand'eddu ùn piuvia più micca !
ma ùn si hè mai più scatulita, quidda chjecca famosa !

sò stefanu sò

antonu a écrit:

si pudaria chjamà : i raconti di ziu antonu..

ch'elli siani i foli...o ch'elli siani i raconti....
lighjaremu sempri...i scritti di u nostru ziu.... study

Ghjuvan' Filici

Cuntruversa di Valdu Nieddu - Scena 7

Sampieru, Iago, po affaccarà à Vannina.

Sampieru : [affannatu] A mezzo al camino della mia vita, mi ritrovai per una selva oscura…

Iago : Iè, o Sampieru, una selva oscura, un valdu nieddu, è po’ ci semu bè, u me maestru [si volta versu u pùblicu, faci un surrisu di tradittori].

Sampieru : Bravu Iago, amicu fideli, senza à tè mai avariu sappiutu a me disgrazia ! Vannina, ‘ssu cori ch’e’ cridiu culmu à dulcezza, chì si faci imburrà da i me ufficiali ! Da Bartulumeu di Vivariu ancu ! Da Achilli di Campucassu ! Da Antonu di San Fiurenzu ! Vannina, ch’e’ cridiu una Santa, è ch’infatti hè una vera ghjacara pisata !!! L’aghju da strangulalla cù i me mani, sta lufiaccia !!!

Iago : Ah ! U me maestru... Quand’e’ vicu stu focu chì vo t’aveti in i veni, st’ardori gagliardu chì vi sutrinna l’anima, mi dicu chì pò dassi avariu duvutu tena sti rivilazioni par mè, ben ch’iddi m’avariani rosu da l’internu… Ma l’amori par vo, è sta primura ch’e’ t’aghju d’ùn veda micca intaccà u vosciu onori mi dittesti a me cundotta. [liricu] Ch’e’ sii dannatu par avevvi palisatu l’infamia chì vi culpisci, ma l’infernu chì m’aspetta hè una ghjusta riscumpensa s’è mi possu dì ch’e’ vi firmesti sinceri…

Sampieru : Caru Iago, essaru ghjintili, ùn ti strazià a cuscenza. Nimu feci un cussì bravu duveru di pettu à a me parsona. I me capitani, ch’e’ cridiu cussì divoti è chì m’arrichestini i vittorii in Caccia è in u Viscuvatu, ùn erani ch’è vilani accantu à tè ! Finisciarani com’iddi devini ! Manghjati da i ghjacari ! È ancu li lacaraghju un ochji par vedasi soffra in bucca à i me animali !

Iago [viziosu à più pudè, atturcinendusi i mani com’è un tradittori] : È subratuttu ùn isminticheti micca stu ginuvesu infamu, Bazzigalupo Agostino, chì si feci entra in corti di voscia mudderi par tradisciavi meddu, è chì la feci in cumpagnia di u pracittori ‘llu vosciu fiddolu, u dittu Ombrone Michelanghjulu, chì vi feci ghjuramentu, è chì non cuntenti di piddavvi i vosci scudi si pirmissi di prufittà di a niscintria di Vannina…

Sampieru : Ah li brutti ! A si piddaiani in dui !!!

Iago [si piatta a faccia] : AAHH era tirribuli ùn la possu mancu cuntà : unu era daretu è l’altru davanti… ùn mi voddu mancu invena !!!

Sampieru : Tamanta ghjuvannara ! [caccia a so spada] Ùn hè mancu chì l’avissi da strangulalla ! L’aghju da fà piriscia pà u locu dund’idda hà piccatu, l’aghju da entra u filu di ‘ssa spada in u....

Entri Vannina...

Vannina : Eccu bè a manera di parlà di u purcaghju...

Iago [versu u publicu] : Ostia ! Cumparisci a piccatrici ! Ni prufittu par iscappà à a lestra !

Iago scappa è sorti da a scena. Sampieru faci quissu chì si hè calmatu, acconcia a so spada.

Sampieru : Un purcaghju diti ? Mmh… parlu com’è un purcaghju, è vo vi criditi una cuntessa, ma t’eti una lingua à trè furcona, a me suredda, è i vosci paroli circani di morda com’è a vipara…

Vannina : Vi sentu suttu à a influenza d’un gattivu dimoniu, o u me frateddu… Piccatu ch’iddu si ni sighi scappatu cussì prestu, l’avariu bè puntu ancu ad iddu !

Sampieru : L’ufficiali chì mi spira sti raghji di lucidità cuncirnenduvi vi vidisti, piattu ch’iddu era daretu à una tindina di a voscia camara, è non solu assististi à i vosci crimini, ma vi n’intesi cunfissà monda altri, à u cori di u vosciu diliriu, quand’ì vo mughjaiati d’un piaceri intardittu cù i vosci amanti !!!

Vannina : I me amanti ?! Era dunca quissa a vilania ch’e’ dubbittaiu… ‘Ssu ruspu di Iago vi hà sappiutu ingannà, è à vo vi cunveni di soffra è di creda i chimeri di ‘ssu scemu !!!

Sampieru [chì s’annarba è chì si dirrighji versu Vannina, caccendu un falzulettu] : Arristeti di piattavvi daretu à i vosci bucii ! ‘Ssu falzulettu tacculatu d’ùn so chì hè bè a prova di u vosciu tradimentu !

Vannina : U me falzulettu, chì vo m’uffristiti in i tempi di l’amori… U cridiu persu… Ma ci pensu, l’aviu lacatu in camara è Catalina, a me serva, ch’e’ suspettu di fàssila cù u vosciu cunfidenti vituparatu, facia quissa ch’ùn l’avia mai trovu… Avali capiscu tuttu, l’ani arrubbatu è ani appruntatu ‘ssa trappula. Sarà ancu tacculatu da fatti soi !

Sampieru : Avali u troppu stroppia, a me cara, u momentu hè vinutu di pagà, vi aghju da strangulà cù l’ughjettu stessu cun quali vo eti piccatu ! [rula u falzulettu par fanni una funi da strangulà]

Vannina [vinta] : Allora, sì tuttu hè persu, accunsentu à mora, ma prima v’aghju da cunfissà tuttu, tuttu ciò ch’aghju fattu…

Sampieru : Voddu senta tuttu…

Vannina : In fatti, a prima volta, fù cù Achilli di Campucassu…

Sampieru : Era dunca a verità…

Vannina : Iè.

Sampieru : Parchì ? Parchì m’eti tradittu cù Achilli, u cridiu un amicu…

Vannina : Erati sempri fora, sempri pà ‘ssi campi di battaglia, è tandu vi faciati curà una firita in Aiacciu, m’aviati lacatu à a vardia di i vosci suldata. Achilli era cussì ghjovanu, cussì bè futtutu, purtaia bè cù u so armoriu chì lucicaia. È po mi sò sempri piaciuti i ghjuvanotti, hè cussì, è vo seti un vichjareddu d’un altru tempu…

Sampieru : Mmmhh !! Un vichjareddu !!!

Vannina : Iè ! Un vichjareddu… Ùn pinseti chè à i guerri contru à i Ginuvesi, contru à i Turchi, contru à i Francesi, ùn ci hè chè « a guerra ! », « a guerra ! »… Allora un ghjornu Campucassu hè vinutu à circammi cù u so novu cavaddu, novu framanti, micca com’è a vechja carna chì vo vi tiniti dipoi quindici anni, è semu andati à baddà in una taverna in Bonifaziu…

Sampieru : Ah ! I loca di a lussura muderna ! Ùn ci hè po’ chè quissa chì conta !

S'innalza una musica, Zucchero, "perchè ci è un diavolo in me", tuttu parlendu, baddani com'è in discuteca...

Vannina : Iè ! È allora ? O mancu culà nimu ci cunniscia, eramu buliati cù i Ginuvesi, c’erani i turisti di a tarra ferma, ci campaiamu, m’eru vistuta cù u mezaru trasparenti ch’aviu compru à un marcanti d’Algeru, unu ch’e’ aviu scontru u ghjornu di ‘ssu ripastu cù u vosciu cucinu, Hassan Corso. Infini, nantu à a pista, eru una righjina, ghjucaiani di cètera elèttrica una musica muderna, ci scatinaiamu, hà duratu sinu à cinqui or’ di mani…

Sampieru : Ah stu disonori ch’hè u meiu ! Quand’e’ pensu ch’e’ supportu una stodia cumpagna… Quand’e’ pensu ch’e’ risentu un turbidu bizarru… Sarà una forma di piaceri ?

Vannina tira à Sampieru, sò avali com'è stracquati annant'à a rena...

Vannina : Dopu Campucassu m’hà purtatu annantu à a spiaghja, eramu caldi, appena briachi, in più aviamu fumatu un tizzonu d’arba barona ch’ùn vi dicu nudda… Infini, hè quì ch’iddu m’hà presu, nantu à a rena… T’avia un corpu musculatu, un corpu di condottieri spurtivu. Certu, t’avia un discorsu un pocu lebbiu, mi cuntaia par fassi valè chì u vuliani com’è mercenariu à a Sampdoria Medici Club… Ma mi n’infuttiu, mi sintiu viva, mi sintiu una donna in i so braccia…

Sampieru : Vi hà fattu goda ?

Vannina : Iè !!! Aghju gosu com’è una scema ! Po dopu aghju vulsutu prufittà d’altri spirienzi, erati sempri p’è i loca, mi vuliu senta una donna libara…

Si ridrizzani

Sampieru : Ci ni fù tanti altri, ùn hè ?

Vannina : Iè, tuttu hè veru, ci hè statu ancu u vosciu cunfidenti, avali a vi possu dì, Iago, ma iddu si hè innamuratu, ed hè par quissa ch’iddu m’hà vindutu à vo. A ddi aviu bè ditta, purtanti, ch’ùn era chè par amusamentu, ma era troppu pussessivu, u culu solu ùn li bastaia micca, o allora ùn mi vulia chè par iddu…

Sampieru : Nò ! Ùn vi credu micca ! Iago hè po statu u solu à ùn tradìsciami !

Vannina : È comu criditi ch’iddu hà avutu u falzulettu à a fini ? U puliu ghjeu, cù u falzulettu, è iddu u si tinia, un truffeu sessuali…

Sampieru : Basta ! Ùn possu più senta nudda ! O allora mi facciu anch’eu una carta di… mmmh… Infini, voddu dì, ripiddemu u tonu liricu di u principiu : O tradittrici ! Quantu ci n’hè statu chì t’ani uffesu cussì, mentri ch’e’ difindiu a patria è l’onori di a noscia sterpa ?!!

Vannina : Tutti, ci sò passati tutti, u me caru ! Antonu di San Fiurenzu è Bazzigalupo u ginuvesu, ancu preti Ombrone, li faciu cuddà a suttana è dopu li faciu certi pumpini ! Sì vo l’aviati vistu ghjanghjulà, è prigà i santissimi ! È po dopu tutti i to suldati, tutti quissi chì vuliani, aghju apartu ancu un situ annantu à internet pà scuntralli : « http Vannina Borgia, Relax è Futtiti à più pudè » chì l’aghju chjamatu, passaiu l’ori annantu à i chat, scuntraiu i militari cussì, di i volti mi piddaiani à parichji, tuttu era veru, tuttu ciò chì Iago t’hà cuntatu… Eri u solu à ùn pudè affaccà annantu à u situ, a to fubbia di a mudernità ! [imitendu a so boci maschili : ] « Eu ùn socu mancu com’iddu viaghja, un ordinatori… » Oh, tintu à tè !

Sampieru : Hè troppu ! Socu in focu ! Ùn ni possu più ! Tamanta infamia ! Avali t’aghju da strangulà !

Vannina : Iè, futtimi ancu tù, o vichjò ! Strangulighjami sùbitu !

Sampieru : Eccu ! Ti piaci cussì, hein ! Dilla ! Ti piaci ? Nò ?

A faci capulà daretu à un cantonu è a strangulighja…

Vannina : Iè ! Strangulìghjami ! Fammi mali !

_________________
u Capitanu Ghjuvan'Filici, sempri in àndara, sirvitori di u Malignu è di i belli civetti...

a sumenta

antonu

o ghjuvan fili , hè bedda , strabedda sta passata !

mi socu campu in u liceu di Porti vechju à fà la cù l'elevi !
Tè, aghju compru u libru di Marcò, sta sera ....
in trè ghjorni, u mi leghju !

antonu

26. I PRUMESSI SPOSI..

Araziu hè un beddu ghjuvanottu è Natalina un bedda ghjuvanetta...
Si mettini in parola, par marità si dopu..
A suredda d'Araziu si chjama Cleofina ,
maritata cun Don Ghjasè, amicu d'Araziu..
Cleofina hè incinta..
..Don Ghjasè u maritu a cura,
hè sempri à aiutà la par tuttu, senza lascià li fà nunda ,
par paura di u sconciu... un veru mugliùculu..
Ma u partu si ni và di mali..
da suvità..

antonu

... Ma qualchì ghjornu dopu,
Don Ghjasè spanticheghja a verità è conta :
" Un ghjornu, erami, tutt'è dui, vicinu à a vadina ..
è Cleofina, d'un colpu, hè sparita ...
l'aghu trova, dopu avè cercu,
allungata nant'à a ghjerba,
In ghjiru ad edda , dui donni, pariani strei.
.. Edda avia una firita nant'à u corpu,
un intaddu tamantu ..
è i strei tiniani un nascitoghju in bracciu..
E Don Ghjasè sapia chì ci vulia à lacà fà..
.... lacà compia stu rituali orrendu chì osinnò pudaria essa peghju..
E dopu, ani rimissu u zitidduchju in corpu à a mamma..

da suvità..

antonu

... Cleofina ùn si invena più di nunda ...
... è perdi u fiddolu..
Araziu, da tandu, era inchetu par a so prumessa ,
si devimi marità è dopu volini avè i fiddoli ..
Cù ciò ch'eddu hà intesu da u so cumpagnu,
li veni u svelu....
E Araziu ni vularia parlà à Maria Geronima,
a mamma di a so prumessa,
parchì edda hè capaci à aiutà li..
Forsa cunniscia sti donni, i strei....

da suvità..

antonu

... un ghjornu, in a siratina, erani tutti i donni,
à pusà, à piddà u caffè, ind'è Maria Geronima...
è affacca una donna,
strana, micca com'è l'atri donni :
...spunta senza fà mottu...
è l'altri donni ... a fighjulani in catarochju..
Hè una donna dighja vechja, in anni diciaremu..
.. a faccia mora, guasgi catusciata da u soli..
l'ochji incaravunati..
l'aghjenti quì ùn la pudiani pata à quissa quì..
Un si hè mancu pusata..
L'aghjenti n'aviani u schifizzu di quissa quì !
Tanddu edda lampa :
" Eh, à bona sera... passu.. è zittu !"
Una donna chì ùn era mancu stampa intimurita,
dici, à chjuchjù é belbellinu :
" Quissa quì hè una streia, mi !
...sfideti vi ni ! "
da suvità..

antonu

... Araziu voli parlà tandu cù Maria Geronima
par dì li ciò ch'eddu sà,
par parlà li di sta donna strana
chì hè vinuta in a so casa ..
ma ùn ci hè manera.
Maria Geronima cerca tutti i scusi
.. par ùn parlà.. à tù par tù..
Una sera, à veghja, Araziu si hè trovu solu
cù Natalina è a mamma..
è si hè missu à cuntà uni pochi di stalvatoghji..
..ma un pocu impivarati,
diciaraghju affari grassi.. di preta curruloni, dunnaghji...
Ma a mamma è a fiddola ùn volini stà à senta..
Volini ch'eddu si ni vaca !
Eddu si ni avvedi... è s'inzerga :
" Chì ci hè ?
mi piatteti calcosa ?"

da suvità..