i foli di ziu Antonu...

antonu

... E a mamma li dici a virità : "
" O Arà, semu di l'Arti....
ùn ti vulemu fà tanti pantumini ...
...ti diciaraghju avà quali no semu !
...voli vena cù noscu ? "
Araziu ferma insischitu,
tardaviddeghja da a paura..;
ùn sà più induva sbatta di capu !
I suvita avà...
Ghjunghjini in un caseddu,
hè u caseddu di Filici, u so amicu..
Entrinu in una stanza
duva dormini u maritu Filici, a moglia è trè ziteddi..
Natalina è a mamma avali cambiani di visu,
i so bocchi sbavacciuleghjani, i so ochji sò saetti,
parini tonti cannati, parini spirdati..

da suvità..

antonu

.... Maria Geronima pidda u zitedu u più minori
in i so bracci è dici:
" quantu l'emu da lacà campà à quissu ?
.. stu chjuculeddu ! "
...E po, in un batter 'ochju, a donna u si metti in bocca
è li strunchizzuleghja, cù i so denti sannuti
i so ussareddi ...
Dopu, inguantani un altru ziteddu, dicendu :
"Quissu, u ci sciacchemu da quì à quindici ghjorni ! "
.... In tantu, li suchjani u sangui,
piddendu li in bocca u ditu mignuleddu..
.. stupendu u troppu sangui ch'eddi aviani in a canneda ..
E Maria Geronima si metti à impastà
cù una farina d'ùn sì sà quì..
è u pani chì ni sorti, u porghji à a fiddola
è à Araziu..
a fiddola ni godi di manghjà si lu
ma Araziu u si addoca in u ghjileccu..
u ghjittarà più dopu..
Avali, Araziu corri à sciappa ciarbedda,
luntanu da sti donni, di i so messi neri,
par svità stu paesi di guai..
è par ùn vultà mai più ... più mai..

FINI.

Tito

E tandu Ziu Antone si piglia 2 vacanze... Mr. Green

antonu

E facini bè ...
ancu trè...
ma i cuncerti ...ùn sò tantu riposu !

Petra lu pianu

Avà po ci scrive d'altri raconti è a si sciale in paese. Soca ci vultarà di sittembre? par cuntadde? bounce

Tito

O Antò avà chì simu di settembre, ti tocca à impennà torna! cyclops

Cumpà

Tito a écrit:

O Antò avà chì simu di settembre, ti tocca à impennà torna! cyclops

Aiò, tutti, cume vo site...
Laccatellu un'pocu tranquillu à Ziu Antonu.
Eiu aghju cunfianza : ripiglierà quand'ellu puderà.

_________________
http://cumpalliols-in-corsu.over-blog.com

Tandu i figlioli adduniti sott'à listessa bandera cù una vuluntà cumuna
Feranu di stu paese una nazione fiera, ùn ne mancherà manc'unu
È feranu l'avvene.
A. Olmetta

Ghjuvan Micheli

Viditi quant'eddu ci manca
U sgiò prufissori Antonu !
O amicu, pesa ti l'anca
Chì s'aspetta u to ritornu.

_________________
A raghjoni hè toia... ma a capra hè mea !

http://casa-di-a-memoria.over-blog.com/

antonu

Aghju da ripidda i me foli !
dopu cuntaraghju qualchì pagina di storia , pocu o micca cunnisciuta ...
nant'à a "grippa spagnola" par un dettu,
chì era una grippa (infuenza ) A.. !

Cumpà

antonu a écrit:

Aghju da ripidda i me foli !
dopu cuntaraghju qualchì pagina di storia , pocu o micca cunnisciuta ...
nant'à a "grippa spagnola" par un dettu,
chì era una grippa (infuenza ) A... !

Ùn sò micca sicuru ch'ellu fussu u mumentu, incù u cuntestu epidemiologicu, ma à senteremu incù piacè, cume sempre.

_________________
http://cumpalliols-in-corsu.over-blog.com

Tandu i figlioli adduniti sott'à listessa bandera cù una vuluntà cumuna
Feranu di stu paese una nazione fiera, ùn ne mancherà manc'unu
È feranu l'avvene.
A. Olmetta

antonu

27. I TRÈ STREI...
Una casuchja nant'à a spiaghja, vicinu à a marina di Tizzà, vicinu à Sartè..
Un omu affacca, nant'à u mutali,
...semu a mani a bon'ora... è vedi a so barcedda, cù i remi sempri trosci, svultuliata nant'à a rena.....
è briona : " Madonna, faci dighjà a terza volta ch'eddi mi toccani a me barca ..? di notti ...l'affari ùn pò più andà, quali sarà chì mi ghjoca à u sgiàsgià ?
E và è rimetti tuttu à postu ...a barca, i remi, i veli... assesta tuttu com'eddu sà.. briunendu sempri, contr'à ùn si sà quali..!

da suvità..

Cumpà

U Ritornu d'Antonu
EVIVA cheers

_________________
http://cumpalliols-in-corsu.over-blog.com

Tandu i figlioli adduniti sott'à listessa bandera cù una vuluntà cumuna
Feranu di stu paese una nazione fiera, ùn ne mancherà manc'unu
È feranu l'avvene.
A. Olmetta

antonu

.... In a ghjurnata, l'omu lavora a so campiva ma di notti, veni è si stendi in u fondu di a so barcedda è aspetta ...
si hè cupartu di tanti reti, cusì ùn hè vistu da nimu !
Affacani dopu i trè strei, chì sò in li fatti, trè cummari di u paesi...
eddi parlani pianu pianu, strascinani a barca ver di u mari, dicendu:
"Voca par unu, voca par dui, voca par trè !"
ma a barcedda ùn voli sculiscià sin'à l'acqua..
è puntani dinò, in darru... quiddi donni ..!
E a più anziana lampa : " ma semu quattru ! una di no hè gradìva..;
è ùn la voli abbunà..
...allora, semu quattru !
"Ci voli à dì : " voca par unu, è dui, è trè è quattru !"

da suvità dopu !

antonu

... è tandu a barca si metti in anda è voca par l'onda ....
...luntanu.. cù i trè strei annantu... è l'omi à mezu à i reti,
par andà à surpà si u sangui di a ghjenti...
ma sta volta, voltani subbitu.... è rientrani in i so casi !
E l'omu, sbiguttitu, pò avà andà si ni in casa soia !
ma vedi nant'à a rena uni pochi d'arburi tamanti ,
sò dattari carchi di frutti maturi ...
ni manghja dui à trè è metti u restu in stacca !

da suvità

antonu

... E rivolta à piattà si sott'à i reti....
Affaccani i trè donni.. è quand'eddi passani davanti à eddu,
l'omu cù i so tisuri tagliuti (ch'eddu approda par taddà i fogli di tavaccu),
sdrisgia à ogni strea un pezzu di a so gunnedda ..:
una turchina, una grisgia è una bianca è nera ...
è i si metti in borsa ...
Rientra ind'eddu ...
è a dumenica , và à truvà u preti è li dici : " O missè !
vaghju da dì ! "... è li conta a passata : i gunnelli, a stofa sdrisgiata, i dattari.."
Tandu, u preti voli sapè quali sò sti strei, sò paisani, sò !

da suvità