era carlu roccu !

scusa, o Cirlì !
hè vera , si dici : " E Valli "

Ié mà....

feghja, s'è tù trovi !

anc'eu so a a ricerca di tutti i versi
è di l'origine di stu lamentu-
chi a mio mamma spessu cantava :

quella chi passa cullà
mi par' Paduva Maria
quelli chi u mio figliolu
amava per cumpagnia
u so babbu e a so mamma
tantu piece un avianu

mi pare chi secondu i lochi i versi cambianu.

eccune nepochi di filari , chi venenu da u Cruzinu:

mi sentu una voce in piazza
Ma nun sò quale si sia
Dicenu ch'ella sarà
La me Padivamaria
Quella chì lu me figliolu
Par isposa la vulia
Ma lu so babbà nun volse
è mancu eiu piacè ne avia

Eiu o Padivamaria
Cunfessu lu me piccatu
Innanzu cà dallu à voi
U vulia vede intarratu,
Ma s'ell'era vivu stamane
Di voi era lu spusatu...

O cagnaccia mascarata
tutta carca d’arigogliu
figlioli ùn ne ai più
mariti quant’è ne vogliu
ùn hè da paragunà
da lu granu à lu mondogliu

Rizzati lu me paone lu mio culombu)
U mio distinu, lu mio acellu (gioiellu)
chì sonanu le campane
avemu da fà l’anellu
chì ci danu l’accunsentu
babbitu è lu to fratellu

Eiu o Padivamaria
Tì vi vurria dì una cosa
Vulete ne cullà in casa
cum'è ligittima sposa
o sarete la patrona
In casa è fora è in ogni cosa.

E si voi vulete tene
trè anni lu viduvale
vinti cinque mila franchi
i vi lampu in lu scursale
la mio paduva maria
pigliate quel ch'e vi pare


Nun vogliu li vostri soldi
mancu li vostri quattrini
In casa di lu mio babbu
Si misuran'à bacini ( quattrini)
E ùn sò scudi di Francia
Ma sò doppie zecchini..

In casa di sgiò babà
ci so le quattru funtane
una di lu rossu vinu
l’altra di lu biancu pane
una di l’amor di Diu
l’altra di la caritane

Ma nun senti la to mamma
Cum'ella hè incustante è cruda
Duv'ell'hè andata la carne
Si ne vaga ancu la piuma.

voi o paduva marì
Eo vi dò un bon cunsigliu
Un v'aghju datu lu chjucu
Eo vi daraghju lu primu !

Vulete paragunà
una mazza à un bastone
ma nun so pare le dite
è mancu sò le parsone
Un mi lu date lu chjucu
Nè mancu vogliu lu maione...

o estrimè, ùn hè micca un lamentu,
hè un voceru
( una vuciarata, una baddata)

mea culpa!
ideo precor....

o 'nto,
ci cuniscimu, ma ,di sicuru ti sbaglii : un so micca una femina !

ti ringraziu di i filari che tu hai aghjustatu , s'elli ci so chi ne cunoscenu d'astri, o detti di un'antra manera, accunsenteria ch'elli i publicheghjinu.

he un chjam'e rispondi , e vuleria sapè si sta qualificazione di voceru si po mantene?

forse chi DIANA DI L ' ALBA u metterà nu u so librettu ? ?

O Estrimè, di chì paesi di Cruzinu vinarà stu cantu ?

un pensu micca ch'ella venghi da u Cruzinu, ma a copia ch'aghju publicatu ,a m'ha mandata Ghjuvan Ghjiseppu Franchi di Lopigna

veni da l'Alisgiani pensu... sta baddata !