popopo un chjam'e risponde à Pigna
voli fàmmi deprime
argh ùn ne possu piùùùùù




Editatu dà OR

Face un pezzu ch'un si parla piu di l'attualità...




* A Cullittività Tarrituriali di Corsica hà attribuitu à l'unanimità
u Premiu di u libru corsu à LlSANDRU Muzy pà u so libru ""ln i me ochja""

Dopu à "1 sonnia agaresi", Lisandru Muzy hà cumpostu ln
i me ochja, accumpagnatu di pitturi di Francescu Quilici (di
Bisinà). U libru l'ani editatu Matina LatinalCismonte &
Pumonti,A Casa di u Populu corsu,Eolienne, cù l'aiutu di a
Cullittività Tarrituriali di Corsica.



* A meza via hè u prima libru di Ghjuvan Micheli
Weber, editatu da Matina Latina,Cismonte & Pumonti d'uttrovi
2006.
SO 180 pàgini di puisia linda com'è a cuscenza
di i so maio chi l'ani trasmissu in u viculu tamanta làscita di
lingua è di pinsamentu.

Ghjuvan Micheli Weber, prisidi l'associu Dopu Cena, è
sona di viulinu è canta. Hè un incantu di leghja i so scritti
chi sbàrsani d'amori di u locu è di a ghjenti. A musa
d'Aliconu a cunnosci in emma et emma. Cusi chi ci po rigalà
l'autori tanti passati puisiosi è d'induli nosciu.


*L'edizioni Matina Latina;Cismonte & Pumonti ani
publicatu di ghjinnaghju 2007, cù l'aiutu di a Cullittività
Tarrituriali di Corsica, u prima libru di MARCEDDU
JURECZEK: Ghjuventù ghjuventù...


Si tratta di unu rumanzu dundi cumpariscini tanti figuri
singulari. I ci moscia l'autori tali eddi so. Bàddani à gallu di
sguardu un chiriali di distini fiascati è dulenti. Hè propiu a
cronaca virtadeli di una ghjuventù dispirata, senza avvena,
chi subisci l'azzioni di una pulitica vigliacca chi togli u di
bonu lachendu a ghjenti à a malavia nant'à una strada ceca.
Marceddu Jureczek, prisidenti di Matina Latina, hè unu
nomu chi hà da ribumbà. Ancu di grazia ! À pro di a lingua
è a cultura corsa.

A Santacroci di Rinatu Coti, edizioni Eolienne, hè una nova racolta di puesie per mezu di a santacroce (abécédaire) è chì prupone un'altra manera di scrive a lingua corsa rimpiazzendu e famose intricciate « chj » è « ghj » da duie lettere nove nate da l'imaginazione è da u travagliu di ricerca di l'editore, Saveriu de Casabianca.

Ghjuntu à scuntrà u publicu in a libreria Terra Nova di Bastia, Saveriu de Casabianca ghjustificava a so dimarchja dicendu « ch'ella era una manera di facilità a lettura di u corsu simplifichendu a grafia ». Dunque, un'iniziativa chì puderebbe cuntribuì à cresce u numeru di lettori corsi.

Numaru magnificu d'AVALI cunsacratu à Farrandu Ettori !!

Qualcosa d'assai spiziale ch'un si po riprisentà incu u "PC" !!
Perche micca...

http://site.voila.fr/kalliste/culture_corse/ccu.jpg

Ultimi libri inde Albiana:

Citation:

Ghjuvan Luigi Moracchini, cù issu primu rumanzu, poni un passu novu in issa elaburazioni di a literatura corsa. U so naturalismu era in sumenti in i so nuvelli. Dopu avè purtatu sin’à una cima a prova chì si pudia sfruttà guasgi à l’infinita una figura tradiziunali (è puri ricustruita) com’è u mazzeru (si vighi a so racolta www.mazzeri.com), l’autori si stacca da a so timatica prifirita è fundatrici par piddà l’avviu di issa mossa ammintata più in sù, ma in un versu universu propiu soiu è propiu nosciu à tempu. Nasci cusì un’ andatura mischja chì intreccia u sguardu suciali è un’ erudizioni literaria è esoterica chì si metti à u serviziu di u studiu di mendi. L’effettu hè bunissimu chì ci caccia da i miti di l’esaltazioni naziunali è ci lampa in una real literatura accunciata di misticismu (i sciffri segni par asempiu) è di literatura di grandi sparghjera chì duventa dinò fundatrici è rifarenti quant’è un mitu (In the heart of darkness di J. Conrad o opari sinematografichi giappunesi, in altru asempiu). Nutemu chì tandu, l’opari sò ammintati in lingua d’origini, segnu di una situazioni mundiali di l’isula. Ci arreca tandu un’opara fora d’ogni cursitù cunvinuta ma in corsu è in Corsica, ùn ci hè dubbitu. L’investigazioni ùn và micca à circà i sviati suciali, pulitichi o i canaletti umani, ferma in u cuttidianu, in a « nurmalità ». A nuvità maiò hè dinò quì. U sguardu si faci crudu ma senza scopu fora di u ghjocu literariu. Truvemu una scrittura discrittura di mendi, ritratti, facci è prufili, prisenzi senza avvena, assenzi senza dolu, bioti asistinziali, via una galaria di chjocchi chì dici una generazioni sazia di tuttu. È inde Moracchini u cinismu è a causticità di a forma incalcani u fondu.[...] Alanu Di Meglio

Citation:

(4 ème de couverture...) Mi ritrovu accantu à Marcu è a so nova cumpagna. Sentu u so profumu capitosu, vecu a so manu in quilla di Marcu è l'abandonu di a so parsona. Mi veni allora un sentimentu stranu, com'è una stilettata in cori, una idea ch'e ùn cridiu di cunnoscia. In fondu à mè, si torci u stilettu chì allarga una piaca dulurosa : mi sentu Ghjelosu ! Si dici chì a ghjelusia ùn si spanna chè ind'è a ghjenti chì ùn hè micca stata à bastanza amata in la so zitellina è mi rendu contu, à a forza di issu sentimentu chì mi strappa u cori, chì a mio ferita devi essa prufonda, anziana è piatta. Quand'e vecu à Marcu Taffarelli, a trentina, vistutu da panni chjari, pantaloni Armani, maglia Boss, spichjetti di soli in li capelli à deci ori di sera, l'ochji turchini ingirati di rivigliuli di risa, mi pari di veda mi. Semu pari, semu simili, semu fatti in la listessa forma. Purtemu i custumi chì ci facinu simili à millai d'altri ghjenti. Quand'e paraguneghju Anna cù a so brunetta, ùn ci hè micca dubitu, hè Anna chì vinci a partita. Ùn ci hè discussioni pussibuli : hè Anna u gioellu di a serata ! Allora, parchì essa ghjelosu? Parchì Marcu Taffarelli hè più riccu? Parchì hè l'amicu di tutti? Parchì

_________________
Un populu,una lingua,un foru !!

Eccu l'ultimu bellissimu discu di Diana di l'Alba.

Venite à vede stà manifestazione!

Le lundi 21 mai à 18h30
La Littérature Corse des
origines à nos jours
Rencontre avec
Marie-Jean Vinciguerra.
A la bibliothéque
municipale, salle patrimoniale
50 rue Fesch - Contact : 04
95 51 13 00 - Entrée libre.

Simu andati, era interressante sta conferenza, mà ùn avemu micca lettu i libri di ch'ellu parlava, allora era un pocu difficiule di capisce tuttu. Mà hà parlatu d'un libru: induve ci sò filastrocche è pruverbi che sembra bellissimu! ô Erbagjhu cume si chjama stu libru?

Osinnò avete intesu u novu album di Diana Di l'Alba? hè una maraviglia!
Elli sò di cuncertu :

15/06: (2A) Porti Vechju Concert DIANA DI L'ALBA au centre culturel de Porti Vechju; en première partie : ALTAGNA et ALCUDINA...


23/06: (2B) Corti Serata in Ricordu di Pasquale Paoli, in San Ghjuvà cù DIANA DI L'ALBA , ISULATINE è OCHJU A OCHJU.


26/07: Sardegna Seremu in Sardegna u 26,27,28 di lugliu per duie serate... ( Fonni, Fongegiannus )


31/07: (2A) Moca Croce Cuncertu in Moca Croce


01/08: (2B) Cervioni Cuncertu à u Cunventu di Cervioni


03/08: (2A) Lopigna Cuncertu in Lopigna


04/08: (2A) Zonza Ballu tradiziunale in Zonza cù OCHJU A OCHJU...


11/08: (2A) Sartè Cuncertu e ballu tradiziunale nant'à a Piazza Porta in Sartè cù OCHJU A OCHJU...


12/08: (2B) Canavaghja Cuncertu e ballu tradiziunale in Canavaghja...


14/08: (2B) Campile Cuncertu è ballu tradiziunale in Campile...


17/08: (2B) Santu Petru di Tenda Cuncertu in Santu Petru di Tenda cù " Voce di l'Esse"


18/08: (2B) Cervioni Ballu tradiziunale in Cervioni cù OCHJU A OCHJU...


19/08: (2A) Piana di Peri Cuncertu in Peri (paese)


09/09: (2A) Aiacciu Canti è ballu tradiziunale in Aiacciu...

FORZA DIANA DI L ALBA!!!