Storia, sturietti è stalvatoghji..

antonu

.... A Montedison cuntinuarà à lampà
u so vilenu in mari ma à pena più luntanu da a Corsica..
(circa 2500 tunnillati à ghjornu )
dicendu chì i fanghi avà sò più "puliti"( ci era da rida !)
U statu talianu dicidi chì A Montedison pudarà svarsà
i so fanghi chjamati avà ' fanghi grisgi"
da suvità..

antonu

... Unu di i dui battelli chì purtaiani stu vilenu,
u Scarlinu II sarà plasticatu u 15 di sittembri 1973..

U populu corsu sanu briunaia in u so cori : " era tempu ! li stà bè !"

FINI

a sumenta

in u listessu registru: a vuluntà di fà prove nucleare in Corsica. in l'anni 60 u statu francese avia sceltu u desertu di l'Agriate per e splusione chimiche è l'Argentella per fà un centru di studii. quandu a ghjente ha intensu parlà di sta pussibilità, u cunsigliu generale di a Corsica ha vutatu a so opposizione à u prugettu...per furtuna!

Cumpà

Bella storia.
Per una volta chì ci ne hè una chì sì finisce bè.

_________________
http://cumpalliols-in-corsu.over-blog.com

Tandu i figlioli adduniti sott'à listessa bandera cù una vuluntà cumuna
Feranu di stu paese una nazione fiera, ùn ne mancherà manc'unu
È feranu l'avvene.
A. Olmetta

antonu

Pà u Scarlinu II è par l'usina taliana di Follonica, innò ! u me caru ! rambo

Ghjuvan Micheli

A possu dì avà ch'eddu hè mortu, me ziu era di l'uparazioni...

_________________
A raghjoni hè toia... ma a capra hè mea !

http://casa-di-a-memoria.over-blog.com/

antonu

Hà fattu bè ! ci vulia ! avà ani capitu !
Ma a suscica a svacani...
tutti sti "yacht " è sti " people .... chì spuntani ind'è no [/b]

Ghjuvan Micheli

A marina ùn hè mai stata di u populu corsu, a sai o Antò.

Ci emi da ritruvà tutti in l'alti lochi, com'è nanzu.

È certi corsi circarani u prufitu barratendu cù i frusteri... com'eddi l'ani fattu cù i Grechi è i Rumani nanzu.

A storia si rifaci è nudda cambia.

_________________
A raghjoni hè toia... ma a capra hè mea !

http://casa-di-a-memoria.over-blog.com/

antonu

16. L'acqua termali in Corsica

Sariani i Rumani à intarissà si à i bagni termali..
Soca sariani stati quiddi di Petrapola...vicinu à Aleria...
Ma i primi studii balnearii sò stati fatti
à l'ottesimu seculu sott'à u patrunatu di u vescu di Mariana,
Monsignori Carlo Fabrizio Giustiniani...
In 1820, un spiziali, un certu Thériaux faci i primi anàlisi di l'acqui di Guagnu..

da suvità...

antonu

...Dopu ci ni sarà d'altri à u XIX seculu..
E in 1909, un travaddu monda seriu di u duttori Zuccarelli
è u spiziali L. Gentil ...
In 1938, un certu Barret, mandatu da u ministeru di a Saluta
hè ghjuntu in Guagnu, Petrapola,
Orezza, Baraci è Caldaniccia..
da suvità..

antonu

I CALDANI :
Sò vicini à Santa Lucia di Tallà, vicinu à u paesi di Chialza ...
renti u fiumu di U Fiumiccicoli..
sò acqui zulfurosi à 37 gradi ,
boni par i rumatisimi, i brisgioli, a peddi, l'ossa...
da suvità...

antonu

Baracci
Vicini à u paesi d'Ulmetu, in A Rocca (Pumonti)
Ani ritrovu quinci vistichi rumani..( midadduli )...
L'acqua hè zulfurosa è salina à 52 gradi..
Ci hè u so stabilmentu, fattu in 1928, ch`eddi ani riapartu in 1992..
A so acqua hè bona par a digistioni..
da suvità..

antonu

VUTERA ( GUITERA)

[Vicini à Palleca, à l'orlu di u fiumu Taravu...
Si ni parlaia dighjà in 1616, cù i Genuvesi..
In 1821, u duttori Paraldi scrivi
ch'ùn ci era mancu un casamentu da riceva i malati..
...u locu era padulosu..
I so acqui sò i più diviziosi di Corsica
cù un ghjettu da 300.000 à 180.000 litri à ghjornu.
In 1823, hè custruitu un casali à cantu à a vasca..
cù tanti bagnaroli dinò..
Ci vinarani tandu ...800 parsoni à l'annu..
A so timpiratura hè di 48 gradi. Hè zulfurosa.
Hè strabona par i rumatisimi, l'ossa, i musculi, a peddi,
l'affizzioni di l'ùteru...
Esisti in Vutera una altra surghjenti freta
à 19 gradi ch'ùn hè aprudata..
In 1877, facini monda travaddi par riceva
90.000 litri d'acqua à ghjornu..
Faci avà guasi 30 ani chì sti bagni sò chjusi..
tuttu hè sgangaratu...

da suvità..

antonu

PETRAPOLA

Vicinu à u paesi d' Isulacciu di Fiumorbu.
Sò acqui caldi à 55 gradi.
Sò acqui zulfati, sodichi è ipertermali.
U so ghjettu và sin'à 200.000 litri à ghjornu.
Sò 14 bagnaroli, in li so cabini maiò è dui vaschi grandi..
U stabilmentu ricevi monda ghjenti
par i malatii di l'ossi ( artrita, rumatisimi)

da suvità.

antonu

Guagnu

Nant'à u Fiumu Grossu, in la pievi di Vicu..
L'acqua hè calda à 52 gradi.
ci sò dui surghjenti, "A Venturini" è" A Coghja"..
U casamentu hè fattu di petri arcati, cù 40 bagnaroli,
20 bagni di fumenti, 5 sali di massaghju,
Si tratta a rumatulugia, l'ossa, etc..
da suvità..