Storia, sturietti è stalvatoghji..

antonu

Urbalaconu
Si trova trà Sartè è Aiacciu... vicinu à strada naziunali 196.
Vicinu à i fiumu Taravu...
A timpiratura hè di 35 gradi cù un ghjettu di 36.000 litri à ghjornu solu.
A so acqua hè bona par a rumatolugia, a peddi, u sfogu, i pulmoni...

da suvità.

antonu

Caldaniccia

Hè nant'à a sponda di u fiumu Gravona, vicinu à Aiacciu.
U ghjettu hè pocu : 20.000 litri à ghjornu, à 35 gradi.
Ci era un stabilmentu cù 20 cabini cù bagnaroli in zingu .
Tuttu si n'andaia di mali ma da u 2003,
ani cercu di fà rinascia stu locu di cura..
da suvità..

MARCU MARIA · GOLU Nombre de messages: 7209 Date d'inscription: 21/10/2004

antonu a écrit:

Caldaniccia

da suvità..

L'ai detta Wink

_________________
Un populu,una lingua,un foru !!

antonu

Puzzichellu

Semu quì vicini à Antisanti è Anghjone.
Sò bagni monda antichi.U inzolfaru facia fughja
monda ghjenti ( forsa da quì veni u so nomu).
St'acqui curaiani l'animali (par un dettu, i capri,
chì andaghjiani à ciuttà si in i so acqui puzzulenti)...
i primi scentifichi si ni sò intarissati in 1852.
ci sò dui surghjenti principali, tutt'è dui zulfurosi, à 14 gradi.
I so acqui dani l'appitittu, sò boni par purgà si,
par u cori, par u stomacu è i stintini, a gola, i pulmoni...
da suvità..

antonu

... Sò boni dinò par i meroichi...è par a peddi..
In 1867, ci era un beddu stabilmentu, cù 17 bagnaroli,
una vasca maiò, una duscia ... è una ustaria...
In fatti, anu scuparti trè surghjenti,
" l'acqua grisgia"," l'acqua zulfurosa" è" l'acqua citosa"..
U so ghjettu saria di 15.000 litri à ghjornu.
U tempu di un bagnu dura circa una mez'ora..

da suvità..

antonu

... l'acqui di Puzzichellu poni essa
paragunati à quiddi d'Enghien, in Francia ..
A storia di sti bagni si finisci
cù a siconda guerra mundiali,
è l'occupazioni di l'ustaria
da l'alemani in 1943...
da suvità..

antonu

OREZZA

Ricunnisciuta d'intaressu publicu da u 1866...
a so acqua piacia dighjà monda à i Rumani..
Hè una acqua acitosa ( cù u farru)...
Cura i narbi, a malaria, u fegatu, i reni, u stomacu,
l'anemia (era stata mandata à curà i suldati in Algeria)..
Hè un acqua chì caccia monda a seti..
hè forsa in Orezza chì ci hè l'acqua a più ricca in farru di u mondu..
Hè imbuttigliata è hè vinduta in u mondu sanu,
ancu sin'à u Giappone è i Stati uniti...
In Orezza (vicinu à u paesi di A Stazzona),
ci hè a so usina è nant'à a piazza cintrali,
si pò bia l'acqua chì sorgi in un bollaru,in una vaschetta ....
un' acqua à 13 gradi...( più o menu 2 gradi).
U ghjettu hè di 144.000 litri à ghjornu.
Acqui minerali, ci ni sò d'altri in Corsica , più chjuchi ..
ma ùn si poni mintuà tutti..

FINI.

u Faiu

Grazie di cuntacci ste belle storie.

sò stefanu sò

PUZZICCHELLU......

Zitellu ci socu andatu cù arcibabbone è (ùn socu comu chjamallu)
u fratellu di a mio arcimammona...ZIONE podassi...
infini, par dì chì m'invengu di stu locu TRALASCIATU...
è com'è tù dici, o antò ....
UNA PUZZA CHÌ FACIA FUGHJA L'AGHJENTI....
drunken

ci sò andatu in 1980....
Ma s'o possu ... mi cansaraghju un di sti ghjorni.....

antonu

17. I BATTEDDI IN CORSICA

___ Di ghjunghju, 1739, dui batteddi ( frà i 25 ) di u Generali De Boissieux
si sò affundati vicinu à l'Ostriconi, contr'à i scoddi di Purachjala ..;
erani dui tartani ( " la sainte Ursule" è "la sainte Claire ")..
ci era 600 marinari à nantu, solu qualchì mortu...
ma par u più, sò stati fatti prighjuneri da i corsi...
ma dopu cappiati sott'à l'"ordini di Ghjacintu Paoli,
u babbu di Pasquali Paoli..
da suvità...

antonu

U batteddu Livornu / Bastia:
In 1833, i frateddi Cipriani, cù i frateddi Bartolomei,
stallati in Livornu, stabbiliscini
una lea marittima trà Corsica è Italia,
cù l'aiutu di un inglesi Stephenson...
A mezu, ci sò ancu i " Pinnuti ",
sti libarali corsi cunnisciuti par i so idei da u 1835..
St'organisazioni prova à adduniscia i corsi
par luttà par l'unioni taliana, par fà a so unità..
è riunghjini " A Giovine Italia "...
Ghjè ind'è a stamparia FABIANI
ch'eddi si facini i stampini...
Allora, tandu, a linia sarà tagliata in 1839....
cù una mossa vinuta da tutti i Stati Taliani
stabbiliti da u Cungressu di Vienna da u 1815 .
da suvità..

antonu

---- u batteddu Golu II di a cumpagnia Fraissinet
hè statu toccu da u turpiglia alemana u 22 d'aostu 1917...
Nant'à 257 marinari, 38 sò smariti in mari..
Si pò leghja un "ex voto" in la ghjesgia di Lavasina...

da suvità..

Matteu Mattei

eccu, aghju lettu tuttu.

_________________
Ricunnisciutu da l'UNESCO

antonu

___ i primi batteddi à vapori sò ghjunti in Corsica in 1830.
" U Liamone" in Aiacciu u 18 di ghjunghju,
è u " Golo" u 20 di ghjunghju in Bastia...
Andaghjiani sti batteddi da Tulò à Bastia
è ci vulia 20 ori par "francà u pozzu"...
Ci ni sarà 5 in 1840..
I marinari " à vela "farani ancu ...una greva in 1840
par ristabbilì i so batteddi ... ma in darru !
da suvità...

antonu

bravu, ti ricunnoscu ..tandu ... da prufissori seriu ..