Da istu puntu di vista iè, tandu hè megliu à scrivelu in francese.

Mi costa mì !

Ti crergu, è po d'apress'à mè ùn sarè po micca u solu chì ùn riesce à sorte i libri in lingua corsa. (colpa à i librarii cum'è tù dici)
Quantu saranu, ch'ùn iscrivaranu micca par via di què?

Ùn hè l'affari di sorta li... hè di venda li !

N'aghju fattu unu chì s'hè vindutu pocu è micca (A MEZA VIA)... L'altri sò dati ind'i scoli da u CRDP è tandu, sò letti almenu da i ziteddi (Carulina, u camminu di i bachi rossi - Carulina, u paesi di i strumenti). Ci n'hè un antru à vena : Carulina, l'ultima tribbiera. Par quisti, micca pinseri... ma pà a "littaratura", ùn ci hè manera di fà li venda da i librarii grossi o da i Géant Casino. Da fà li adità, ci hè Matina Latina è basta... ma ancu s'omu t'hà un premiu, a ghjenti ùn compra. Ùn hè avvezza à leghja in Corsu. Forsi, l'affari hà da cambià chì certi ziteddi amparani u Corsu in scola (Iiè !). Firmarani i scrittori tandu ?

a seria di "Carulina" hè a preferita di a Niculina. Anc'à mè mi piacenu.

Pè u restu, o GM, parlemune un di sti ghjorni.

Quandu si pò vene per fà a visita cun tè? Purteraghju à a Niculina.

Quandu tù voli. M'avia prumessu di cuddà Marcu Maria ma l'aspettu sempri...

Collu ancu eo ! Possu ?

Passu una vita à aspittà a ghjenti...

Quantu ni faci !

Codda quandu tù voli... è ancu cù to socciu s'eddu pò !