MARCU MARIA hà scrittu:
Sappia o car'amicu
Chì capiscu lu t'amore
E u nostru Paglia Orba
L'aghju inchjudat'in core
Quand'u feghju à l'albore
S'appacia ogni dulore

(Dicu u Paglia Orba chì hè cusì ch'ellu dice ghjuvan Carlu di A petra )

Matteu Mattei hà rispostu:

Ind'è noi dimu Baglia
Eiu ripetu cusì
Soca Ghjuvan Carlu si sbaglia
Lasciate lu puru dì
Chì l'argumentu hè di taglia
A vi spiecu sottu quì:

A socu bè chì a tupunumia hè più cumplessa cà cusì, ma ind'è noi (Lozzi) si dice Baglia (la nourrice in francese). Pare ch'ella si pendi a muntagna
sopr'à Niolu quant'è ch'ella u vulissi curà è annannà, da vera baglia è mi sende di più cà a paglia... què hè l'argumentu pueticu

L'argumentu funulogicu saria chì Luzzinchi dicenu: u ballò
Casamacciulesi per u indettu dicenu : u pallò...

Và bè pè "Baglia"


è "Orba"?

"Baglia" : si pò pensà ch'ella hè una baglia chì si cala ver di u zitidduchju, iè..... è tandu a mutagna hè orba, vali à dì ... oncata, ... faci una uncatura, una incurvatura ..
Pinseti à à parola francesca "orbite " , à u mondu, quandu ci hè a Binidizzioni di u Papa, ellu binidisci : "urbi et "ORBI"... voli dì : " in Roma è in lu Mondu sanu.."

Ma ci voli à sapè chì "Paglia" voli dì "punta", "cima"... è tandu sta punta hè orba, oncata....

Di tutti i maneri, ghjè a più bedda muntagna di Corsica, A REGINA... ma l'Alcudina dinò hè bedda ...
O Matteu Mattei, ùn sò micca Fiumurbacciu, sò di Sartè...
è ùn mi ritirgu ...

Dicini dinò chì "orba" voli dì "ceca" ..

Quissu significatu pà via chì U Monti Tafunatu hè uchjutu, hà u so tafonu, u so ochju...allora a muntagna vicinu saria ceca

O Marcu Marì,

aghju scrittu :

A socu bè chì a tupunumia hè più cumplessa cà cusì, ma ind'è noi (Lozzi) si dice Baglia (la nourrice in francese). Pare ch'ella si pendi a muntagna
sopr'à Niolu quant'è ch'ella u vulissi curà è annannà, da vera baglia è mi sende di più cà a paglia... què hè l'argumentu pueticu...


s'è tù leghji bè u principiu capisciarè chì ben intesu vulia ammintà u famosu Substractum

A sai chì Ghjuvan Carlu ùn ride micca cù i substractum
M'hà dettu chì u corciu di Marcellu Acquaviva dicia cum'è tè,serà chì i Luzzinchi ùn sò boni per a tupunimia?

Parlendu di Lozzi, una minnanna di minnanna era una Acquaviva da Lozzi.

Quali hè chì pudaria sapè da duva vinaria u nomu di a muntagna:
"U Verdatu", unu di i monti di U Niolu...certi diciniu "Vardatu'..;
Un la sò micca!

Ùn ai micca un sguardu di puetu tandu o Marcu Marì, soca u burdunale ch'è t'ai inde l'ochju t'impedisce di vede a paglia inde u meiu...

S'è a ti pensi cusi
U mo estr'hè feritu
Baglia Orba babbitu
Soca avia in usi?
Tandu ti diceraghju
Rabbia ùn ne aghju
A muntagna hè bella
Ch'ella sia ribella
Tutti i nomi averà
U più bellu firmerà
Ma sempre c'incanterà !!

Ubba! ùn stai tantu à falà da a to corda...

per PAGLIA ORBA pensu ch'ellu ci vole piuttostu à circà innù e vechje radighe prelatine, chì spessu i nomi i più antichi sò quelli di e muntagne.

ci hè una vechja radiga PAL, o BAL chì si ritrova in i numerosi Paliri, Palasca, Palleca... ùn pensu micca ch'ellu ci vole à circà un'origìne latina.

è per ORBA hè vera chì u latinu vole dì "cecu", ma ùn ci vole à sminticassi ch'ellu esiste una radica prelatina ORB : per esempiu ci hè u fiume l'Orbe in Francia. cusì forse si pò dinù spiecà "fiumorbu"...