Quandu dicu chì ci hè troppu indrentu, hè chì u libru tocca i lochi, a lingua, a tradizioni, a ghjiugraffia, a storia (da a priistorai à oghji), i lighjendi, a pulitica...
eu, ùn vogliu spiccà stu scrittu in parechji libretti. Aghju a paura chì osinnò, a ghjenti ch'ùn hè micca di u locu ùn fussini micca intarissati.

Parlendu di Sarri, u libru sanu parmetti d'analizà l'altri paesi corsi. I libretti tuccarani i sarresi è basta.

E cù Cismonte è Pumonte ùn si pò fà ?

Ùn aghju più tanti cuntatti cun eddi... È po, aghju cunnisciutu u casticu du a distribuzioni ind'i magazeni... ùn si pò travaglià cusì.
Aghju a spirienza di u prima libru... N'aghju milli in casa... À chì ghjova ?
Più faciuli da essa lettu di passà pà un aditori pruffissiunali. O tandu, ùn sè lettu da nimu. Parchì scriva allora ?

Bisogn'à travaglià per fà di Cismonte è Pumonti una casa d'edizione capace di distribuisce...ma ùn si ferà micca in quattr'è trè sette...

torra à Vignali cù a distribuzzioni. Sò d'accordu cù tecu o Ghjuvan Michè, in casa libri n'aghju tantu è più...

Coti mi dici chì a vita di un libru hè longa. S'edd'ùn si vendi avà, si vindarà più tardi... iè và bè, ma sò i venditi chì duvariani fà viva una casa editrici, micca i suvvinzioni di a cullittività.

par ora, da scioglia u prublema, si cerca sempri.

Mancu in quattru è quattru ottu...

Eiu ùn ni aghju mai intesu parlà, ma quali hè Eistessu ?

O amicacciu ai da fà esce un libru hè vera ???

Iè, infine ùn surtarà micca in libraria, ma si pudarà cumprà. Ghjustu u tempu ch'e' u ricevi (menu di 10 ghjorni spergu) è rileghjelu par currege i sbagli d'ortografia (ci ne hè), è dopu sarà dispunibule.

Di chè tratta ? D'appress'à tè o Ghjuvan Filì Di grammatica è d'usu à buleghju, à parte da a lingua parlata (sguasgi tutti l'esempii sò stati intesi tal'è quale).
Ùn ghjudicheghju micca a lingua impiegata, spacificheghju sulamente u parè di tal'autore s'ellu cuntesta una custruzzione, è à le volte dicu ch'ellu hè sicuramente un francisisimu, ma s'ellu ci hè hè ch'ellu spartu è ch'ellu si pò impiegà (cumè "purtantu",...).
Ci sò dinò l'appicci cù e cunghjucazione, a svucalatura, a scunsunatura ,... chì sò spiegate. Hè piuttostu pà i principianti o quelli chì li resta sempre uni pochi d'affari da amparà.

Eccu uni pochi di fogli par dà un'idea (ci sarà 446 pagine nurmalmente) :















Ùn aghju micca vugliutu carcà a prinsintazione cù parechje tarminazione in li tavuloni, face ch'aghju messu e variante (quand'e' e cunnisciu) in nota, cum'ellu si vede annant'à l'ultimu fogliu.

Par Ghjuvan Micheli :
unu di i siti (u più cunnisciutu) hè : http://www.lulu.com/fr

Elli ùn facenu cà stampà, tocca à tè à fà u restu è à furnisce a virsione finale cum'ella hà da esse stampata (ancu a cuprendula).
Pruponenu i "furmularii" è e prisintazione dighjà fatte, listessa pà a cuprendula.
Eiu aghju fattu tuttu da par mè, hè par quessa ch'e' ùn cunnoscu micca u risultatu.

Propiu bè o tèstessu ma par queddi chì dicenu fava, favanu, ecc ùn hè viramente una particularità di u cruzinu.
D'altronde ùn 'dd'aghju ma' intesu dì. A dicenu piuttostu in ambiegna/arru è ancu puru in casaglio' ; dopu ci vole à vede l'altri paesi ma par mè ùn hè spicificità di locu.
Bench'e' ùn sò ispertu di a lingua.

O TeStè, parchì ùn l'ai prupostu à u CRDP u to libru ?