Talavu : Guitera: Vutera, Corranu: Currà, Tassu: U Tassu, Ciamanacce: Ciamanaccia, Palneca: Palleca
79. Cruscaglia : Olivese: Livesi, Pitretu (è) Bicchisgià, Macà Croci
80. Vighjeni : Santa Maria (è)Figaniedda, Arbellara: Arbiddà
81. Valle : L'Ulmetu

ma mi possu sbaglià

postu chi ci simu; ind'u prima missaghju
nant'a a coasina
u paese di ventiseri in corsu si scrive :VINTISARI

Eccu a mio riprisentazione nova di a Corsica cù e so pieve, riattualizata cun'qualche cunniscenze acquiste dapoi pocu.




Mà ferma sempre u prublema di Cannavaghja è di Santa Lucia di Mercuriu

Cannavaghja ghjè a pieve di l'Infernu

Cinarca : Sari d’Orcinu, Cannelle, Sant’Andria d’Orcinu, Casaglione, Calcatoghju, Arro, Lopigna

Ripresa d'unipochi di sbaglii :

Cinarca : Sarri ; I Caneddi ; Sant'Andria ; Casaglione ; Calcatoghju ; Arru ; Lopigna

Inveci d'Orcino, ci vurria scriva Urcinu ma di tutta manera, ùn hè mai statu in usu pà i paesi cinarchesi nanz'à u 19mu seculu.
L'Urcinu era una vechja pievi chi currispundia à i lochi Calcatughjesi. L'altri erani in Cinarca.
Ancu nant'à u pianu "terrier", Sarri hè dettu Sarri di Cinarca.

Per ciò chì tocca à l'Alisgiani e cumune ci sò tutte.
Qualchì rimarca in quantu à l'ortugrafia.
- Nantu à a scrittura di Tarranu cun una sola "r" invece di duie chì ùn mi pare micca ch'ellu avessi qualcosa à vede cun a radica Tarra/Terra è chì l'incalcu hè nantu à l'antepultima (parolla sguillula) ciò chì allegerisce u pesu di l'"r". (TAranu è micca TarrAnu).
- Forse dinù PiuBBeta invece di Piubeta ciò chì currispunderia à una scrittura para trà i lochi induve si prununzia [ B ] è quelli induvelli [ p ] (guasi "p") (micca chì i dizziunarii danu e trè scritture in quantu chè pussiblità : Piubbu, piobu, piopu).
- Attenti dinù à u finale alisgianincu per "Valle" chì parechji nomi feminili, à u plurale finiscenu in "I" puru sì l'articulu ferma "E". Esempiu : E casi, e petri, e valli...
- Infine mette l'articulu davanti à parechji nomi di isse cumune postu chì hè d'usu in u rughjone.
Nantu à a forma ùn ci hè chè E valli chì pone prublema, hè a sola cumuna chì li s'appiccica u nome di a pieve : E Valli d'Alisgiani, tantu più chì unu di i paisoli si chjama "U pedialisgiani".


55. Alisgiani : U Petricaghju, Piubbeta, Taranu, Felce, I Piazzali, E Valli d'Alisgiani, U Petricaghju, I Perelli, A Nuvale, L'Ortale.

beddu travagliu o ghjenti, piccatu chì quiddi chì sò atti à dicida (CTC, Parcu di Corsica), ùn avissini avutu l'idea di fighjulalli par pena 'ss' antichi carti, da ramintassi di u nomu di i lochi nosci :

u Celavu hè torru "Haute-Gravona" pà u Parcu,

u Circondu Aiacciu oramai saria a CAPA...

à tempu à a mimoria di u locu, cù u tuponimu (microlucali o di pievi ch'eddu fussi), hè a distinazioni di u locu chì hè in traccia di mutà, cù a so pupulazioni.

Tanti muti, tanti muchi ? fà chì... eccu un'antru segnu di l'acculturazioni in andà.

Hè vera ch'ellu hè statu fattu un travaglione quì, soprattuttu pà a Castagniccia. I nomi IGN è quelli amministrativi suvente sò una vargogna.

Detta quessa, pensu chì u Parcu face più sforzi è ùn pensu micca ch'ellu ci voglia à purtà capu à ogni minuzia di 'ssi nomi : par esempiu l'articulu à le volte ci hè ma ancu ch'ellu ci sia si pò sempre dì senza : Piana è A Piana, Sarrera è A Sarrera, Cristinacce è E Cristinacce,... sò curretti tutti quanti. Ùn vi scurdate ch'in li tempi ch'elli dicianu "la Bastia" (ancu scrittu "la Vastia" par via di a prununcia) è chì oghje sguasgi nimu dice "a Bastia" (ch'e' sappia almenu...).

Listessa pà e finale in "-nu" o "-ni" in certi casi :
eiu par Ucciani sentu "Aucciani" è "Auccià" (ancu dette da un listessu lucutore), par Bocognano sentu "Bucugnanu", è indì l'atlanti danu "Bucugnani" (Bottiglioni) è "Bucugnanu" (Dalbera) mentre chì i nomi di i paesi sò dumandati à un paisanu di u locu ! A dicu parch'una volta ind'una traduzzione aviu messu Bucugnanu è calchì unu m'hà "currettu" (o omancu cusì pinsava ellu) è hà messu "Bucugnà" ind'e' aviu messu Bucugnanu.

Aghju intesu solu dui nomi da i paisani :

Bucugnà è Bicugnà.</STRONG>

Tempi è tempi...