appughjentumi nant'à u travagliu di G. Moracchini-Mazel, aghju circatu à fà u listinu di e pievi di u medievu è di falle currisponde à e cumune attuali. eccune u riassuntu, ma mancanu i paesi mi pare è ci sò i sbaglii d'ortografia. s'ella vi dice pudemu circà d'assestà tuttu què (iè a sò avete à dì ch'o m'annoiu...) ma serebbe interessante nò ? eppo face assai "web 2.0"...

allora eccu a carta di e pievi di G. Moracchini-Mazel (chì hè stata criticata, ma chì ferma a riferenza...)



è eccu u listinu ch'ella hà fattu :

VISCUVATU DI MARIANA

1. Tuminu : Tuminu, Ruglianu
2. Luri : Luri, Cagnanu, Ersa, Centuri, Morsiglia, Pinu, Meria
3. Brandu : Brandu, (Petracurbara ?)
4. Lota : Santa Maria, San Martinu
5. Ortu : E Ville di Petrabugnu, Bastia, Furiani, Biguglia
6. Mariana : Lucciana, Borgu, Vignale
7. Bigornu : Bigornu, Lentu, Campitellu, Vulpaiola, Scolca
8. Caccia : Canavaghja, Petralba, Moltifau, Castifau, Ascu
9. Casinca o Quadru : Castellare, Sorbu Ocagnanu, Viscuvatu, Vinzulasca, Penta, Loretu, Porri
10. Tavagna : Peru Casevechje, Tagliu Isulacciu, Poghju Mezana, Talasani, Vilone Ornetu
11. Muriani : Santa Maria Poghju, San Niculaiu, San Ghjuvanni, Santa Lucia, Santa Riparata
12. Ostriconi : Palasca, Lama, Urtaca, Nuvella
13. Tuani : Costa, Ochjatana, Belgudè, Speluncatu, E Ville di Parasu
14. Sant’Andria : Felicetu, Nessa, Avapessa, Muru
15. Ghjunsani : Olmi Cappella, Mausoleu, Pioggiola, Vallica
16. Casacconi : Penta Acquatella, Ortiporiu, Campile, Crucichja, Monte, Olmu
17. Santa Maria Chjappella : una parte di a cumuna di Ruglianu
18. Siscu : Siscu
19. Chjurlinu : una parte di a cumuna di Biguglia


VISCUVATU DI U NEBBIU

20. Canari : Canari, Barettali
21. Nonza : Nonza, Ogliastru, Olcani, Olmeta di Capicorsu
22. Rosulu : Olmeta di Tuda, Vallecale, Ferringule, Oletta, Poghju d’Oletta, Barbaghju, Patrimoniu
23. San Quilicu : Pieve, Soriu, Rapale
24. Santu Petru : Santu Petru di Tenda, San Gavinu
25. Nebbiu : San Fiurenzu
26. Bevincu : Muratu, Rutali


VISCUVATU DI SAGONE

27. Pinu : Montemaiò, Lunghignanu, Cassanu, Ziglia
28. Olmia : Calinzana, Mucale
29. Chjumi : Mansu
30. Armitu : una parte di a cumuna di Calinzana (U Marzulinu)
31. Sia : Ota, Galeria, Osani, Partinellu, Serriera, Portu
32. Salogna : Piana
33. Paomia : Carghjese
34. Vicu : Vicu, Arburi, Murzu, Letia, Rennu
35. Cinarca : Sari d’Orcinu, Cannelle, Sant’Andria d’Orcinu, Casaglione, Calcatoghju, Arro, Lopigna
36. Sorru in Sù : Poghjolu, Ortu, Soccia, Guagnu
37. Cruzinu : Salice, Rusazia, Azzana, Rezza, Pastricciola
38. Sevindentru : Marignana, Cristinacce, Evisa
39. Calvi : Calvi
40. Liuli è Paratelle : una parte di a cumuna di Calinzana
41. Lumiu : Lumiu
42. Luzzipeu : una parte di a cumuna di Calinzana
43. Falasorma : Mansu
44. Reonda : una parte di a cumuna di Carghjese
45. Sagone : Vicu, Balogna,
46. Liamone : Ambiegna, Coghja


VISCUVATU D’ACCIA

47. Ampugnani : Casalta, Casabianca, A Porta, Croce, Ghjucatoghju, Quercitellu, Ficaghja, Silvarecciu, Poghju Marinacciu, Pianu, Pulverosu, San Damianu, San Gavinu, Scata, Prunu
48. Rustinu : Valle, Merusaglia, Bisinchi, Gavignanu, Castineta, Castellu, Salgetu


VISCUVATU D’ALERIA

49. Ghjuvellina : Pratu, Castiglione, Pupulasca, Pedigrisgiu
50. Campulori : San Giulianu, Sant’Andria di u Cotone, Valle di Campulori, Cervione
51. Verde : Petra, Linguizzetta, Chjatra, Canale
52. Opinu : Tallone, Tòcchisi
53. Serra : Pianellu, Zuani, Ampriani, Zalana, una parte di a cumuna di Matra
54. Boziu : Sant’Andria, Alzi, Bustanicu, Sermanu, Alandu, Mazzola, Favalellu
55. Alisgiani : Petricaghju, Piubeta, Tarranu, Felce, Piazzali, Valle, Petricaghju, Perelli, Nuvale, Ortale
56. Orezza : Pedicroce, Munacia, Piazzole, Verdese, Carchetu Brusticu, Nucariu, Pedipartinu, Pedorezza, Campana, Rapaghju, Stazzona, Valle, Carpinetu
57. Vallerustie : San Lurenzu, Cambia, Carticasi, Erone, Rusiu, Lanu, Aiti
58. Tàlcini : Corti, Omessa, Castirla, Suveria, Tralonca
59. Venacu : Venacu, Lugu, Casanova, San Petru, Poghju, Riventosa, una parte di Corti
60. Rogna : Erbaghjolu, Fucichja, Altiani, Petraserena, Pedicorti, Ghjuncaghju, Pancheraccia, Nuceta, Ruspigliani, Antisanti, Vivariu, Muracciole
61. Cursa : Prunelli, San Gavinu, Isulacciu
62. Covasina : Serra, Ventiseri, Chisà, Sulaghju
63. Castellu : Ghisoni, Lugu di Nazza, Poghju di Nazza, Petrosu, Vizzani, Ghisunaccia
64. Aregnu : Aregnu, Algaiola, Lavatoghju, Cateri, Pigna, Curbara, una parte di Lumiu
65. Matra : Matra, Moita
66. Niolu : Corscia, Calacuccia, Lozzi, Casamacciuli, Albertacce
67. Carbini : Carbini, San Gavinu, Livia, Zonza
68. Aleria : Aleria, Anghjone, Casevechje
69. Tocchisi : Campi, Tocchisi
70. Mercoriu : Santa Lucia, Castellà
71. Santa Riparata : Santa Riparata, L’Isula, Monticellu


VISCUVATU D’AIACCIU

72. Aiacciu : Aiacciu, Alata, Villanova, una parte d’Afà, Albitreccia
73. Appiettu : Appiettu, Afà
74. Mezana : Sarrula Carcupinu,Valle di Mezana, Cuttoli Curtichjatu, Peri, Tavacu
75. Celavu : Veru, Carbuccia, Ucciani, Tavera, Bucugnà
76. Cavru : Cavru, Bastelica, Bastelicaccia, Eccica Suarella, Ocana, Tolla
77. Ornanu : Urbalacone, Forciolu, Zigliara, Santa Maria Sicchè, Cardu Torghja, Guargalè, Campu, Quasquara, Azilone Ampaza, Frassetu, Grussettu Prugna, Albitreccia, Petrusella, Cugnoculi Muntichji, Pila Canali, Sarra di Ferru
78. Talavu : Guitera, Corranu, Zevacu, Zicavu, Tassu, Sampolu, Ciamanacce, Palneca, Cuzzà
79. Cruscaglia : Olivese, Pitretu Bicchisgià, Arghjusta Muricciu, Macà Croci
80. Vighjeni : Vighjianellu, Santa Maria Figaniedda, Fuzzà, Arbellara, Prupià
81. Valle : Suddacarò, Casalabriva, Olmetu
82. Attalà : Poghju di Tallà, Sant’Andria di Tallà, Olmiccia, Loretu di Tallà, Carghjaca, Zoza, Altaghjè, Santa Lucia, Mela
83. Sartè : Sartè, Ghjunchetu, Granace, Foce-Bilzese, Bilia, Tivulaghju, Belevedere Campumoru
84. Scupamena : Surbuddà, Quenza, Auddè, Zerubia, Serra di Scupamè
85. Costa : Coti Chjavari
86. Bisughjè : Grossa, una parte di Sartè è Tivulaghju
87. Ortolu : una parte di Sartè
88. Figari : Figari, Pianottoli Caldarellu
89. Portivechju ? : Portivechju, Sotta, Lecci, Conca
90. Sagri : Sulinzara, Sari
91. Bonifaziu

Eiu pruvaraghju à aiutatti, quantunque ch'ella firmarà mudesta a me cuntribuzione:

Allora u nome corsu di éSerriera" hè "a Sarrera" o "a Sarreda" cum'è tù voli.

A pieve di Reonda face di manera evidente rifarimentu à Revinda, chì face oramai cumuna cù Marignana: si face chì issi lochi sò scumpartuti oghje trà Carghjese è Marignana.

Ma hè una intrapresa difficiule assai, parchì di manera palpevule sta carta face rifarimentu à fatti vechji è puvechji è ne risulta chì i paesi di tandu, ùn eranu micca quelli d'oghje. In soprapiù i so limiti, ùn eranu ancu micca difiniti... Ma pudemu pruvà.

Un pinsavu micca chì u Sia cullava cusì insù, ma saranu state piaghje viote sopr'à Ghjirulata d'appress'à mè.

iè, ai raggiò ùn hè micca semplice vistu chì e limite di certe pievi anu cambiatu, parechje sò smarite. hè per esempiu u casu di e pievi piaghjinche, cum'è quelle di Chjumi è di Luzzipeu, abbandunate per via di l'invasioni barbaresche. ma hè soprattuttu una manera di scopre a Corsica è i paesi ch'omu ùn cunnosce...

scusami ma in a Mezana, ci he un sbagliu un si dice micca Valle di Mezana , ma I Vaddi di Mezana.

o Antò mi pare ch'ella sia "Vaddi" simpliciamente
è in quantu à "a Mizana", a ghjente ùn la dicenu micca (almenu ùn la DICIANU micca) pè issi lochi, hè solu affare di "scrittoghji", di nomi "ufficiali" è di a Posta (per fà a differenza trà tanti lochi di listessu nome) dunque eiu aghju l'abitudine di scrive :

Vaddi (Mizana)

ie anch'eu digu Vaddi, ma si scrive I Vaddi di Mizana

innò o Antò, s'ellu si dice "Vaddi" si deve scrive "Vaddi", micca I Vaddi (mi pare ch'ellu ci sia un pezzu chì a ghjente dicenu "Vaddi", dunque s'ellu hà esistitu l'articulu s'hè persu , ùn vale à ricullà à Matusalemme)

è s'ellu si mintuveghja a Mizana ci vuleria à scrive: Vaddi di a Mizana

ci hè tanti sbagli nantu à i scrittoghji, misfideghjati

femu u contu : hè scrittu Valle di Mezana = 4 sbagli

Pe e pieve di a costu di punente, si po vede a pievania di Luzzipeu (San Chiricu) accantu à u Madrale di L'Argentella. C'eranu qulchi paesi oghje smariti. SI po ancu truvà a ghjesgia di Lioli in valle di Ficarella. A catdrale di Calvi e quasi distrutta. Da veru a pieve di Sia deve esse piu chjuca, a dice cusi l'autore chi ha fattu u libru annantu à a ripartizione di a prupietà fundaria in Corsica. (a casata un mi vene piu).

Per vultà nantu à una piccula discussione chè n'emu avutu incù Grikolator nantu à u foru di l' "UB" in quantu à e cummunità chì cumponenu a pieve d'Ortu, eccu ciò ch'o mintuavu à l'epica è ch'aghju ritrovu chì ci purtaria à dì chì Bastia è E Ville ùn facenu parte di sta pieve.
U strattu vene da un bellu libru scrittu Lucile Gandolfi Scheit (ùn si pò esse parfettu...) è chjamatu "Biguglia, memoire d'une capitale" :

Biguglia, mémoire d'une capitale a écrit:

"La visite de la pieve d'Orto en 1641 en dresse un tableau vivant et complexe. Cette pieve ne compte plus que deux villages, Furiani et Biguglia. "Le altre, per l'invasione de Corsali, guerre e peste successi in varij tempi, restano distrutte et abandonate, sono : la Vetrice, Belgodere, Soverta, la Corbaia, il Petricaggio, Canicello, Lupoli, Belpicio, Albata, Santa Maria et altre di minore conto (Cotone, Montebello)".

Vi mettu u strattu cum'ellu hè statu stampatu.

A visita in quistione hè quella di u cummissariu Francescu Maria Giustiniani.

_________________
"L'unione chè vo bramate, ùn si pò almanaccà allusinghendu quindi è quallandi, deve esse cume u granu maturu inde a spiga, ch'aspetta a sighera è l'ora di a tribbiera."

AVa mi rivene a casata : ghje Franceschi ; e m'arricordu di u nome d'un antru paese : A Paratella, in a valle di A Ficarella

Salut'à tutti, primu m'aghj'à prisentà, perchè sò novu nant'à stu situ : sò Cumpà (bon, ùn hè micca u mio veru nome, mà ùn face nunda), chjamatu dinù Cumpalliols nant'à d'altri siti, sò casinchese, è mi sò scritu nant'à stu foru assai tempi fà, è aghju decisu, per famigliarizammi cun tutt'u mondu, di leghje tutti i missaghji di tutti i sughjetti lasciati nanz'à mè ; mà, videndu tuttu cio ch'avete scritti nanz'à mè, mi sò scuragiatu appena (è per quessa, infine, aghju lasciatu corre ch'è sinò, ùn ne finiscia più di leghje), mà per rivenne nant'à stu sughjettu quì, vi vogliu dì ch'aghju elaburatu una carta un'pocu sfarente di tutt'è pieve di Corsica, di u XVIIIèsimu seculu. Ùn hè tanta bella a meia, mà cum'è ùn hè micca listess'epica ch'è l'astra carta (chì ci mostra u Medievu), pinsu ch'aghj'avutu raggiò di mustravvulà.
Eccu

Sia u benvinutu o Cumpà è filicitazione pà u to travagliu !
Ai fattu una bella carta chì pare propiu ghjusta à a prima uchjata.

Eiu pà u me situ, aviu pruvatu à fà una carta di e pieve di u rughjone (senza quella di Reonda, ch'ùn hè ùn vissuta abbastanza), ma sò statu cunfruntatu à una difficultà maiò : tandu e cummune ùn esistianu micca, face chì i tarmini ùn pudianu esse listessi è l'aghju avuti da fà di manera apprussimativa sicondu ciò chì si sà d'isse epiche quì. Manc'à dilla ch'e ùn la pudiu fà cù pà u me rughjone, pà u restu saria statu troppu difficiule.



Sì o nò, aghju fattu una carta di i rughjoni di Corsica mittendu à buleghju pieve è rughjoni più larghi chì cuntenenu e pieve:

Infine, a mio prima carta, era cumpletamente falza.
Micca cumpletamente, mà ci eranu qualchi sbagli.
Allora a listessa, mà rivista è ripigliata (hè bè cusì ch'ellu si dice ?)

quandu pensu chì certi si sò fatti c.... à scrive ...

calchi sbagli ind'u prima missaghju: Sarrula è Carcupinu, Cutuli è C., i Peri, Aucciani o Auccià... Eu dinò dicu Vaddi o Vaddi Mizana.
Bravu pà ssu travagliu