U black-bass, parente di Blaccu Bloccu u nostru ?
Stu sughjettu meritia d'esse studiatu.

Per quessa, aghju fattu una piccula inchiesta, è v'aghju trovu un'ritrattu di stu pesciu :




Chì pesciu tamantu !


Ma in fattu, ùn vecu micca troppu a sumiglienza

Cuncirnendu l'impiaghjera di i pastori, induve sbuccavanu ? Valle di u Fangu, valle di u Falasorma, valle di u Marzulinu, Galeria ?
Vi ringraziu.

Si dipende di e loche d'impiaghjera di i pastori. D'altronde, si sente spessu di manera simplista, chì a tarra d'impiaghjera di i Niulinchi era i Filusorma : hè verità, ma per una parte solu. U Sia dinù era tarra d'invernata di sti pastori. Casamacciulesi falavanu in Tuara vicinu à Ghjurlatu. Ancu oghje e tarre cumunale ingiru à a Bocca Palmarella è Bocca à a Croce ùn sò prupietà d'Osani ma di Casamaccioli.

Tuttu què per vene à dì chì i pastori ùn falavanu micca tutti per i listessi lochi è dunque pudianu sbuccà à lochi diferenti.
Per u più e bande si tramutavanu per Bagnarola è Caprunale, à ghjunghje per Mont'estremu per sparghjesi nu u Filusorma d'una parte.
Da l'altra parte quelli chì falavanu per Sia chjappavanu piuttostu per Verghju, a Bocca Manuella in direzzione d'Evisa finu à ghjunghje per ste piaghje.