prupongu stu topiccu per circà di ritruvà i VERI nomi corsi di a muntagna, postu chì assai sò stati "impinzutiti" per via di u turisimu muntagnolu.

eccu una piccula lista, si certi membri di u foru cunnoscenu sti lochi, saria bè di sparteli quì...


la tour penchée
le cirque de la solitude
le col perdu
pic von cube
la pointe des éboulis

è ci n'hè siguramente assai altri

le col perdu hè a Bocca Tumasginesca, crergu.

Le pic von cube à i tempi si chjamava a punta rossa... Ma 'ci chì sò l'aschesi chì l'anu chjamata cusì per rende umagiu à stu tercanu di l'alpinisimu.

u me frateddu hè un "tarcanu" di a muntagna, è quandu sarà falatu di Bavedda, mi darà calchi nomu veru, anticu è corsu sputicu

eiu faciu a dumanda cuntraria ci so dui lochi ind'è me in muntagna "cadivenzu" è "e catarelle" è vulerebbe sapè u sensu di sti nomi...si qualcunu po aiutammi

ooo ti ringraziu

per "cadivenzu" à m'avisu ci vole à circà qualcosa à parte da u verbiu "cade" . dopu po esse statu una deformazione : "cade nanzu" ? o qualch'affare cusì .

ie , in tuttu casu secondu a scrittura . dopu cume chi duve noi u "d" un he micca pronunziatu po esse statu mutatu in "l" o "w" (noi cade u pronunziemu "cawe") , cambia assai da un locu à l'altru e u tempu passendu ancu di piu . in stu casu precisu averebbi tendenza à fiàmi piuttostu di a parolla scritta ma sapendu ch'ella he forse digià u fruttu d'una deformazione ancu più vecchja .
se a parolla ghjusta fusse "calivenzu" tandu ci vorebbe à circà à parte da "calle" , per noi po avè u sensu d'un apertura nu una serenda o puru d'una pertita piu bassa d'un terrenu o d'un ripale duve si po picchjà omu piu facilmente .

indì fora di certi nomi à l'etimologia evidente (per esempiu "caterelle") ci vole à sapè chi i nomi di lochi eranu trasmessi di manera orale e hanu subbitu tante deformazioni ch'he difficiule à ritrovàne l'origine ghjustu . vecu in paese meu e solu di memoria d'omu almenu dui o tre nomi chi so stati mudificati . in fattu u mecanisimu he semplice : principia per una personna chi cambia una lettera o duie à u nome poi chi trasmette stu difettu di pronunzia à u restu di a so famiglia , e infine à u restu di u paese . qui u paisolu di "a caposciasca" hà finitu per esse pronunziatu "pocasciasca" da guasi tuttu u mondu . un locu chjamatu "bancone" in bocca à certi he diventatu "bancalone" ,etc .. allora i seculi passendu un ne parlemu mancu .

iè!! ghjè vera!! aghju messu più di 30 anni à capì chì l'ortu chì chjamemu "pighjola" era quellu scrittu "poggiolo"!!! (mà so appena bionda )