Me ziu si chjama Antone Parigi di nomi... ùn hè un nomi francesi postu ch'eddu hà datu a casata Parigi (ind'u curtinesu). Hè un vechju nomi corsu chì t'hà di sicuru un rapportu cù a cità. U nomi di a so "capitali" veni eddu di u stirpugliu preistoricu chì ci campava, i parighjini".

Ma mi pari chì quì, hè u locu da parlà di "Cinarchesa", nomi di a minnanna di "Dirusiu" u me amicacciu.

Parchè ùn fate micca un sughjettu appostu? annant'à e casate...

Eo aghju cunisciutu tandu un bastiacciu lucchesincu chi di casata facia Casati (u signore Casati). Era di Livornu, se rammentu bene.

E tutti li cherianu per fallu scimisce: quale è a vostra casata Casati?

U corciu, un bel ghjornu di veranu, ghjè partutu, si ne andatu in terra soia. E nimu sa quandu vulterà.

Avale u signore Casati campa a Livornu, e Corsichella ha persu un locutore schiettu e sciappatu. Ahimè. Baccalà per Corsica.
Oghje in Bastia ghjunghjenu omi incu strane casate, ma ferma assai difficule scherzà incu elli. Mancu ti capiscenu. E beie qualcosa inseme sottu a e palme di Santu Niculaiu. Mancu pensalla...

o orso orsini va bè? m'inchietu per tè!! si nant'à u foru dipoi qualchi minuta è ùn hai micca scrittu!!!

A so, scrivu troppu, puru troppu.

Ma combattimu tutti per un terzu riacquistu, e ci vole a spicciassi, postu chi si ne more un locutore corsu ogni minutu (e ne nasce un locutore francese ogni due minuti).
Allora intantu eo scrivu, di furia, perchi a so bè chi sto perdendu i mo lettori, chi si ne vanu a more... Mi consolu a le volte, pinsendu chi so statu gioia e cunfortu di qualchi vechjarella nustrale (salutu a mo mammona, a a casa di l'anziani di a CNRO), chi m'averia lettu, nanzu di andassine a parlà corsu incu Diu.

A populu chi more (un mi sentu tantu bene, manch'eiu), bisogna a parlà corsu, di furia e prestu.

Un corsofonu ogni minutu?? eehoo serianu belli numerosi i corsofoni : l'ai digià tombi tutti in un annu !! ?? (45000...)

Ci sò 3000 morti à l'annu in Corsica è 3000 ghjunghjiticci à listessu tempu ...Rifà i to calculi, ma ùn ci serà da rasserenacci tantu.

almenu chè ci ne sia assai assai in Puerto Rico ???

Orso Orsini ghjè ancu peghju chi u générale Morand e Marbeuf inseme. St'andaccianu tontu ha tombu, ha stirpatu (virtualmente) u so populu.

Ma eo so solu un andaccianu tontu, O Belzebù.

Ma se eo sto tombandu u mo populu (virtualmente) ghjè solu per fallu discità.

Perchi no tutti (ancu tu forse?) cumbattimu cu a penna e i pinnuti per un terzu riacquistu, postu chi si un ci è un terzu riacquistu avà, un ci ne serà micca un quartu dumane (risate).

Eo u riacquistu l'aghju fattu in Talasani. Vogliu propone di onorà stu paisone di a Corsichella, chjamandulu u pase di l'Orsu, u paisone di lu riacquistu linguisticu, religiosu e murale.