Sè u più forte o Antò :


A machja prufumata
Culorita da u sole…
Quì si pò vede in fondu e muntagne annevate,
U celu turchinu ci dà u benistà,
A tranquilità.

Dolce paese fattu d’acqua è di sole
O cume mi piace di spasseghjià trà a torra di Capu di Muru è quella di La Castagna!
Risplendenu
Isse bellissime culline…
Avete trovu u so nome ?

Sè u più forte o Antò hè vera, ma Mattu Mattu ùn era po cusì luntanu:

A machja prufumata
Guasi sempre culurita da u sole…
Oghje quì si pò vede in fondu e muntagne annevate,
Sempre u celu turchinu ci dà u benistà,
Tamanta tranquilità.
Ah dolce paese fattu d’acqua è di sole

Puttana! cume mi piace di spasseghjà trà a torra di Capu di Muru è quella di La Castagna!
Lucenu è risplendenu
Ancu isse bellissime culline…
Ghjustappuntu, avete trovu u so nome ?
Eiu sì!

Ghjuvan'Vitu, hè vera chì aghju dettu u mo paese era goffu ma aghju dettu què solu per esse ughjettivu per raportu à d'altri paesi cum'è Sant'Antuninu ecc...
Vilone hè un bellu paese cun e so loghje è e so ricciate (tutte rifate avà! Evviva Costa Verde!) ma eiu stò in a Carbunnaccia allora v'aghju parlatu di stu locu...
In quantu à i paesi di a Tavagna, hè sicura chì sò belli paesi : Talasani (ancu s'ellu ùn hè micca u mo preferitu...chì ne penserà u Supranacciu?) hè in forma di lumaga (à pocu pressu), Casevecchie cun a so piazza di a chjesa, Fiumainale chì rinvivisce appena postu chì un pastore riface una casa quassù è ci stà in ogni tantu) ecc.

Face piacè quantunque o Ghjuvan'Vitu chè tù parlessi di sti lochi chì ùn sò tanti cunnesciuti da a ghjente...peccatu...

A mea a città , sarà prestu fattu ....

Mistiriosa citadedda, bianca cum’è la calcina
Sè l’ultima sintinedda, di pettu à la marina
Di pettu à la marina è lu mari prufondu
Quandu l’acqua s’avvicina, à l’entre di lu to mondu

Trà piaghja è muntagna ,
Incu vista meravigliosa nantu i scunfini aiaccini ,
O di a bocca Sarzoghju nantu i scunfini di saone ,
Una ghjesgia magnifica tuttu comu a cappella Santa Maria .
Da Carcupinu à a Manichedda , da piazza à a ghjesgia sinu à a piazza caserna , passendu pa piazza maio , spasseghjanu i ziteddi e po tanti ricordi .
Sottu a punta Sant'Eliseu , peguri , vachi , sgiotti e porchi è beddi pruminati a u frescu di i castagni .
In sta piaghja , tanti cosi è tanti lochi a scopre ...............
Infinu mi piantu qui , forse l'avetti capita parlu d'u me paese chi tengu caru , sia SARRULA .

DA quì à pocu ci serà ancu una casa per curà i vechji di a gravona in Sarrula ò Carcupinu...ò à mezu à i dui paisoli mi pare

iè eppo saranu ghjustu in faccia di u cafè , cusi anderanu a fassi un rami ,

“venari santu” è San Martinu
po ancu fa piagè a chelli di Sarté…


Ch'ella sappianu u mondu ingiru,
U *più bellu paese e San Martinu,
pè i so canti di u venari santu,
stu ghiornu i paesi di Lota fanu unu.
Seraghiu troppu pretensiunutu,
avà sera detta pè tutti i lutinchi.
Un ci scurderemu mai di ci antichi,
« Cara destra che impiagata »,
è cum’è a mea, senza sapè perchè,
vostra memoria à ferru sera marcata.

*....cume tutti i soiu

Taglio Isolaccio, cela va sans dire

Sia u benvinutu o Orso Orsini, poi andà à prinsintatti in "Discussione ginerale", "Quì si prisenta omu"