n'avia parlatu à Ellustessu u li mettu:

Trimendu.

D'infatti hè bellu difficiule, ancu sì ciò ch'ellu dice mi pare virità (par quelli chì u corsu hè a so lingua maestra almenu, parchì l'altri : "[...] ciarbellu, è quellu, à l'omu, u li scultureghja ogni lingua à so modu"). Par fà un testu cusì cù i sculari, puru liciani, ci vole u filu è l'acu.


Hè dinó par quessa ch'ellu ci vole à esse pricisi cù i tarmini aduprati, parchì si pensa prima di parlà (infine crergu, ùn mi ne arricordu micca à dilla franca ) ma dopu si pensa cù a lingua, e pinsate è a lingua s'intreccianu, è sì quessa ùn hè un farru arrutatu tandu...

Postu chì t'hai apartu un sughjettu annant'à ellu, ci mittaraghju uni pochi di i so testi.

da u principiu à u filare 11 è in particulare da u filare 8 à u filare 11 mi piace assai...


dopu mi pare una spezia d'apulugia di u purisimu è ch'ellu riguleghji i so conti...

ùn mi garba più tantu...

Pè u più pensu chì DAG (eramu à a fine di l'anni 70, dette di u "Riacquiqtu" ) ne chjamava à una certa cuerenza intellettuale : ùn si pò difende a "cultura corsa", u "populu corsu", senza fà u sforzu di ammaestrà a so lingua chì n'hè u puntellu maiò, u "ferru".
Certa, ci hè una tendenza "purista" ind'è Geronimi, ma hè sopra à tuttu una chjama à u travagliu, à apprufundisce u pensamentu.

Si pò pinsà à raghjò ch'eddu ùn cunniscia u pastori tuttu u vucabulariu di u scarpaghju... è quiddu, u vucabulariu di u bancalaru.

S'eddu ci n'hè unu chì sà tuttu, tantu megliu... ma ùn era a regula è ùn l(hè ancu oghji.

M'arricordu una discursata cù un antru sunadori è mi facia rimarcà chì l'anziani cunnisciani solu a manera di sunà di u so locu è certi sunavani sempri u listessu pezzu !

Noi, cunniscimi i maneri di sunà d'ogni locu, com'è u paghjillaghju d'oghji cunnosci parti è più di i versi ch'erani cantati nant'à l'isula.

Saremi po più spicialisti oghji...

Ma infini, quiddu chì sà tuttu da veru ùn hè ancu natu è ùn hè ancu à nascia... for di certi sapiintoni nati amparati o, comu si dici ind'è mè, nati nanz'à u babbu

Pensu cumè Francesca ma l'hà detta megliu cà mè. Mi face pinsà un istrattu di e cronache di Marchetti. Ùn era u sughjettu sputicu, ma ne parlava. Hè in francese hà da cuntrarià à certi, ma ch'elli ùn vacanu à leghje tandu !
Aghju inguadratu u pezzu.





Pà u vucabulariu di sicuru ùn si pó sapè tuttu, è ci sò i nomi pà i spizialisti. Ma ancu senza parlà di "spizialità", niente cà pà i funzi par esempiu : eiu ùn cunnoscu micca i nomi (mancu in francese d'altronde)... ma ùn face nulla postu ch'e' ùn li possu mancu ricunnosce (à chì mi ghjuvaria di cunnosce i nomi senza sapè ciò ch'elli insegnanu ?).

U sicondu scrittu hè pocu lighjitoghju.

Ùn si leghje micca ? Eiu u vecu bè

Hè un solu articulu, forse ùn sò statu chjaru. D'altronde avà ch'e' aghju lettu a siconda pagine (à dilla franca aviu messu què solu pà a parte inguadrata, in la prima pagine) par pruvà à capisce cio ch'ella vulia dì Francesca, m'avvecu ch'ella manca a fine, ùn l'aviu mancu vista.

Ùn capiscu micca troppu ciò ch'ella vole dì Francesca quand'ella si dumanda sì Marchetti hà sempre suvitatu u so propiu cunsigliu : pensi à calcosa in particulare ch'e' ùn cunnoscu o dici cusì ?

Eranu cronache publicate in Corse-matin 20 anni fà à pocu pressu. Sò accolte ind'un libru (edizione Piazzola).