Eo sta sera mi sentu tristu assai perchi ellu, Ghjuvanni Sarkozy Culioli, u mo fratellu di sangue e di destinu, Jean di Parigi e di Budapestu (Corsi ci n'è in lu mondu sanu. Eo aghju parenti in Indochina, a sapite. Eppo eo so appenuccia lucchesincu so), ripigliu, Jean u mo fratellu caru e capibiondu (si bellu Jean?) ha rinculatu, Ahimè. Perchi l'hai fatu, Jean, perchi hai rinculatu? Nisuna resa, jean, mai...

Serà vera chi Jean è un omu arrimbatu tamantu.
Ma serà u solu ellu?
U mo puveru babbu massone (franmassone)-scusate sfranciseghja l'Orsacciu-u mo babbu muratore anch'ellu mi vulia fà travaglia incu ellu tandu. Ma eo aghju sempre travagliatu a stonde, e quandu piove nanzu tuttu...Era arricumandatu anch'eiu tandu... e ditemi se vo un site arricumandati. Macaru, bella ghuventù corsa...
Quale è chi nun lu è, inde no ? Petru u chinese, ellu un era un omu arrimbatu, in Tagliu, ma ghjerà solu solettu u corciu.

Eppo ellu ha solu 23 anni Jean. E a me in stu mondu di vechji, facia assai piacè vede un ghuvanottu mancu diplomatu piglià u postu, mandà a l'ospiziu per anziani parechji vechjetti arrimbati tamanti anch'elli.

A vi dicu. Eo ci sto incu Jean Sarkosy.
E vulerebbi fà un partitu per dilli a stu puverellu ch'ellu un è mica solu. A ghjuventù corsa ghjè incu te, Jean (Ghjuvanni, ditemi vo se c'è un nome più corsu chi quellu?). Evviva Jean e a bella ghjuventù corsa. jean, un hai da pianghje, perchi l'avvene si tu. Eo ti tengu caru, più chi a sti vechji (e so sinceru, m'hai da crede)

I pueti tavagninchi so tutti daretu a te, Jean (forse averesti qualcosa per elli, per un pueta quant'è me, Jean, a Parigi, in qualchi palazzone? Possu scrive ancu i to discorsi se tu voli...)

Aghju un altru stalvatoghju carcu di picondria, ma chi face ride listessu.

Si chjama:

Stalvatoghju di u Lucchesincu bastiacciu.

Eo aghju cunisciutu tandu un bastiacciu lucchesincu chi di casata facia Casati (u signore Casati). Era di Livornu, se rammentu bene, st'omu lucchesincu, incorsicatu.

E tutti li cherianu per fallu scimisce: quale è a vostra casata Casati? Cu quale site casatu Casati? e altri scherzi scemi.

U corciu ch'era natu piazza a u mercà (Bastia), un bel ghjornu di veranu, ghjè partutu. Ellu sii ne andatu in terra soia. E nimu sa quandu ellu vulterà.

Avale u signore Casati campa a Livornu, e Corsichella ha persu un locutore schiettu e sciappatu (un serà l'ultimu).
Ahimè. Baccalà per Corsica.
Oghje in Bastia ghjunghjenu omi strani incu casate stranissime (me l'ha dettu u mo amicacciu Petru u Chinese, di Tagliu), ma ferma assai difficule scherzà incu elli.
Mancu ti capiscenu. E beie qualcosa inseme sottu a e palme di Santu Niculaiu, cum'è faciamu incu Casati, mancu pensalla...
Eo dicu: Casati, hai da vultà, so scimiti tutti.

Murale di sta fola postmuderna: scherza cu i (falsi) santi, ma lascia stà i fanti veri (quant'era Casati, omu travagliadore e simpaticu)

Infine un'spiritu più cumplicatu ch'è u meiu.
Bravu !
Aghju avutu assai difficultà à seguità u testu, ma ci so ghjuntu !!

Aghju vistu ch'è tù cunnosci à Lernazg, ma peccatu ch'è tù ùn cunnoscessi micca à Orsu Dumenicu Solechjari (oghje smaritu), u più grande dettettivu corsu di u mondu.

I cunoscu, di sicuru. So tutti bella e bona ghjente.

Ghjè vera assai quessa.

L'Orsu è un animale difficiule da capisce, ma ghjè ancu schiettu a le volte, quandu una bella zitella (Ciao Elvira puetessa) ha trovu u caminu di u so core...

Solechjari si ne hè mortu, ma u so bloggu hè sempre vivu :
solechjari.over-blog.org

tamante perdite quist'annu : trà solecchjari e mickael jackson stu 2009 serà stata veramente un annata di merda , he ora ch'ella finisca

Eo l'aghju digià dettu: un mi sentu tantu bene manch'eiu. ha da sculà st'annata sciagurata, e prestu...

In l'annu 2010, m'affacu in Talasani, a vi prumettu, bella ghjuventù corsa. Se vo a vulete, puderete ancu vene a truvammi a Purretta, o ancu megliu sottu a e palme di santu Niculaiu, in la cara Bastia.

Dunque emu a prova ch'è vo'n'site micca a stessa personna .

U sgiò prufessore chì v'accumpagnava tandu m'avia dettu ch'erete sbarcati in Vilone quassù. Eiu sò in a Carbunaccia u paese dis ottu, induv'ellu ci hè a casa cumuna. S'ellu vi pihglia l'estru di favvi tornu un viaghju cum'è quessu, mandatemu una chjama!

U corciu prufissore ùn 'ddu vecu più.
Ma hè bedda sicura ch'e' ci aghju da cuddà torra! (unu d'isti ghjorni) tandu a ti faraghju sapè.

Chi i Talasaninchi sianu bizzari e strampalati (L'Orsi d'Orsinu, ma mica l'altri talasaninchi chi so omi di sta terra, carchi di tamantu cennu, mica cum'è me), a dicenu i nostri compatrioti pinzuti. State a sente cio ch'elli scrivenu in isse France :


"La commune française la plus éloignée de Talasani est Ouessant située à 1317.2 km à vol d'oiseau.
Les habitants de Talasani s'appellent les "Talasanais".
Homonymes : aucune autre ville ne porte le nom ''Talasani'' en France."

Per i frencesi dinù, un ci è un paese quant'è Talasani, u più landanu di i paesi vicini e furesteri.

Circheti u raportu cù THALASSÀ !