è GV per una volta ch'ellu ci hè!!!

Ti tocca à sceglie un sughjettu novu per a settimana chì vene o Ghj Filici...

Cunvirsioni dialittulogica

Ghjà, quand'hè intrutu in casa, aghju capitu ch'iddu era stranu stu fattori, ùn era micca quiddu ch'e cunniscia, sicuramenti qualchì rimpiazzanti vinutu da cuntinenti à fà a staghjoni... Eppo quiddu barbazzali d'integrista musulmanu...
U pacchettu ch'iddu mi porsi pisaia u piombu, li deti quantunqua i so cinqui aurò, da ch'iddu si n'andessi...
Ghjeiu, ùn aspittaia nudda, "Fà ghjà veda stu pacchettu" mi dissu... bramosu di veda ciò chì ci era drentu...
Ticchi ticchi ticchi... sarà qualchì ruloghju?
Apru, u ruloghju ci era da veru ma ùn era solu: ci si era imbrancatu sguasgi un chilò di plasticu... u sudori misciaia da u me fronti, tardaviddaia da capu à pedi, senza pudè mancu busgià, i numari russi sfilaiani, sfilaiani i sicondi: 10, 9, 8...

Qualissu taddu u filu, u turchinu o u giaddu? 7,6,5...

U giaddu... innò, u turchinu... 4,3,2... innò, u giaddu... 1, O!

Bip bip bip bip... (ruloghju)

Sett'ore, chì sunniacciu... è in più di quessa ùn era micca Niulincu ma Purtivichjacciu...

O la me cara elvira
Un avemu più speranza ,
U nosciu caru rughjonu
Un hà alcun'impurtanza,
Chi di piaghja o muntagna
Semu tenuti da macagna..

U PASTORI BUNIFAZINCU

Innò ch'ùn ti n'hà da mora
O urimprovu mi sarà fattu
Cù Ghjanfé sarem' à l'ora
Pà sorta ti da ssu statu
Chì si capisci, cù l'invidia
S'infiarani li media..........

Nienti chè à veda lu, omu si pudia dì " quissu, hè un montaseca..."

Avia una cimbratoghja: Paria u sgiò Gjerra, sticchitu ......

Sapia fà tuttu, è tuttu bè, :
Sapia piantà l'ortu, sapia cantà, sapia sunà tutti i strumenti, donni, n'avia avutu à buzeffu, era u tarcanu di sti loca....

Ma nimu ùn lu pudia veda ...
E ùn ghjornu s'hè cicatu, s'hè cripatu un ochju..
Unu l'hà dittu :
"Tù, ti credi cusì forti, allora sè bona à metta ti u dittu in ochju, a ghjenti chì hà pruvatu ùn ci hè mai riisciuta ...
Allora, eddu chì sapia fà tuttu, ch'ùn fiascava mai, pruvò .... è si acceccò.....

S'e aghju capitu bè, vulia fà un iscrittu impostu da "Eiu stessu" nant'à a praputenza, l'orgogliu,
"l'albasgia"...diciaremu ...(a parola mi piaci monda) ...

Ghjè cusì o nò, o mi socu sbagliatu...
Ma quantunqua, l'aghju fattu stu scrittu...Ghjè à pena scimaticu ma ghjè...

Scuseti, ùn n'hè micca "Eiu Stessu" chì hà prupostu stu tema ,
Ghjè GhjuvanFilici...

Nulla cà à vedelu, si saria capitu ch'ellu era ind'una situazione malagevule.

A faccia sfurmata da a prissione chì criscia ogni minutu, u sguardu fissu, a sisa posta in lu viotu, agnava tutta so parsona, e gocce di a sudazione li scurrianu annant'à a pelle. U polzu pichjava à tutta passata, è a pichja di l'arterie è di e vene tradiscia a tinsione di u mumentu. Ci sò stonde in la vita chì si prega ch'elle passinu prestu, è quessa ne era...sempre ch'ella cumpiissi. Ma sta volta andava à cumpienda l'affare. Avia da pudessi dà un pocu di rispiru. Spirava solu di pudenne esce senza chì sangue vidissi u sole...
In fine, un ultimu sforzu li dava a libarazione cusì bramata : ind'un frombu tamantu ciuttava ind'ì l'acqua unu strunzone di quelli, un bellu cacatone chì mancu si sapia cum'ellu era pussutu firmà quì.


(Chergu scuse par issa passata di pocu gustu, è soprattuttu à Francesca hè a culpa di ghjuvan Filici )