micca troppu !

ùn ispira micca...? lampate un'antra idea, facciu ciò chè possu ma ùn sò u Capitanu...

Ind'è u listessu filu ò guasi t'aghju un salvatoghju appena ridiculu ma pensu chì u posu mette ind'è u sughjettu da ride"

U prublemu hè ch'ùn aghju avutu ancu menu tempu ch'è previstu à cunsacrà à stu foru.

O Cumpà ne prufittu per ditti (à u risicu di passà torna pè una croce) chì s'è t'ai pocu tempu à cunsacracci à u foru cerca è cunsacralu bè.

saria megliu ch'è tù fessi un scrittu di prosa imposta (cum'è tù i sai fà) o puru di puesia imposta (a to ultima ùn era mancu male malgradu a strufata di e botte ) cà di vulè intervene à ogni missagiu.

eccu, hè detta.

Viaghjavu in pienu paese di Safficheli (in piena pieva di Gruscura à cant'à u Rusaliu), in e vechje strette di u vechju paese, duve mi sò sempre sentitu bè. Ci vole à dì chì stu vechju paese, in pien'mezzu à a Corsica autentica di l'internu di a Corsica, mi pare cume un'veru muraglione contr'à l'invasione di u béton, di e résidence secondaire de luxe, di i building,... brieffu (sta parolla, hè Marcu Maria chì mi l'hà amparata, ramintatevvi), di tuttu què.
Certe a pupulazione cummincia à invechjà, è ùn ci ferma ch'è 53 abitanti anant'à a cummuna (678 per l'elezzione), ma hè sempre un piacè per mè di ritruvà tutti sti testimonii di u passatu di a Corsica d'un'epica, chì ben'intesu, ùn aviu mai cunnisciutu, ma duve almenu i Corsi eranu più corsi ch'è avà (attenti, ùn dicu micca chì avà i Corsi ùn sò più corsi, dicu solu chì quelli chì venenu avà sò, in ghjenerale, più impinzutiti ch'è quelli chì sò un'pocu più vechji, chì, almenu, in regula ghjenerale, parlanu un'corsu più puru è più lindu, è tenenu assai più u Spiritu Corsu, salvu, ben'intesu quelli chì sò impinzutiti, è chì sò più francesi ch'è i Francesi, è chì dunque... cosa ? cosa mi dicite ? ùn hè micca u sughjettu è facciu sempre una disgressione chì ùn hà da interessà à nimu ? Podasse... Bon, allora ripigliu...).
Dunque Safficheli hè veramente, l'averete capitu, un'bellu vechju paese di a Corsica. U so principale prublemu hè chì, postu chì hè assai ritiratu di tuttu, si spopulisce cume tutta a vechja Corsica rurale, guardiana di e tradizione, di a lingua, è di a mente corsa.... brieffu, cumu diciu, postu chì u paese sì spopulia, era quì chì aviu compru una casa, da a quale i prupietarii eranu morti di vechjaia è l'eredi, moltu impinzutiti, campavanu in Drullin-les-bains, à cantu à a casa di Jacques Clavier.
Ma in veru, ùn l'aviu micca pagata cara sta casa. I novi prupietarii, in indivisione (era probabilmente u solu segnu di cursitutina ch'elli li firmavanu), era moltu annoiati da stu rigalu, per elli invellenatu, è dopu à avè vistu chì i Corsi ùn rispettianu mancu l'amichi di u Presidente-Di-A-Republica-Francese-Una-È-Indivisibile-Per-U-Sempre dopu à una merendella chì s'era scorsa induve vo sapete (spergu), l'avianu lasciatu pocu caru à u primu venutu, dunque u vostru servitore, eiu.
A casa era in un statu micca troppu gattivu, è per quessa, ùn aviu micca troppu travaglii di rinuvazione à fà, ma quantunque ùn era micca quessu u mio scopu finale, cumprendu sta casa in stu vechju rughjone di a Corsica autentica. U mio veru scopu era di stallà, incù i mio soldi propii, Internet in u paese, per rende Internet accessebule à ogni case di u paese. Incù u m'amicu Ghjuvan'Federiccu T. (micca nome chì vole firmà anonimu) u cervellu di st'azzione, u prughjettu era di rinvivisce un'vechju paese, favurisendu e stallazione nove, incù ghjente chì puderianu travaglià ind'è elli incù un'urdinatoriu cume per esempiu un'travagliu d'offiziu, un'travagliu d'urdinatoriu. U prughjettu era simplice, è devia ghjuvà d'esempiu per a seguita, chì era di fà u listess'affare per ogni paesu di Corsica, di manera à rinvivisce a Corsica di l'internu, quella di e tradizione, di a lingua sempre viva, di a vera Corsica, è dunque, di u stessu colpu, rinvivisce e tradizione, a lingua, è sminuì l'impattu di e custruzzione nove nant'à a piaghja...
U prughjettu bellissimu.

Cosa era dighjà u principiu di stu racontu ? Ah iè, mi ne ricordu avà... dunque viaghjavu in e vechje strette di u paese di Safficheli quandu d'un colpu, vedìu davant'à mè un tipu vene versu mè. Era più ghjovanu ch'è a maiorità di l'abitanti di u paese, ma era quantunque più vechju ch'è mè. Camisgia rossa scussesa, baretta, ochji turchini, capelli culore castagne... mi paria d'avèllu dighjà vistu in altrò... ma induve...
In tutti i casi, ùn era micca un paesanu di Safficheli chì li cunnisciu tutti...

U tipu m'addirrizò a parolla subitu subitu :
"Ò Cumpà !"
Ma cum'ellu facia per cunnosce u mio nome ? U gran'misteru di più !
"Cumu sì, dapoi u tempu ?" Rispundiu falsamente calorosu è veramente ipucritu.
"Eiu và bè... o piuttostu và megliu... È tù allora, sempre u listessu ?"
L'altru, chì paria cunnoscemmi cusì bè, fecia nasce in mè u dubbitu. Certe paria cunoscemmi. À stu puntu quì, ùn ci firmava più ch'è duie suluzione, sia si sbagliava, sia mi sbagliavu. Ma postu ch'ellu paria, da veru, cunoscemmi, ne deducìi ch'eru eiu à sbagliàmmi.
Piattendu à u megliu u mio dubbitu, rispundiu, falsamente scuntratatu :
"Iè... ma ùn aghju tantu scambiatu, dapoi u tempu."
L'altru, ridendu (ma era una risa brava, micca gattiva, s'è vo capite a sfarenze) mi dumandò :
"Canti sempre a sera ?"
Ùn capisciu micca troppu. È puru, avà, aviu avutu u tempu di riflette è eru propiu sicuru d'avèllu dighjà vistu in qualcu locu, ma senza pudè ramintàmmi qualcosa di precisu. U tipu paria propiu simpaticu, è di fattu rigrettavu d'ùn pudè ramintàmmi d'induve u cunnisciu, ma qualcosa in u mio cerbellu mi dicia ch'o deviu fughje avà chì ne aviu sempre u tempu.
"M'accade sempre certe volte, ma micca in prufessiunale, chì ùn aghju micca una voce à bastanza bella. Per avà, travagliu nant'à u prughjettu seriu nant'à a rinascita di l'internu di a Corsica. Una spezia di novu riacquistu, s'è vo vulete."
Postu chì, stu ghjornu quì, eru ben'vestutu, in custume, è incù una piccula valisgia in manu, aviu quasi l'aria seriu, è per quessa, precisò què per dà l'impressione ch'o eru qualchissia di seriu, è dunque aiutàmmi à francà u mio scunturbu, ma ùn riescì micca, è l'altru mi dumandò :
"Ci vai sempre, nant'à u Foru Corsu ?"
U Foru Corsu ? Podasse chì era quì ch'o l'aviu cunnisciutu ! Infine una pista seriosa ! Pienu di sperenza, rispundiu :
"Iè, ci vò sempre. Mi piacè sempre di più."
U tipu mi spiegò :
"Eiu ùn ci vò più dapoi un'pezzu, chì incù tutti sti fandonii, ùn sì capisce più nunda."
"Ùn seria micca falsu di dìlla cusì. I Fandonii nocenu à u Foru. Ancu di grazia chì eiu ùn ne aghju."
À stu mumentu precisu, riceviì dui SMS nant'à u mio telefuninu. Unu, venendu di Solechjari, dicendu : "Ai raghjone u mio tesoru", è l'altru di Lernazg, per dìmmi "Iè, o preciosssssssu". Ancu s'o'n'aviu capitu cum'elli avianu fattu per leghje e mio pinsate, decidaiu di rimette stu prublemu à più tardi, è ripigliaiu a cunversazione :
"Ma firma sempre un'bellu spaziu Internet di lingua nustrale, induve sì ponu ritruvà pueti tarcani, prufessori,..."
L'altru mi tagliò :
"È sì ponu dinù organisà serate."
"Iè... iè..." Rispundiu un'pocu imbarazzatu d'esse statu tagliatu.
Ma ùn era finitu, chì l'altru mi spiegò :
"Eiu mi ramentu sempre a serata, duve ci eri tù dinù, duve tutt'u mondu, o quasi, avia cantatu, ma quandu era à tè di cantà, avii argumentatu ch'è tù'n'avii micca assai betu per cantà, è dopu à solu dui vichjeri, eri talmente in sborgna ch'è tù ùn eri più in statu di cantà qualcosa. Ti ne ricordu di què ?"

È subitu subitu, capiu perchè aviu fattu tuttu per sminticàmmi di què. Perchè aviu sguassatu di a mio memoria tuttu cio chì s'era passatu in sta serata.

Eccu.... L'averiu ancu scrittu più longu s'o'n'eru micca cusì stancu sta sera.

Bravu o Cumpà Ùn participeghji micca suvente, allora ti filiciteghju.

Si sente ch'elli ci sò l'elementi veri accant'à a fizzione in lu to racontu (ma in paese passeghji in "custumu" è cù una valisgia daveru ? È 'ssa "rinascita", 'ssu "riacquistu" d'internet, à chì puntu hè ?).

In più cusì emu sappiutu chì Solechjari era gay, què po m'hà stupitu.

Citation:

À stu mumentu precisu, riceviì dui SMS nant'à u mio telefuninu. Unu, venendu di Solechjari, dicendu : "Ai raghjone u mio tesoru"

_________________


http://www.paese-di-marignana.fr
http://lingua.corsa.free.fr
http://langue.corse.free.fr
http://corsu.dall.italiano.free.fr

Grazie moltu...

M'hè dighjà accadutu d'esse custumatu in pâese (per i matrimonii di l'amichi, per esempiu).
In quant'à Solechjari, pensu chì sò statu gattivu eiu dicendu què. Postu ch'ellu ùn hè esciutu di u so comà ch'è avà, è ch'in più di què ùn si ricorda più di nunda, ùn serà micca in misura di difendessi o di negà...
SSSSS (risa gattiva à l'usu J.B.L.)

Bravu, o cumpà; u to scrittu hè straniu, più cà straniu...ma mi piaci ..

bravu o cumpà!

festi scaduti: chì ùn si facini più, da unurà un santu paruchjali