SINTINEDDI...

antonu

sempri stu " campanilismu "....ùn ci surtimu ...

Povari à no !

Ghjuvan Micheli

Micca "campanilisimu" o Antò !
Caccaviddisimu ! Ind'è mè, u campanile hè u caccaveddu. dwarf

MARCU MARIA · GOLU Nombre de messages: 7234 Date d'inscription: 21/10/2004

E ciò ch'aghju scrittu vi piace ò ùn avete lettu chè u titulu ? Rolling Eyes

_________________
Un populu,una lingua,un foru !!

Ghjuvan Micheli

Scusa...

Matteu Mattei

MARCU MARIA a écrit:

Quì un'ultima ti facciu
Un hè micca una macagna
Chì mi tocca à fà in furia
Vulendu cum'è l'altagna
Cù a moglia è lu zitellu
Ci n'andemu in Balagna

Per una dumenicata
Lasciem'i nostri cunfini
Per fassi una manghjata
Incu vinu eppo zini
E sta sera canteraghju
Cù lu gran Guidu Begnini salut

Quand'è tù ghjugni in Balagna
Certi paesi l'arvigni
Ne faci u magna magna
Cù u t'amicu Benigni
È quand'è tù sè cun ellu
Di Mattei ti ne imbrigni

Dopu avè magnatu è betu
È impiututi a panza
Resu ch'ai à a patrona
E chjave di a to stanza
Ti n'arvedi chì da Aregnu
Ci era poca luntananza

Tandu à Mattei chjami
Chì cumpassione t'arreca
È pensi "prima d'andà
Ci hà da vulè ch'e u veca"
O Ghjuvan Battì dopu mortu
à tè ti ghjugne a frebba... Mr.Red

MARCU MARIA · GOLU Nombre de messages: 7234 Date d'inscription: 21/10/2004

Un hè micca a verità
Allora ti spiecheraghju
Chì subitu chì u sole
Rigalava u primu ragiu
A l'amicu Mattu Mattu
Li mandava un messaghju sunny

_________________
Un populu,una lingua,un foru !!

u ghjancasgiolu · San Petrone Nombre de messages: 22 Date d'inscription: 06/08/2009

MARCU MARIA a écrit:

SINTINEDDI

Maghju di u 2010 per sti prati verdicanti di u Castellà, in giru à a chjesuccia di San Brancaziu. I turisti sò ancu à ghjunghje ma oghje, cù stu sole veranile è l’infilarate di e vitture nant’à a RN 198 ci pare d’esse da veru in core di a statina; di lugliu ò d’aostu quandu i ghjunghjiticci ruciti nant’à u portu di Bastia da i batelli s’avvianu tutti ò guasi ind’è un milampu ver di Purtivechju, Bunifaziu è sti lochi sacrificati da i nostri capizzoni à u cunsumerisimu è à u soldu santificatu. Longu à sta strada di l’addisperu ci sò nati cità senz’anima ne core; paisoli s’ellu si pò dì, induve ùn si trova più oghje chè cummerci « di stagione » è stazzione d’essenza da rassicurà u viaghjadore caminendu ver di u so Eldorado…

Ma oghje turisti ci n’hè pocu è micca. E vitture provanu à ingarassi dapertuttu, in bor di stradone ò nant’à a stradella di Cap Sud. Pocu u cumbugliu o ghjente !! A chì si letica cù unu chì l’hà furatu u so pezzu di terra croscia da lascià a vittura, à chì s’imbarruffa cù i giandarmi dicendu ch’elli l’anu parlatu male è ch’elli facenu a spacca cù i so spichejtti di sole. Ma chì ci serà di cusi impurtante oghje per ste pianure di a verde Casinca ? Una partita di pallò ? Hè d’un pezzu chì più nimu ci và à perde u so tempu ind’è e tribune triste è sculurite di u Sporting ò qualunque altra squadra. Un intarru ? per una volta micca, ma a sapemu bè chì oghje chì ghjè oghje, certi paesi ùn cunnoscenu l’animazione chì quandu unu di i so zitellu ci voltanu per l’ultimu viaghju. Allora mi dicerete: chì ci serà chì ci face vene a ghjente cumu s’ella ci fussi a calamita ? Lasciate puru a vostra vittura quì è marchjemu inseme una cria da scopre stu miraculu veranile.

Da luntanu, cusi à a prima uchjata, pare difficiule d'induvinà ciò chì si passa. A manu diritta c'è una chjesuccia, à manu manca barraconi di legnu è stand più muderni s’ellu si pò dì ; è dapertuttu ghjente chì gira è volta, volta è gira sott’à i ragi di sole dolce è generosu di stu mese di maghju. Avvicinemuci torna un suppulellu è quì, à mezu à u campu di fiera ci sò e bande di capre è pecure. Hè ora di a tundera. Arrimbati à e chjudende, i zitelli si campanu guardendu l’opera di l’artisti chì cù garbu è manera caccianu a lana di l’animali. Gesti antichi fatti cù e forbice qualchì volta, ò puru cù strumenti oghjinchi. A passione è a maestria di i pastori smaraviglianu i ciucci accumpulati in giru à elli cù i so genitori. A prima vista mi piace stu locu chì mancu ùn m’aspittava à truvà quì stonde sebbiate chì ci ramintanu a Corsica d’eri.

A dui passi di l’animali si compra è si vende di tuttu, ciò chì sdice appena ind’è una fiera detta pasturale cusi ma bò, a sapemu da un pezzu chì u soldu s’hè ficcatu dapertuttu, in ogni locu, in ogni pezzu di terra, ind’è u minimu spaziu induve omu ghjace. Cusi chì si vendenu vestiti, cullane, ghjuvelli ,bracialetti senza gustu. Accampanu u locu famiglie sane da cumpà robba nustrale ò ancu puru rubbaccie industriale, c’è di tuttu! Ancu per manghjà ci truverete i vostri sciali. A ghjente si campa è campa a Casinca, rispira, trimuleghja, festighjeghja è canta dinù…Si canta à pocu pressu dapertuttu à partesi di l’ora di l’apperitivu. Ogni barracone di legnu raprisinta un paese di u circondu, Luretu, A Vinzulasca, U Viscuvatu, U Castellà ò ancu puru qualchì associu cum’è i Cavallieri di Corsica induve ribumbanu e più belle paghjelle sin’à l’alba. A u bancu, ò puru u «comptoir » chì pare assai più capiscitoghju s’è ci riflettimu bè, l’omi i più rozi anu cuminciatu à sbiutà bichjeri è buttiglie senza mancu fà casu à e so corcie donne ch’aspettanu attavulinate è chì cumincianu à risente u freddu chì si ne casca in furia nant’à i più curagiosi. Di maghju a guazza s’imaptrunisce di u locu à bon’ora è corcie à quelle chì t’anu un maritu chì casca ind’è una trappula cù qualchì banda d’amichi in brama di Whisky ò altra bivenda…

Cantanu à voce rivolta pullastroni è anzianetti à ogni scornu di u campu di fiera. L’omi, spinserati u tempu di una serata, intreccianu e voci è incantanu l’appassiunati chì stanu à boccaperta, intrunati da a putenza è a bellezza di stu cantu tradiziunale. In Casinca è in i paesi di a Castagniccia vicina, ci cantanu ancu i zitelli di quatordeci à diciott’anni; u cantu si trasmette sempre per via di a passione cumuna, raprisenta una manera d’esse è di campà chì pare di risità sempre à a sfrancisata feroce, ella stessa trapassata da una mundialisazione funesta. U cantu hè piacè, u cantu hè Libertà, simbulu di una fede paisana spartuta da tutti sti militanti muderni chì campanu sempre ind’è i so paisoli à spessu tralasciati. U cantu hè un patrimoniu immateriale trasmessu per via di a passione, a paghjella hè u sangue di sta ghjente, l’acqua linda di ste muntagne è u suchju d’ogni castagnu chì permettia tandu di mantene u vivu in ogni famiglia. L’omu ch’impaghjella si sfoca, si scorda di tuttu, entre in cumunione cù a so terra è a so ghjente. U cantu ritimava e ghjurnate, accumpagnava è accumpagna sempre oghje l’omu nant’à a so via da ch’ellu nasce nant’à sta terra di tradizioni sin'à l'ora di l'ultimu viaghju.

Tutti eranu dunque in un mare di latte, felici, à cori lebi è cantavanu cù l’anghjuli in sta serata tant’aspittata ogni annu. Tutti ò guasi chì ci n’era unu chì fulminava ind’è u so scornu. « L’ASPETTU ! L’ASPETTU ! » ch’ellu dicia, rossu imbagaritu cù l’ochji di u dimoniu . « L’ASPETTU E L’AGHJU DA FA CAPI QUALE SIMU ! » . Era indiavulatu IVIU è ùn vulia appaciassi. Un c’era l’arte di calmà a so ira chì crescia sempre di più. Più avanzava l’ora è più girava inzergatu ogni barracone in cerca di u Sintineddu. « L’ASPETTU » ch’ellu dicia à mezu à a ghjente stunata è qualchì volta ancu intimurita videndu l’ochji scemi è l’andatura decisa di u nostru amicu. Ancu l’omi i più curagiosi di a pieve u guardavanu passà senza mancu pruvà d’interrompe a so corsa scema. A nutizia era andata lestra è IVIU avia amparatu ch’ellu venerebbe oghje nant’à u campu di fiera unu di i Sintineddi autoproclamati di u cantu in paghjella. Dapoi ùn si pudia più ritene è spazientava, sbullaracava cum’è una pignata. Cume? Un a sapete micca ciò ch’elli sò i Sintineddi autoproclamati di u Cantu in Paghjella? Voi allora mi pare chè vo site à l’anticognu. Allora calatevi quì una cria, pigliatevi un bichjeru ò qualchì migliacciolu è statemi à sente.

Da chì a Paghjella sia ricunnisciuta da l’UNESCO, uni pochi di cantadori avianu messu in ballu un associu da salvà a Paghjella. Pare ancu una bona mi dicerete. Ma ciò ch’ellu ùn avia pussutu acettà IVIU, fra altri, era l’affare di i Sintineddi. Eranu cantadore attalintati, tercani scelti per raprisintà u Cantu in Paghjella è trasmettelu à i più ghjovanni. U prublemu era ch’elli duvianu esse pagati per spiazzassi è per…cantà. Parenu fole ! Avianu imaginatu i capizzoni di l’associu chì i Sintineddi duvianu esse remunerati 1000 aurò à mese per pudè andà ind’è e fiere, parlavanu di rimbursà e spese di spiazzamentu è l’assenza à u so travagliu .Accidenti! 24 000 aurò per dui anni à girà a Corsica è cantà cù l’amichi, què sarebbe forse u più bellu mistieru di u mondu! IVIU ùn pudia suppurtà ch’omu si fessi pagà per trasmette « U CANTU DI I SO ANTENATI » cum’ellu dicia. Ci alluntanemu quì di u Cantu Libertà, di u Cantu chì riunisce e famiglie, a ghjente ind’è i paesi. A paghjella era mutata ind’è un strumentu chì permitterebbe à certi di pigliassi dui soldi, d’apprufittà di una rèdita sacra per fà i so affari stupendu cusi annant’à milliai è milliai di paisani ch’anu tramandatu u so sapè è a so passione…

« L’ASPETTU ! L’ASPETTU !! » ch’ellu dicia sempre IVIU, pedi è mani liati è tinutu for di campu da uni pochi d’amichi chì li vulianu bè. A sapianu ch’ellu avia da fà un scempiu è l’avianu chjappu da ch’ellu ùn fessi una cunnaria. Ci era vulsutu u filu è l’accu da pudeli superallu; sei li eranu cascatu adossu è avianu avutu da attaccallu di fune per immubilizallu. Avianu vintu a battaglia. Oramai IVIU era scantatu, impastughjatu cù una catena di quelle maiò è avianu messu ancu un lucchettu, per esse sicuri. A chjave l’avianu pigliata cù elli è eranu vultati ind’è u barracone per pudè sente cantà u Sintineddu chì quantunque eranu curiosi di vede cum’ellu s’avia da sbruglià cù tutta sta pressione, cù tutta sta ghjente scuntenta è offesa da sta sturiaccia di soldi. « L’ASPETTU, L’AGHJU DA TAGLIA U FIATU ! » ch’elli sintianu alluntanendusi di l’umatale arrabiatu ! « L’ASPETTU E UN V’INCHIETATE CHI UN PUDERA FRANCASSILA ». Parla puru ch’elli dicianu i so amichi, cuntenti di culpacciu ch’elli avianu fattu…

Era ghjuntu u Sintineddu affiancatu di tutta a so squadra : cantadori in terza è bassu, rispunsevule di l’associu è ancu di l'UNESCO, prufissiunali di l’arregistramentu cù tuttu u materiale u più sufisticatu. Ind’è una barracca accunciata apposta cù i soldi di l’UNESCO, avianu cuminciatu à cantà annant’à una scena. Un c’era più nunda di naturale è a Paghjella era cunsiderata cum’è un spittaculu. « Un C’E PIU UN PALMU DI NETTU ! » ch’omu pudia sente s’ellu stinzava l’arechja una cria. Quantunque a ghjente era vinuta è s’era cuncolta daret’à e chjudende piazzate à deci metri per ùn scumudà i cantadori. A folla era zeppa zeppa per ascultà sti paghjellaghji chì si facianu aspittà. Eranu à l’appiattu più in daretu è si priparavanu per a so raprisentazione. I ghjurnalisti di VIA STELLA è Frequenza Mora eranu pronti per l’evenimentu. A manu à manu, esce u Sitnineddu cù i so dui amichi è si mettenu in piazza. « MA COSA HE STA CUMEDIA ?! ». Mettenu à cantà, ò piuttostu à cantichjà. Mai nimu avia vistu un cantadore di Paghjella cusi sticchitu, paria ch’ellu cantava cù una scopa in l’O. Appinzava e labre è n’escia un sonu chjaru, lindu, guasi perfettu ma senza nisun soffiu ! Senza naturale !

A ghjente era guasi per adddurmintassi quandu ad un trattu…un trostu abuminevule feci trasaltà tutti quelli prisenti, un rimore vinutu da u bughju chì s'avvicinava cum'è una minaccia, in furia. IVIU,cù a cumplicità di Battì è Titò s'era liberatu è curria cum'è un torru inghjacaritu, scuffulighjendu cum'è un cavallu spavintatu. Saltò da sopra à a ghjente spavichjata, lestru cum'è mai, è si ritruvò subitu à dui passi di a scena. Dui umatali fecinu per parallu ma si pisconu duie capate tremende è si n'andonu prestu capu inghjò ind'è e canne chì spiccavanu e capanne tra di elle. "T'AGHJU ASSPITTATU U MO CARU!", ch'ellu dissi nanzu di lampassi cum'è un lupu famitu nant'à a so preda sott'à l'ochji di i rispunsevuli santavugliati. Saltò nant'à u Sintineddu ochjiburlatu è missi à strangulallu di tutt' a so rabbia senza chì nimu pudessi più cacciallu. Li stringhjia u ficu senza spustà. U corciu assaltatu diventò rossu, pò biancu, pò verde, passò per tutti i culori d'un arcubalenu senza pudè difendesi. IVIU ùn cappiava è u tintu mughjava. Nascia u parapiglia è tene ind'è a barracca, vulavanu i bichjeri, e buttiglie, e tavule è ancu certi rispunsevuli chì vulianu difende u Sintineddu. A pocu à pocu u so stridu si feci più acutu, paria oramai una voce feminile ! Quandu IVIU lintò a so vittima, si licenziò senza mancu più insultallu. Avia fattu u so duvere; u Sintineddu avia persu a so voce. D'una siconda perfetta si ritruvò cù una terza di curnachja ammalata, scannata à l'usu di certi cantadori di chjam'è rispondi di u rughjone Bunifazincu. Mai più ùn puderà disunurà a Paghjella participendu à SCRUCCUNERIE cum'ellu dicia sempre IVIU. Da tantu ch'ellu funu sbiguttitu i rispunsevuli di l'UNESCO, si ghjuronu d'ùn vultà mai più in Corsica è di lascià cascà a so idea di iscrive a Paghjella à u patrimoniu mundiale di l'UNESCO. U cantu in Paghjella torna un cantu PUPULARE !!!

PS:Ce récit est une oeuvre de pure fiction. Par conséquent toute ressemblance avec des situations réelles ou avec des personnes existantes ou ayant existé ne saurait être que fortuite.

MARCU MARIA · GOLU Nombre de messages: 7234 Date d'inscription: 21/10/2004

_________________
Un populu,una lingua,un foru !!

MARCU MARIA · GOLU Nombre de messages: 7234 Date d'inscription: 21/10/2004

http://www.alta-frequenza.com/index.php/fr/l_info/l_actu/u_cantu_in_paghjella_inscrit_par_l_unesco_sur_la_liste_de_sauvegarde_d_urgence_37000

_________________
Un populu,una lingua,un foru !!

MARCU MARIA · GOLU Nombre de messages: 7234 Date d'inscription: 21/10/2004

Per ringrazià à l'UNESCO,u cantu in paghjella serà cantatu à l'Elysée dumane sera (in francese da chì tuttu u mondu capisca) eppo dopu un'arregistramentu serà dispunibule à u museu Grevin bounce

_________________
Un populu,una lingua,un foru !!

MARCU MARIA · GOLU Nombre de messages: 7234 Date d'inscription: 21/10/2004

A prima paghjella in l'onore di l'Unesco serà cantata da Camillou,Ange Santini è Jean-Martin Micca Nomi !!

_________________
Un populu,una lingua,un foru !!

in cauda venenum

A L'UNESCO E STATA RICUNISCIUTA A SCRUCCUNERIA E A MANGHJERIA

antonu

Cumbriccula.. attenti à i sussidii ch'ani da spuntà ! ..

in cauda venenum

Joie en Corse après l'entrée de la "paghella" au patrimoine de l'humanité

Le 02/10/2009 à 10:58

La Corse a accueilli vendredi avec joie et émotion l'entrée de la "paghella", le plus ancien des chants polyphoniques insulaires, dans le patrimoine immatériel de l'humanité adopté par l'Unesco.

"La paghella entre au patrimoine mondial", a titré sur toute sa "une" le journal Corse-Matin.

Inlassable promoteur du projet, le chanteur, auteur, compositeur Petru Guelfucci a déclaré au quotidien espérer que "le pas historique franchi pour la préservation de ces richesses sera suffisant".

Chant immémorial, généralement à trois voix, la "paghella" était caractérisée par un répertoire différent dans chaque vallée de la montagne corse.

"Si les +paghelle+ profanes du village de Rusiu ou d'Orezza et les chants liturgiques de Sermano sont les plus interprétés, force est de constater que beaucoup d'autres trésors tombent dans l'oubli", a souligné Petru Guelfucci>.

Réuni à Abou Dhabi, le Comité de sauvegarde du patrimoine de l'Organisation des Nations unies pour l'Education, les Sciences et la Culture (Unesco) a classé le "Cantu in paghella" parmi douze traditions, dans huit pays, nécessitant des pratiques urgentes de sauvegarde.

Les Etats concernés "pourront bénéficier d'une aide financière du Fonds créé à cet effet", a indiqué l'Unesco.

Exprimant sa joie après cette "grande victoire", la conseillère exécutive chargée du Patrimoine et de la Culture à la Collectivité territoriale de Corse (CTC), Simone Guerrini, a déclaré à l'AFP que le mérite de cette "avancée extraordinaire" revient d'abord à ceux "qui ont fait subsister et ressurgir le patrimoine insulaire".

Mme Guerrini, qui avait fait voter à l'unanimité en 2005 l'Assemblée de Corse pour porter ce projet, a souligné que "c'est toute une chaîne qui a permis d'aboutir à ce succès".

NO COMENT

SERRA · Fangu Nombre de messages: 2169 Date d'inscription: 02/02/2008

in cauda venenum a écrit:

Joie en Corse après l'entrée de la "paghella" au patrimoine de l'humanité
cheers

Chant immémorial, généralement à trois voix, la "paghella" était caractérisée par un répertoire différent dans chaque vallée de la montagne corse.

Razz

les paghjelle du village de Rusiu ou d'Orezza

bounce

.

Les Etats concernés "pourront bénéficier d'une aide financière du Fonds créé à cet effet", a indiqué l'Unesco.

Cool

NO COMENT