Dì mi

Eiu i trovu amari è tristi li to mondi,
Duve tù ti ne vai u to esse à distrughje.
U capu versu a terra, pienghi è ùn rispondi.
Cu stu velenu in tè cosa cerchi di fughje ?

Voli fughje lu sole, l'aria pura è l'amore ?
Dì mi s'è tù a pensi chì di campà ùn vale..
Voli fughje l'amichi, a dulceza d'un fiore ?
Dì mi perchè a vita ti face cusì male..

Duve tù ti ne vai, più nimu ùn hè vultatu,
Ùn ti possu lascià francà l'ultimu passu.
Dì mi chì possu fà pè dà ti torna fiatu,
Ùn ti possu lascià more à capu bassu.

S'è t'ùn poi parlà, basta ch'è tù mi guardi,
Tandu possu capì ancu ciò ch'è tù taci.
Dì mi chè tù a sai ch'ellu ùn hè troppu tardi,
E chì poi piantà stu scempiu ch'è tù faci.

Eiu è tù adduniti, cun forza di fà fronte
À stu velenu biancu chì corre in le to vene
Adduniti inseme da custruì stu ponte
Chè tù devi francà, core tesu à l'avvene

si 'ssi billissimi versi pudiani fà capiscia à certi ghjovani ( o menu ghjovani) ch'iddi si tumbani à picculu focu...

A ringrazià vi è ringraziu à Zifranu chì hà currettu i sbagli d' ortograffia
(o Antò eiu cantu à più pudè sottu a duscia )

allora dilli à Zifranu
-chì pienghi hè u sunghjuntivu è tù vulia forse mette u prisente (pienghji)

-chì cù piglia l'aletta

-chì dulcezza piglia duie zete...

dilli dinù quand'ellu ùn sà ch'ellu dumandi puru à u fratellu chì ellu hè prufessore di corsu.


osinnò bella puesia.

Bella puesia, ma s'o mi possu permette, facciu cum'è Mattei :

Ind'a to puesia ai messu :

- più nimu ùn hè vultatu,

ci vole à mette :

più nimu hè vultatu

es :

Ùn hè venutu nimu.

ma

Nimu hè venutu.

un mattei bastava ^^

O stè cambia di fintu nomi è metti Stefanu Mattei...
ti dò u mio permessu.

ci hè u travagliu per dui, spartaremu:
eiu m'accupu di e culpe d'urtugrafia (o d'urtugraffia cum'è tù voli)
è tù di a sintassa.

o Tittì, à u mo fratellu mandali piuttostu i duveri di scenze fisiche di u to figliolu...

Allora o Mattei cambia ancu tù, metti per tè :

Matteu Tabarani

ti steria d'incantu....

à miziornu aghju fattu forte

chì tanti Tabarani...
a ti dicu eiu.

t'aghju aspittatu arrimane pè u caffè