O Cè, impara ci à fà un haiku, comu si faci sta puesia ?

A mi voddu pruvà!

Vai puru custì: http://foru-corsu.forumactif.com/discussioni-generali-f3/magnificu-arcupalena-t1065.htm?highlight=arcupalena ci hè un corsu sanu annant'à l'haiku

Per fà cortu è simplificà o Antò, senza entre in a filusuffia giappunese prufonda chì l'hà creatu (è ùn sò abbastanza spezialista pè spiecalla bè) l'haiku deve rende contu di una stonda di vita è a stagione deve esse mintuvata o evucata da una maghjina (què hè "ubligatoriu" ...)

U puema hè in trè filari è 17 pedi (in u versu uccidentale, perchè in sgiappunese hè un pocu differente a ti pensi)

Cusì :

5
7
5

Cusì, par un dettu :

Hè la mo musa
Chì mi porghji la vita
In puesia ..

Notte d'inguernu
U to focu c'ampara
Passione cara

Iè o Antò

ma ...manca a stagione...Avà: ùn simu giappunesi !
Libertà per i nostri aiccù!
Patrizia i face senza sempre rispettà tante regule.
A mè mi piace a filusuffia di l'Haiku è provu à esse fida à u so spiritu.

eccune un'antru (un "vechju") :

Chjarasgi in fiore
Hè sbucciatu l'amore
Cantu d'acelli

Busgie vere
Lampa omu scruccone
In elezzione

Quessu hè un Aikù d'attualità...Aghju rispettatu a stagione...
Mi dicerete chì stagione per a pulitica ùn ci n'hè chì dura tuttu l'annu ma in tempu di votu fiuriscenu di più e busgie chè in l'altri periodi.

Iè bravu o Tito, i maestri Zen ùn ci pudianu pensà à isse "stagione" eletturale! Bella adattazione à u nostru ambiente!

Altra cosa impurtante : a Natura, l'ambiente ...

Di regula inde l'aiccù, ùn ci si mette rime.

Dii novi tempi
La to spazzul'in manu
Gran disunori

(curregiatemi ;ùn si sà mai)
hè meddu di dì tempi novi nò ? °°