I NOSTRI SCRITTI !

erbaghju · Bucugnanu & Marignana Nombre de messages: 2094 Date d'inscription: 10/10/2006

Ghjuvan Micheli a écrit:

Lamentu di Ghjuvanghjaseppu

Socu banditu è for di strada à vita
À malavia, lampatu da una lita
Chì ci hà tocca in famiglia
È spignò a nostra ziglia
Vi spiecu quì a raghjoni
Chì traccia oghji u me stradoni

I maladetti ani rivindicatu
U Castagnetu à u fruttu dilicatu
Po un cucinu nutariu
L’hà cunsigliati in ghjustizia
È po babbu, Ghjuvandariu
N’hà sintutu l’inghjustizia

Babbu in prighjoni, è poca robba à cena
N’hè morta Mamma, a cara Matalena
Nanzu m’hà tesu u fucili
È mandatu à la vindetta
Dopu appaghjati i so cili
Socu falatu in piazzetta

Trè po sò morti ma ùn hè abbastanza
Sti scruccunacci si sò richjosi in stanza
Ani da sorta un bel’ghjornu
È l’aspettu, machjaghjolu
Ani da senta u bonghjornu
Di u fucili à scagliolu

Ma pensu à tè, o cara inamurata
Oghji a me vita, certi l’ani furata
Ùn farè lu matrimoniu
Cù lu to Ghjuvanghjaseppu
L’hà impiditu u dimoniu
Ma stirparaghju u so ceppu

Avà po fughju ch’eddu abbaghja lu cani
Ampararani quali porta li sanni
Pregu lu ghjandarmu corsu
Di tena si com’è l’orsu
Piattu ind’u so aggrottu
Quand’e li faraghju mottu

Micca assassinu, socu omu vinditteru
Ùn mi mandeti nì frati nì paceru
Di tartana o di stilettu
A vindetta si farà (ni),
Di rustaghja o di scupettu
Lu so sangui sbarzarà

Addiu o cari, la me sorti era scritta
Ùn hè gluriosa è ancu sarà trista
Ch’e ùn saraghju duttori
Era u sognu di Mammà
Oghji strappa lu me cori
Da ùn pudè più amà.

[/center]

Ghjuvan Micheli

erbaghju · Bucugnanu & Marignana Nombre de messages: 2094 Date d'inscription: 10/10/2006

cirlinu a écrit:

Eo so banditu
Perche fora di legge
Cum’u rimitu
A mè nim’ùn mi rege
Campu di strazii è lavoru
A mez’à li m’animali
E lu mio solu decoru :
U sole è li pastricciali

So for’ di strada
È l’ordine ricusu
Un portu trava
Ma’ ùn so statu chjusu
Sin à oghje mai arresu
Campu la sorte vulpina
Pasciu sempre lu difesu
L’inguernu cun la statina.

Eo so banditu
Sposu di la natura
Cum’u rimitu
Tengu la notte scura
Beiu l’acqua di surgente
Manghju di l’arburi a frutta
Dormu solu à lu celente
Cun lu mo cane in cumbutta

Ora ne negu
A sucietà infame
‘gni locu vecu
a miseria è a fame.
Potenti à lu pudere
Per sottumette li chjuchi
E per fà le cose nere
Di soldi è manere sbruchi

Eo so banditu
Mi guardu di a ghjente
Cum’un rimitu
Chi mai ùn si ne pente
Pensu è riflettu assai
Circhendu a medicina
A strada di a veritai
Nu a stella matuttina

Cirlinu

erbaghju · Bucugnanu & Marignana Nombre de messages: 2094 Date d'inscription: 10/10/2006

Ghjuvan Petru a écrit:

Lamentu di u banditu Ghjuvan Petru Treiber

Dal mio palazzu
Cupartu à verde fronde,
Sù lu pughjale,
Niente si nasconde,
Vecu Sgiuagnì¹ è Misgenne²,
Vecu Villanova³ è l’onde
Di u fiume di l’Ionna⁴
Chì carezzanu e sponde.

Cusì mi trovu
Piattu inde u mio boscu,
Valdu di l’Otta⁵,
Zeppu è sempre foscu,
Ci feciu lu guardiacaccia,
Sanu sanu u cunnoscu…
Finamente à u prucessu
Mi ci staraghju nascostu.

Da a prigione
D’Osserra⁶sò fughjitu
È sò custrettu
À campà da rimitu,
Notte è ghjornu cuttighjatu
Cum’è un veru banditu
Ma u ghjornu di u prucessu
U casu sarà schiaritu.

Dipoi sempre
Dicu ch’e sò nucente
Ma a ghjustizia
Quessa ùn la vole sente,
M’anu imprigiunatu à tortu,
Difesa di vede ghjente,
U ghjudice di struzzione
Prestu si ne hà da pente.

Ùn piegne più
A mio cara Blandina
Chì a ghjustizia
Ùn hè cà pantumina,
A notte ti sunnieghju
O la mio gemma più fina,
Tù sè u mio Hartzala⁷
A mio stella matutina.

In la furesta
D’Otta ind’è l’Ionna
Si sente un stridu
Chì languente risona
Hè quellu di un omu frustu
Chì ogni spiranza abbandona
Ghjuvan Petru u banditu
Un tristu lamentu intona.

À i giandarmi
In faccia eiu li stupu,
Tuttu lu ghjornu
À circammi l’accupu,
Ùn mi truvaranu mai
In questu mio valdu cupu.
Ma à voi a possu dì :
Sò piattu in Culu à u Lupu⁸!

Note:

1 Joigny
2 Migennes
3 Villeneuve-sur-Yonne
4 Yonne
5 Forêt d’Othe
6 Auxerre
7 Picculu core (in alsazianu)
8 Le Cul du Loup

Ghjuvan Petru

erbaghju · Bucugnanu & Marignana Nombre de messages: 2094 Date d'inscription: 10/10/2006

Ghjuvan'Federiccu a écrit:

Eccu una puisia scrivacciulata una vintina di minuti fà ... svighjendumi à l'ispinsata .. lol

A CANTARINA

Sarru l’ochji un istanti
In a notti cristallina,
Pà senta l’aria fantina
Di i spiranzi tamanti,
Infattati da i canti
D’una cara cantarina.

U so versu imbalsama
È infiara a me menti,
Tracciendu i sintimenti
In cori di ogni brama,
Da fa ingrandà a fiamma
Di un ardori nascenti.

Cù fedi è simpatia
I so biddezzi rimiru,
Ricamandu u suspiru
Tessu cù a miludia,
Di a dulci cumpagnia
Chì mi cacciò u rispiru.

Sognu à lucendiluna
Quissu fiori mai coltu,
Chì cù fiatu disinvoltu
È grazia pocu cumuna,
Feci sbuccià a furtuna
À filu di u me voltu.

E vurria pà dumani
Scriva i nosci distini,
Intricciendu i cammini
Di dui cori landani,
Incù l’affetti suprani
D’un amori senza fini.

Ghjuvan Federiccu

erbaghju · Bucugnanu & Marignana Nombre de messages: 2094 Date d'inscription: 10/10/2006

Tito a écrit:

Dunque un'addattazzione..di Rimbaud, l'Eternité...

Hè u ritronu beatu
Di st’alba d’eternità
Nant’à un mare andatu
Cun sole di verità...

Incù l’alma sintinella
Si murmura cunfessione
Di sta notte puvarella
E di ghjornu à sulleone...

Di tutte e scelte umane
E di ste leve cumune
Si voga sin’à dumane
Incù ale di furtune...

Perchè sò à voi sola,
Tizzoni eppo fiare fine,
Un Duvere chì si scola
Senza sapè dì : infine...

Custì nisuna sperenza
Nemancu un’alba nova,
Una chjama di pazienza
E un suppliziu à prova...

Hè u ritronu beatu
Di st’alba d’eternità
Nant’à un mare andatu
Cun sole di verità...

Tito

erbaghju · Bucugnanu & Marignana Nombre de messages: 2094 Date d'inscription: 10/10/2006

erbaghju a écrit:

Si tu peux voir détruit l'ouvrage de ta vie
Et sans dire un seul mot te mettre à rebâtir,
Ou, perdre d'un seul coup le gain de cent parties
Sans un geste et sans un soupir ;

Si tu peux être amant sans être fou d'amour,
Si tu peux être fort sans cesser d'être tendre
Et, te sentant haï sans haïr à ton tour,
Pourtant lutter et te défendre ;

Si tu peux supporter d'entendre tes paroles
Travesties par des gueux pour exciter des sots,
Et d'entendre mentir sur toi leur bouche folle,
Sans mentir toi-même d'un seul mot ;

Si tu peux rester digne en étant populaire,
Si tu peux rester peuple en conseillant les rois
Et si tu peux aimer tous tes amis en frère
Sans qu'aucun d'eux soit tout pour toi ;

Si tu sais méditer, observer et connaître
Sans jamais devenir sceptique ou destructeur ;
Rêver, mais sans laisser ton rêve être ton maître,
Penser sans n'être qu'un penseur ;

Si tu peux être dur sans jamais être en rage,
Si tu peux être brave et jamais imprudent,
Si tu sais être bon, si tu sais être sage
Sans être moral ni pédant ;

Si tu peux rencontrer Triomphe après Défaite
Et recevoir ces deux menteurs d'un même front,
Si tu peux conserver ton courage et ta tête
Quand tous les autres les perdront,

Alors, les Rois, les Dieux, la Chance et la Victoire
Seront à tout jamais tes esclaves soumis
Et, ce qui vaut mieux que les Rois et la Gloire,
Tu seras un Homme, mon fils.

Sì tù poi fighjà sbrumassi u to stantu
è senza una parolla turnallu à custruì
perde ind'un colpu solu tuttu u to guadantu
senza alcuna ghjastema dì

Sì tù poi esse amante senza esse scimitu
sì tù poi esse forte eppo l'amore rende
è puru udiatu ùn udià u nimicu
per luttà sempre è difende

Sì tù poi accittà di sente e to parolle
travestite in disprezzu per diverte a ghjente
è sente in e so bocche tante bugiarde fole
senza tradisce a to mente

Sì tù poi stà degnu essendu cuttighjatu
è populu campà cunsigliendu i rè
è sempre ghjunghje à tene l'amicu à u to latu
tuttu pinsendu da par tè

Sì tù sai osservà, medità è sapè
senza diventà mai dubitosu o mastinu
per ùn lascià u sognu avè issu pudè
d'ammaistrà u to distinu

Puru esse siveru senza ira feroce
sì tù poi esse bravu è mai imprudente
sì tù sai esse bonu è saviu in a to voce
per ùn offende micca a ghjente

Sì tù ghjunghji à fiurisce l'inghjulia di u focu
è sempre di rimenu risponde à l'affannu
sì tù poi cunsirvà u capu à u so locu
quandu l'altri u perderanu

Tandu i rè, i dii, furtuna è vittoria
saranu per u sempre cum'è un schjavu domu
è ciò chì vale più cà i rè è a gloria:
Sarè omu u me figliolu

erbaghju

Petra lu pianu

Quessa mi piace assà o erby! bravu! thumright

elvira

ma sò tippetti Erbaghju è Kipling!

Ghjuvan Micheli

À midità da tutti...

_________________
A raghjoni hè toia... ma a capra hè mea !

http://casa-di-a-memoria.over-blog.com/

erbaghju · Bucugnanu & Marignana Nombre de messages: 2094 Date d'inscription: 10/10/2006

Ghjuvan Petru a écrit:

Sicondu lamentu di Ghjuvan Petru Treiber

À i giandarmi
Li lasciu suppulaglie
Facianu megliu
À chjode e canaglie
Cridianu l’atru ghjornu
Ch’e fussi chjappu in tanaglie
Mentre ghjucava tranquillu
À u Golfu di Funtanaglie¹

Quallà ci andedu
« Surtendu » di prigiò
Chì cunniscia
U valdu di Bombò²
Pigliava u mio caffè
Tutte e mane in Breò³
Hè cusì chì i giandarmi
M’anu pigliatu in fottò

Dal mio palazzu
Di fronde verdicente
Duve l’Ancore⁴
Piglia a so surgente
Vidia da u mio quarciu
L’onde chjare è tralucente
Di u fiume di l’Almonte⁵
Di a Sequana⁶ aghjugnente

Cari furisti
Stu ligame vi mettu
Da a ghjustizia
Tante cose ùn aspettu
Ma ghjurgu ch’e sò nucente
Mittendu a manu in pettu
A sanu ancu in Breò
Chì ùn sò un gattivu sughjettu

http://aliceadsl.lci.fr/infos/france/0,,4920717-VU5WX0lEIDUzNg==,00-mais-ou-est-passe-jean-pierre-treiber-.html

1 Golf de Fontenailles
2 Bois de Bombon
3 Bréau (Seine et Marne)
4 Ru d’Ancœur
5 L’Almont
6 La Seine

Ghjuvan Petru

so

Titic a écrit:

Ti tengu caru Pueta

A tè, chì sai fà cresce
Fiori in lu mio disertu.
A tè, chì poi lacà mesce
U sangue, a core apertu.

Metti e to ferite a palesu,
E meie diventanu toie.
U mo soffiu a u toiu appesu,
E facciu meie e to gioie.

Incu e to rime fatate,
Incu l oru di lu to versu,
E to duie parolle date
Ponu fà scambia l universu.

A tè chì mi porti la pace
Quandu mi ferisce la vita,
Quandu u silenziu si face,
U to cantu ellu mi seguita.

A ciò chì si simpliciamente
Offrendu la to alma schietta,
So ricca di le to sumente,
È ti tengu caru pueta...

Titic

_________________
Hè la lingua materna di le nostre mammone
Chì cuntavanu fole in giru à lu fucone
Chì cuntavanu gioie, chì cuntavanu affanni
In l'unicu parlà di tuttu lu rughjone...

erbaghju · Bucugnanu & Marignana Nombre de messages: 2094 Date d'inscription: 10/10/2006

dirusiu a écrit:

U CIRCULU

Nu a lumera nèra d’un chjar’oscuru d’oru
L’omu solu avanzava, nu a polvera lucente,
L’occhju di u zitellu, mutu u seguitava,
Di vere un tesoru, ellu era incusciente.

L’immensu tendone era, cume un celu ardente
D’avè vissutu tantu, stonde é émuzione,
A musichella ella, accumpagnava u pientu,
D’un publicu cù in l’occhji, sia rise o spaventu.

Di neru verde é rossu, parianu acelli
Si trè omi adduniti, in cima di ‘ss’universu
So di carne e di sangue, mà ci parenu sonnii
Oniricu hè u mondu, duv’elli c’anu immersu.

U tempu pianta, é, cume una préghera,
Si pesa a risa immensa, d’un populu cuntentu,
in ss’ora so un zitellu, é u mio core spéra,
di fà piantà per sempre ‘ssu beatu mumentu.
GHJ.A. 21/10/2009

Dirusiu

erbaghju · Bucugnanu & Marignana Nombre de messages: 2094 Date d'inscription: 10/10/2006

dirusiu a écrit:

Cùla

Culà, so i mondi, induve l’amore hè raru
Duve à è nulle u ventu, face una triccia d’oru
Culà, è lacrime immense, di è cime cutrate
Chi di frisgi inguernali, petinanu u mio core

Qui avà so i ghjorni, di marosulu biancu,
Quandu a vita si pianta, cù a tristezza a fiancu
So i sangui di l’omi, chi un so mancu nati
So macelli di vergine, é ciucci abbandunati

Di chi culor’sérà, a speranza bramata
Chi di rossu, a terra, oghje hè tutta impiastrata
Di chi fede seranu, ‘ssi dii tantu chjamati
Chi fideghjanu more, i so populi amati

Toccu a rena e mi copru, per un perde passione
Indè l’estru umanu, un ci hé nisun’ ragione
Nisun’idea, o versu, o ghjustificazione
Per saziassi di a ruina, di a terra di palestina

Dirusiu

erbaghju · Bucugnanu & Marignana Nombre de messages: 2094 Date d'inscription: 10/10/2006

dirusiu a écrit:

U mio mondu

In u core di u mondu hé stanciatu u pientu
In u core di u mondu cresce un’alba à u ventu
L’acelli so in gioa, so fior’culor’di celu
S’alzanu Verdi è cime, in un spaziu u più bellu

Mursicendu i monti, dà u mare à e neve
E fureste prufonde imbelliscenu è pieve
D’aprile di veranu, zirla in ogni pentone
Un’arcu di culori, chi canta à so canzone

In u core di u mondu hé stanciatu u pientu
In u core di u mondu cresce un’alba à u ventu
A è ringhere di sole, vola una rundinella
Ch’annuncia cù è so fole, a stagione à più bella

Quandu i quatri elementi, scrivenu a natura
L’ordine di l’universu, face una pittura,
Chi ci rinfresca l’anima, ci face sunnià,
E l’angoscia ci lascia, una stonda di sperà,

In u core di u mondu hé stanciatu u pientu
In u core di u mondu cresce un’alba à u ventu

Dirusiu

erbaghju · Bucugnanu & Marignana Nombre de messages: 2094 Date d'inscription: 10/10/2006

rappallinu a écrit:

MONTE CINTU

Accunsente à u sguardu quellu orisonte spachju
‘Ssu celu spalluzzatu da vede à l’infinita
Accunsente à sapè chì da l’alba à l’attrachju
A vecu, smisurata, a meia l’invistita

Sò eiu u più altu, eiu u più supranu
È regnu da tant’anni nant’à l’isula bella
Di quelli lochi amati ne sò u varghjianu
Mi chjamu Monte Cintu, sò muntagna ribella

Mi chjamu Monte Cintu aghju duie surelle
Artica è Minuta, punte insannicciate
Di a mio vita sò l’eterne sintinelle
Affiancate da sempre è per sempre affiancate

Sò u monte tarcanu, cintu da tanti amichi
I so nomi Pardatu , Capu Larghja o Ciuntrone
Sò u rè rispittatu frà tutti l’alti spichi
I mio principi sò Ritondu è San’Petrone

Mi chjamu Monte Cintu, stò vicinu à e stelle
Quassù, à l’aria fresca, quassù pè l’alte sponde
È cù i mio cumpagni e ci passemu belle
Dolce, calme è sirene e stonde è pò e stonde…

Rappalinu