|
|
| Auteur | Message |
|---|
rappallinu
Monte d'Oru
Nombre de messages: 163
lucalizazione: Capu di Vegnu
Date d'inscription: 19/04/2009
 |  Sujet: PRIMA PUESIA  Dim 1 Nov - 9:40 | |
| Quandu l’inchjostru sumena Sia vomara a mio penna Sianu solchi ste righe È a mio mente catena Di e tribbiatoghje antiche Quandu l’inchjostru sumena E rime facenu spiche Ne vogliu fà i mannelli Carruzzà ogni mizinu Ammansà tanti granelli Metteci u San Martinu Spulati ch’elli sò quelli Purtalli à u mulinu Quand’è tù era zitellu Festi ancu a farina Manighjendu u cruvellu Cun tutta a to famiglia Cù u corsu d’oghje è quellu Eiu nun vecu sumiglia D’ùn esse più urtulanu Ùn ai mancu rimorsu Ùn sumineghji più granu Tù cum’è l’anticu corsu Ormai hè bellu luntanu U tempu di u carrozzu Ùn ai mancu frastorni A to cuscenza hè pulita Ma oghje à mezi baroni Ùn ci hè mancu più una trita Sò spenti i nostri forni Ind’è l’aghje ùn ci hè più vita Oghje ci soffia u ventu Ne face u giriolu È cresce u to turmentu Da a Balagna à Niolu Mulini ci n’era centu Da Bunnella à u Muricciolu Avà ùn s’adopra più madia Nè menu a stacciaghjola Pulenda ùn si ne magna Ùn s’azzinga più paghjola Hè una vita di cuccagna Quella chì hè ghjunta à a moda O Corsica stammi à sente Ch’elli torninu l’armacci Ch’ella levi a sumente Ch’elli cantinu i stacci Osinnò si n’anu da pente Cismuntinchi è Suttanacci Eccu dunque, s'aghju capitu bè, a prima puesia chì Matteu Mattei hà cunsideratu lighjitoghja per l'altri. Hè propiu bella, intinta forse di 'ssu sguardu neru c'omu pò avè à vint'anni dopu à avè intesu tanti discorsi nant'à a Corsica di tandu. Vuleria cunnosce eiu, a pinsata oghjinca di MM à nant'à u sugettu.
Prupongu quì c'omu ci mittissi a prima puesia chì l'hè parsa à bastanza agalapata per sparte la cù un qualunque lettore.
Eiu da 16 à 19 anni aghju scrittu una mansa d'affari c'aghju persu o ancu ghjittatu. Piccatu forse ma hè cusì. A prima volta c'aghju finitu una puesia pinsendu esse à l'altura di ciò c'o lighjia tandu (per u più e canzone di I Chjami, Canta, A Filetta o I Voci di A Gravona) eramu in u 1988 è avia 19 anni. Eccu la...
À LU GHJORNU SPUNTATU
Acquatu di a mane rinfreschi i mio sogni
Quandu in lu primu raghju si scopre u cuntornu
À l’angunia a notte fughje incù lu so fornu
Eppò lu ghjornu cambia e mio brame in bisogni
L’acellu à tempu natu, si move sgalapatu
U trattu scrianzatu stuzzica i talavelli
In l’aghja testimone di l’anticu macellu
Rinasce a rivolta à lu ghjornu spuntatu
À lu ghjornu spuntatu in un dolce rimore
Si stringnenu e mani in un chjerchju immensu
U nome libertà ripiglia u so sensu
È alloghja a vita in fondu à ogni core
À lu ghjornu spuntatu s’arrizza a bandera
Di l’eterne spiranze piatte in le nostre mente
È risplende a luce d’una fiaccula ardente
Chì piccia focu in core è tomba l’addisperu
Ingannu di a notte, di a morte funtana
Di u sperà di l’omu ùn sia strappatura
È sappia chì a lotta campa ancu in la bughjura
È ch’in l’ochji d’un populu a rivolta s’intana… |
|
  | |
MARCU MARIA
GOLU
Nombre de messages: 7208
Date d'inscription: 21/10/2004
| | Sujet: Re: PRIMA PUESIA Dim 1 Nov - 9:53 | |
| |
|
| | |
Cumpà
Fangu
Nombre de messages: 2277
lucalizazione: Casinca
Date d'inscription: 17/02/2008
| | Sujet: Re: PRIMA PUESIA Dim 1 Nov - 10:41 | |
| Belle cume sempre ! Troppu bellezze nant'à stu foru ! _________________ http://cumpalliols-in-corsu.over-blog.comTandu i figlioli adduniti sott'à listessa bandera cù una vuluntà cumuna Feranu di stu paese una nazione fiera, ùn ne mancherà manc'unu È feranu l'avvene. A. Olmetta |
|
| | |
Tito
Viru
Nombre de messages: 1735
Age: 26
lucalizazione: Vilone d'Ornetu
Date d'inscription: 05/03/2007
| | Sujet: Re: PRIMA PUESIA Dim 1 Nov - 11:16 | |
| S'ellu si parla di prime puesie è attempu di sguardu persunale annantu u so scrittu, pensu à quessu scrittu :
Tramandera
O Corsu di fede sincera
Stu scrittu ne ferà testimoniu
Da sparte cun tè a mio spera
D’arribbiccà l’avvene in sonniu
Incenderà a tramandera,
A sorte di u patrimoniu.
Disciupliccheghja a to paghjella
Intunata cun fracassu
Aghjusta a terza la più bella
Dopu à a seconda eppo u bassu
Da quellu cantu chì scanella
Seguiteremu tandu lu chjassu.
Sceglilu puru lu to versu
Basta ch’ellu sia spartutu
Illumineghja lu più scarsu
Lu sminticatu o scunnesciutu
Canta chì nunda ùn sia persu
Canta chì nimu ùn stia mutu.
E to fole falle corre
Puru di ghjornu è senza focu
Disceta a veghja chì si more
E ch’ùn si vede più indocu.
A veghja ne serà stu fiore
Chì radicheghja omi è locu.
O Corsu facciu preghera
Teni bè quest’andatura
Mettici puru a manera
Appii sempre stessa primura
Per mughjà à a terra intera
Ch’hè sempre viva a cultura.L'aghju scritta in u mese d'aostu di u 2008. S'ellu ci vole à mette e prime puesie (e 4 o 5 prime), votu per quessa quì...  |
|
| | |
Cumpà
Fangu
Nombre de messages: 2277
lucalizazione: Casinca
Date d'inscription: 17/02/2008
| | Sujet: Re: PRIMA PUESIA Dim 1 Nov - 11:17 | |
| Puru (è m'addirrizzu à voi dui), u stilu ùn pare micca menu bellu ch'è d'abitudine... _________________ http://cumpalliols-in-corsu.over-blog.comTandu i figlioli adduniti sott'à listessa bandera cù una vuluntà cumuna Feranu di stu paese una nazione fiera, ùn ne mancherà manc'unu È feranu l'avvene. A. Olmetta |
|
| | |
Tito
Viru
Nombre de messages: 1735
Age: 26
lucalizazione: Vilone d'Ornetu
Date d'inscription: 05/03/2007
| | Sujet: Re: PRIMA PUESIA Dim 1 Nov - 11:20 | |
| Si pò disgià rimarcà chì sò scritti assai indiati nantu à U Corsu, l'omu è a so terra. Pensu ch'ellu hè nurmale per quellu chì principia di vulè scrive nantu à stu sughjettu. D'altronde, quellu chì chjappa a penna, scrive, à u principiu, spessu per u so paese, u so rughjone...in tutti i casi hè ciò ch'aghju rimarcatu... A mo prima puesia fù una puesi annantu à i mo paesi (Di Tavagna) ma per mè hè di più lighjitoghja "Tramandera"... |
|
| | |
Matteu Mattei
BAGLIA ORBA
Nombre de messages: 3014
lucalizazione: Vistu pè l'ultima volta da i granatieri in 1774 à 2 leghe di Corti
Date d'inscription: 12/10/2007
| | Sujet: Re: PRIMA PUESIA Dim 1 Nov - 11:25 | |
| | Citation: |
Eccu dunque, s'aghju capitu bè, a prima puesia chì Matteu Mattei hà cunsideratu lighjitoghja per l'altri. Hè propiu bella, intinta forse di 'ssu sguardu neru c'omu pò avè à vint'anni dopu à avè intesu tanti discorsi nant'à a Corsica di tandu. Vuleria cunnosce eiu, a pinsata oghjinca di MM à nant'à u sugettu.
|
voli cunnosce u parè di Marcu Maria o quellu di Matteu Mattei?
perchè ancu s'ellu ti pò parè stranu l'affare  , hè cusì: MM hè Marcu Maria è eiu ùn sò cà MM2...
Ti daraghju nanzu duie spiicazione annant'à a mo "prima puesia" (chì anch'eiu cum'è tè qualchì curbella a m'aghju impiuta...):
avia una vechja zia (zia Lalla) una surella di mammò, chì l'ultimi anni di a so vita, stava in casa cù noi.
Era (cum'è a maiò parte di e vechje di u nostru paese) un libru vivu , pienu di vechje puesie è di ricordi di un'eplica passata...
Eiu a tribbiera ùn l'aghju mai fatta nè mancu vista, ma ella n'avia fattu qualchì una... dopu avella intesa cuntà e tribbiere di a so giuvintù (è dopu avenne scrittu u lessicu ) mi vensenu sti versi.
Pò parè nustalgica è chjosa inde una spezia di passatisimu impruduttivu a puesia, a ti cuncedu, ma sì l'elegia pò dà a imprissione ch'ellu appii "un sguardu negru" u puetu, ludà u passatu ùn hè micca sempre ricusà u prisente è l'avvene, trà eri, oghje è dumane, si ci pò circà una spezia d'armunia...
U scopu era solu di parlà di a tribbiera, unu di i puntelli di a cumunità corsa, incù tuttu l'affettu è u rispettu ch'ellu pò avè un giovanu corsu pè i so vechji chì anu avutu una vita dura è stantata.
Zenza ponemi tante quistione, scelsu di falla à l'usu "Lamentu" ghjustu per avè un filu à siguità.
U titulu "Quandu l'inchjostru sumena" palesa una di e funzione (chì mi pare impurtante) di a puesia tradiziunale: l'usu ùn esiste più ma per via di u cantu ùn more tutt'à fattu, i versi "quandu l'inchjostru sumena / e rime facenu spiche" a dicenu di modu forse ancu più chjaru.
Ci hè dinù l'aspettu lissicale chì mi pare (è mi parse) impurtante...
ma què saria un antru sugettu: quellu di a "trappula" induv'ellu pò cascà u puetu o u scrittore "dialittale", vene à dì scrive di più pè a lingua cà pè a literatura. Spergu ch'ellu sia riisciutu u giovanu puetu di vinti anni fà à schisalla sta trappula scrivendu attempu per l'una è per l'altra.
eccu u mio parè, quellu ch'aghju oghje ma chì mi pare listessu à quellu ch'avia tandu quandu a scrissu sta "prima puesia".
_________________
Ricunnisciutu da l'UNESCO
|
|
| | |
titic
Crucoli
Nombre de messages: 1068
Age: 37
Date d'inscription: 14/03/2008
| |
| | |
Petra lu pianu
Crucoli
Nombre de messages: 1075
lucalizazione: Frà CRUZINU è CINARCA
Date d'inscription: 22/07/2007
| |
| | |
titic
Crucoli
Nombre de messages: 1068
Age: 37
Date d'inscription: 14/03/2008
| | Sujet: Re: PRIMA PUESIA Dim 1 Nov - 14:01 | |
| l avia scritta pè un scrittu impostu, era a mo prima puesia scritta in corsu... ci era un sbagliu a ogni parolla ^^ eccu la : Veranu À l alba di u veranu Vene in core a mè Stu paese luntanu U Tibet Vuleria spusà u ventu Ch' ellu mi purtessi culà Pè pudè porghje la manu Chì quì, chì possu fà ? Possu solu mandatti un fiore innacquatu di sulidarità Ch' ellu cresci è datti l amore Stu fiore di libertà Titic marzu 2008 _________________  |
|
| | |
Petra lu pianu
Crucoli
Nombre de messages: 1075
lucalizazione: Frà CRUZINU è CINARCA
Date d'inscription: 22/07/2007
| |
| | |
Petra lu pianu
Crucoli
Nombre de messages: 1075
lucalizazione: Frà CRUZINU è CINARCA
Date d'inscription: 22/07/2007
| | Sujet: Re: PRIMA PUESIA Dim 1 Nov - 19:34 | |
| In rialità, quinci ùn aviu mai fattu puisia ... mancu una. Allora, n'aghju scritta una avà... cusì avaraghju provu, tengu à dì ch'e' ci aghju messu un pocu d'impegnu, vi ghjurgu. Guasi una mezuretta par iscrivela! ùn hè stata travagliata assà, allora ùn fate attinzione à i sbaglii è altri.
A me prima puisia a me prima puisia a tè a vogliu scrive s'ella ti piace a rima qui ùn ci n'è mancu cria stà a sente qui aghja discrive mancu u prete ci cridia  a me prima puisia a tè a vogliu cuntà incu l'usu di tandu e magnend'u penscioccolà semu inghjiru à u ziglioni si riscalden'i cuglioni  a me prima puisia a tè a vogliu cantà cu a voce a piu fina par isti paesi e città vularè ancu partire a so ch'è tu voli ride  a me prima puisia à tè a vogliu mandà cun detti di curtesia e biendu un pocu di fantà (o di coccà cum'è tù voli) stà attente qui c'è a maggia è po esse appena di fantasia  a me prima puisia avà l'aghju da finisce ne chjamu'a qualesisia chi prestu aghja scimisce ùn fate casu di me tuntia era dunca me prima puisia  |
|
| | |
Cumpà
Fangu
Nombre de messages: 2277
lucalizazione: Casinca
Date d'inscription: 17/02/2008
| | Sujet: Re: PRIMA PUESIA Dim 1 Nov - 19:38 | |
| Una mezoretta ! À mè, mi ci vole sempre di più ! Dunque, sì ghjà più talentuosu ch'è mè ! _________________ http://cumpalliols-in-corsu.over-blog.comTandu i figlioli adduniti sott'à listessa bandera cù una vuluntà cumuna Feranu di stu paese una nazione fiera, ùn ne mancherà manc'unu È feranu l'avvene. A. Olmetta |
|
| | |
Petra lu pianu
Crucoli
Nombre de messages: 1075
lucalizazione: Frà CRUZINU è CINARCA
Date d'inscription: 22/07/2007
| |
| | |
Cumpà
Fangu
Nombre de messages: 2277
lucalizazione: Casinca
Date d'inscription: 17/02/2008
| | Sujet: Re: PRIMA PUESIA Dim 1 Nov - 19:48 | |
| Eiu ci l'aghju vistu u talentu ! Dunque u ghjornu duve ghjudicherai ch'ellu ci serà da veru, cosa serà ? _________________ http://cumpalliols-in-corsu.over-blog.comTandu i figlioli adduniti sott'à listessa bandera cù una vuluntà cumuna Feranu di stu paese una nazione fiera, ùn ne mancherà manc'unu È feranu l'avvene. A. Olmetta |
|
| | |
|
Accueil 
FAQ 
Rechercher 
S'enregistrer 
Membres 
Groupes 
Connexion 
